完整藏文原文 · 德格版页 当前仅加载第 93 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
འཆང་བ། མཆོད་ཕྱིར་ཐོགས་དཀར་པོ་ཅན། སྐྱིལ་ཀྲུང་གིས་ཉེ་བར་འདུག་པ། ཕྱག་གཡས་མཆོག་སྦྱིན་པའོ། །དེའི་ཡང་གཡས་སུ་འོག་མིན་པའི་ལྷའི་བུ་བྱ་སྟེ་རྒྱན་ཐམས་ཅད་ཀྱིས་རྣམ་པར་བརྒྱན་པ། རབ་ཏུ་ཞི་བའི་ལུས། སེམས་བསམ་
D724.093.0243a01.01གཏན་ལ་གནས་པ་དར་ལའི་གོས་བགོས་པ། དར་ལའི་སྟོད་གཡོགས་ཅན། སྐྱིལ་ཀྲུང་གིས་ཉེ་བར་འདུག་པ། ཕྱག་གཡས་པས་མཆོག་སྦྱིན་པ། མཆོད་ཕྱིར་ཐོགས་དཀར་པོ་ཅན་ནོ། །དེའི་རིམ་པས་དགའ་ལྡན་དང་། འཕྲུལ་དགའ་དང་། གཞན་
D724.093.0243a02.01འཕྲུལ་དབང་བྱེད་དང་། འཐབ་བྲལ་དང་། བརྒྱ་བྱིན་ལ་སོགས་པའི་ལྷའི་བུ་རྣམས་བྲི་བར་བྱ་སྟེ། {གོ་རིམས་,གོ་རིམ་}ཇི་ལྟ་བ་བཞིན་དང་། ཆ་བྱད་དང་། དབྱིབས་ཇི་ལྟ་བ་བཞིན་ནོ། །བརྒྱ་བྱིན་གྱི་འོག་ཏུ་རྒྱལ་པོ་ཆེན་པོ་བཞིའི་རིས་ཏེ། རྟག་མྱོས་དང་། ཕྲེང་ཐོགས་དང་།
D724.093.0243a03.01ལག་ན་གཞོང་ཐོགས་དང་། པི་ཝང་གཉིས་པ་དང་། ས་བླ་པའི་ལྷའི་བུ་རྣམས་{གོ་རིམས་,གོ་རིམ་}ཇི་ལྟ་བ་དང་། ཆ་བྱད་ཇི་ལྟ་བ་བཞིན་བྲི་བར་བྱའོ། །དེ་བཞིན་དུ་ལྷོ་ཕྱོགས་སུ། མི་ཆེ་བ་དང་། མི་གདུང་བ་དང་། ཤིན་ཏུ་མཐོང་དང་། གྱ་ནོམ་སྣང་དང་། དགེ་
D724.093.0243a04.01ཆུང་དང་། བསོད་ནམས་སྐྱེས་ལ་སོགས་པའི་ལྷའི་བུ་རྣམས་ཆ་བྱད་དང་། དབྱིབས་ཇི་ལྟ་བ་བཞིན་དུ་བྲི་བར་བྱའོ། །དེ་བཞིན་དུ་ནུབ་ཀྱི་ཕྱོགས་དང་། དེ་བཞིན་དུའང་། བྱང་གི་ཕྱོགས་སུའང་ངོ་། །ནུབ་ཀྱི་ཕྱོགས་སུ་དེ་རྣམས་ཀྱི་འོག་ཏུ་ཕྲེང་གཉིས་ལ་
D724.093.0243a05.01བརྟེན་ནས་བྲི་བར་བྱའོ། །དཀྱིལ་འཁོར་གཉིས་ཀྱི་ཕ་རོལ་ཏུ་དཀྱིལ་འཁོར་གསུམ་པར་འགྱུར་ཏེ། ཕྱོགས་བཞིར་རྒྱལ་པོ་ཆེན་པོ་བཞི་{གོ་རིམས་,གོ་རིམ་}བཞིན་དུ་བྲི་བར་བྱའོ། །བྱང་ཕྱོགས་སུ་འཇུག་པའི་གཡས་ངོས་སུ་ནོར་སྦྱིན་གཏེར་དང་ཉེ་བར་གནས་པ་རྒྱན་
D724.093.0243a06.01ཐམས་ཅད་ཀྱིས་རྣམ་པར་བརྒྱན་པ། ཅོད་པན་ཅུང་ཟད་བཅོམ་པ། གནོད་སྦྱིན་གྱི་གཟུགས་ཅན་ནོ། །དེའི་གཡས་སུ་ནོར་བུ་བཟང་པོ་དང་། གང་བ་བཟང་པོ་གནོད་སྦྱིན་གྱི་སྡེ་དཔོན་དག་བྲིའོ། །དེ་བཞིན་དུ་རིམ་གྱིས་གནོད་སྦྱིན་མ་ཆེན་མོ་འཕྲོག་མ་
D724.093.0243a07.01