完整藏文原文 · 德格版页 当前仅加载第 93 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
གཡོགས་ཅན། རྒྱན་ཐམས་ཅད་ཀྱིས་རྣམ་པར་བརྒྱན་པ། གཡོ་བ་དང་ལྡན་པའི་སྐུ་ངུར་སྨྲིག་དམར་པོ་གསོལ་བ། སྐྱིལ་མོ་ཀྲུང་གིས་ཉེ་བར་འདུག་པ་རིན་པོ་ཆེའི་རྡོ་ལེབ་ལ་བཞུགས་པ་ཞི་བའི་ཆ་བྱད་ཅན། ཀུན་ནས་འབར་བའི་ཕྲེང་བས་འཁྲུགས་པ།
D724.093.0257a01.01དྲི་ཞིམ་པོའི་མེ་ཏོག་གིས་གཅལ་དུ་བཀྲམ་པ་ལ་འདི་ལྟ་སྟེ། མཱ་ལ་ཏཱི་དང་། བཱརྵི་ཀཱ་དང་། དྷ་ནུ་སྐ་རི་ཀཱ་དང་། པུནྣཱག་དང་། ནཱ་ག་གེ་སར་ལ་སོགས་པའི་མེ་ཏོག་རྣམས་ཀྱིས་རས་ལ་ཀུན་ནས་གཅལ་དུ་བཀྲམ་བཞིན་པས་མངོན་པར་བྲིའོ། །བཅོམ་ལྡན་འདས་ཤཱཀྱ་ཐུབ་
D724.093.0257a02.01པའི་གཡོན་གྱི་གཞོགས་སུ་འཕགས་པ་འཇམ་དཔལ་གང་ཡིན་པའི་སྟེང་དུ་རིན་པོ་ཆེ་དུ་མས་སྤྲས་པའི་ཤིན་ཏུ་རིང་པོའི་རྣམ་པའི་གཞལ་མེད་ཀྱི་དཀྱིལ་འཁོར་རོ། །བྲག་རིའི་རྒྱལ་པོ་ཉེ་བར་མཛེས་པ་རིན་པོ་ཆེའི་རྡོ་ལེབ་ཀྱིས་བཀབ་པ་རི་བོའི་རྣམ་པ་ལྟ་བུར་མངོན་པར་བྲི་བར་བྱའོ། །
D724.093.0257a03.01དེར་གནས་པའི་སངས་རྒྱས་བཅོམ་ལྡན་འདས་བརྒྱད་མངོན་པར་བྲི་བར་བྱ་བ་ལ་འདི་ལྟ་སྟེ། རིན་ཆེན་གཙུག་ཏོར་ཅན་རིན་པོ་ཆེ་བཻ་ཌཱུརྱའི་འོད་རྣམ་པར་འཕྲོ་བ། ཀུན་ནས་འོད་འདོམ་གང་བ། པདྨ་རཱ་ག་དང་། ཨིནྡྲ་ནཱི་ལ་དང་། མ་ར་ཀ་ཏ་ལ་སོགས་པ་དང་། བཻ་ཌཱུརྱ་དང་། རྡོའི་
D724.093.0257a04.01སྙིང་པོ་ལ་སོགས་པ་ནོར་བུ་རིན་པོ་ཆེ་ཆེན་པོའི་ཁྱད་པར་རྣམས་ཀྱིས་ཀུན་ནས་རབ་ཏུ་འབར་བཞིན་པ། ཅུང་ཟད་ཉི་མ་འཆར་ཀའི་མདོག་འདྲ་བ། དེ་བཞིན་གཤེགས་པའི་སྐུ་ཆོས་གོས་སེར་པོའི་སྟོད་གཡོགས་མནབས་པ། སྐྱིལ་ཀྲུང་གིས་བཞུགས་པ། ཆོས་སྟོན་པར་མཛད་
D724.093.0257a05.01བཞིན་པ། ཤམ་ཐབས་སེར་པོ་མནབས་པ་སྐུ་ལ་སྐྱེས་བུ་ཆེན་པོའི་མཚན་གྱིས་གོ་ཆ་བགོས་པ། དཔེ་བྱད་བཟང་པོ་བརྒྱད་ཅུས་ཉེ་བར་མཛེས་པའི་སྐུ་རབ་ཏུ་ཞི་བའི་གཟིགས་སྟངས་ཅན། རྣམ་པ་ཐམས་ཅད་ཀྱི་མཆོག་དང་ལྡན་པའི་དེ་བཞིན་གཤེགས་པ་རིན་ཆེན་གཙུག་
D724.093.0257a06.01ཏོར་ཅན་མངོན་པར་བྲིའོ། །གཉིས་པ་ལ་དེ་བཞིན་གཤེགས་པ་མེ་ཏོག་ཡང་དག་པར་སྐྱེས་པའི་རྒྱལ་པོའི་དབང་པོ་གསེར་གྱི་མདོག་ཏུ་མངོན་པར་བྲི་བར་བྱའོ། །ནཱ་ག་གེ་སར་ཆེས་བཟང་བ་དང་། བ་ཀུ་ལ་ལ་སོགས་པའི་མེ་ཏོག་རྣམས་ཀྱིས་མངོན་པར་གཏོར་བ་མངོན་པར་
D724.093.0257a07.01