完整藏文原文 · 德格版页 当前仅加载第 93 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཡང་བྱེད་དོ། །དེ་ནས་སྒྲུབ་པར་འདོད་ན་ཕྲ་མོའི་ལས་རྣམས་མི་བྱ་བར་མཐའ་གཅིག་ཏུ་སོང་ནས་དབེན་པའི་ཕྱོགས་རྒྱ་མཚོར་འགྲོ་བའི་ཆུ་ཀླུང་འབབ་པ་དང་། རྒྱ་མཚོའི་ངོགས་དང་། གང་གཱའི་ཀླུང་གི་ངོགས་དང་། གཞན་ཡང་ཆུ་ཀླུང་ཆེན་པོའི་
D724.093.0270a01.01ངོགས་ལ་བརྟེན་ནས། ཕྱོགས་གཙང་མ་ཕྱག་དར་བྱས་ནས་ཁྲུས་ལན་གསུམ་བྱ་ཞིང་། གོས་ལན་གསུམ་བརྗེས་ཏེ། སྨྲ་བ་བཅད། སློང་མོའི་ཁ་ཟས་ཟ་ཞིང་། ལོ་མ་དང་། ནས་ཟན་དང་། འོ་མ་དང་འབྲས་བུ་ཟ་ཞིང་འབུམ་ཕྲག་བཅུ་གཅིག་བཟླས་པར་བྱའོ། །
D724.093.0270a02.01གྲུབ་པའི་མཚན་མ་མཐོང་ན། དེ་ནས་སྒྲུབ་པ་བརྩམ་པར་བྱ་སྟེ་ཕྱོགས་དེ་ཉིད་དུ་རས་རིས་ཐུ་བོ་དེར་བཞག་ལ། རས་རིས་ལ་མཆོད་པ་ཆེན་པོ་བྱས་ནས་གསེར་དངུལ་གྱི་རང་བཞིན་ནམ། ཟངས་དང་སའི་རང་བཞིན་གྱི་མར་མེའི་སྣོད། ཏུ་རུཥྐའི་འབྲུ་མར་གྱིས་བཀང་བའམ།
D724.093.0270a03.01དྲི་ཞིམ་པོའི་འབྲུ་མར་གྱིས་བཀང་བའམ། བའི་མར་གྱིས་བཀང་བའི་མར་མེའི་སྣོད་དུ་རས་གསར་པ་དུམ་བུར་བྱས་པའི་མར་མེ་འབུམ་ཕྲག་གཅིག་རས་རིས་ལ་དབུལ་བར་བྱའོ། །དེའི་ཁོར་ཡུག་ཏུ་མར་མེའི་ཕྲེང་བ་རྣམས་ཕུལ་མ་ཐག་ཏུ་རས་རིས་ལས་འོད་ཟེར་རྣམས་བྱུང་
D724.093.0270a04.01མ་ཐག་ཏུ་རས་རིས་ཀུན་ནས་འབར་བའི་ཕྲེང་བར་འགྱུར་རོ། །སྟེང་གི་བར་སྣང་ལ་རྔ་བོ་ཆེའི་སྒྲ་སྒྲོགས་ཤིང་ལེགས་སོ་ཞེས་པ་ཡང་ཐོས་ཏེ། དེ་ནས་རིག་པ་འཛིན་པས་རིངས་པའི་ཚུལ་གྱིས་རས་རིས་ཀྱི་མཐའི་ཟུར་དུ་སྒྲུབ་པ་པོ་སྔར་བྲིས་པར་རས་རིས་ལ་བརྟེན་པ་ལ་མཆོད་ཡོན་ཕུལ་ནས་བསྐོར་
D724.093.0270a05.01བ་བྱས་ཏེ་སངས་རྒྱས་ཐམས་ཅད་ལ་ཕྱག་བྱས་ལ་གཟུང་བར་བྱའོ། །དེ་ནས་བཟུང་བ་ཙམ་གྱིས་མར་མེ་འཛིན་པ་དེ་རྣམས་ཐམས་ཅད་ཀྱི་ལྷན་ཅིག་ཏུ་འཕུར་བར་འགྱུར་རོ། །གཅིག་གིས་ལྷག་པའི་གཞལ་མེད་ཁང་བརྒྱར་ཡང་འགྲོ་བར་བྱེད་དོ། །ལྷའི་སིལ་སྙན་དང་
D724.093.0270a06.01སོ་སོར་ཡང་དག་པར་ལྡན་པ་དང་། སྒྲ་སྙན་པའི་གླུ་དབྱངས་སྒྲོགས་ཤིང་གར་བྱེད་པའི་རིག་པ་འཛིན་མ་དེ་རྣམས་ཀྱིས་འཁོར་ཡུག་ཏུ་ཀུན་ཏུ་ཁྱབ་པར་སྣང་བ་སྒྲུབ་པ་པོ་རིག་པ་འཛིན་པའི་རྒྱལ་པོ་ཆེན་པོར་དབང་སྐུར་བར་བྱེད་དོ། །མར་མེ་འཛིན་པ་དེ་རྣམས་ཀྱིས་ལྷན་ཅིག་
D724.093.0270a07.01