完整藏文原文 · 德格版页 当前仅加载第 93 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱུང་བའི་དཀྱིལ་འཁོར་དུ་ཞུགས་པ་བདག་ཉིད་ཀྱིས་ཡང་དག་པར་ཤེས་པར་གྱུར་ཏོ། །སོ་སོའི་སྐྱེ་བོ་ཐམས་ཅད་ཀྱིས་དེ་ཡིད་ཀྱིས་དམིགས་པར་མི་ནུས་ན། བྲི་བའམ་འདྲིར་འཇུག་པ་ལྟ་སྨོས་ཀྱང་ཅི་དགོས། །དེ་ནས་ཡང་བྱང་ཆུབ་
D724.093.0237a01.01སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་དཀྱིལ་འཁོར་ཆེན་པོའི་དམ་ཚིག་ལ་རྗེས་སུ་རབ་ཏུ་ཞུགས་པའི་སེམས་ཅན་དེ་རྣམས་ལ་སྨྲས་པ། གྲོགས་པོ་དག་ཉོན་ཅིག །འདི་ནི་དེ་བཞིན་གཤེགས་པ་རྣམས་དང་བྱང་ཆུབ་སེམས་དཔའ་
D724.093.0237a02.01རྣམས་ཀྱིས་ཀྱང་འདའ་བར་མི་བྱ་བའི་དམ་ཚིག་ཡིན་ན། སེམས་ཅན་རྣམས་དང་། འཕགས་པ་གཞན་རྣམས་ཀྱང་ལྟ་སྨོས་ཀྱང་ཅི་དགོས། དེ་ནས་ཡང་སེམས་དཔའ་ཆེན་པོས་ཕྱག་ན་རྡོ་རྗེ་གསང་བ་པའི་བདག་པོ་ལ་སྨྲས་པ། ཀྱེ་རྒྱལ་བའི་སྲས། མི་
D724.093.0237a03.01ལས་འདས་པའི་དམ་ཚིག་ཡིད་ལས་བྱུང་བ་ནི་ངེས་པར་བསྟན་ཏོ། །མི་རྣམས་ལ། དེ་བཞིན་གཤེགས་པ་རྣམས་ཡོངས་སུ་མྱ་ངན་ལས་འདས་ན་ཡང་དག་ཏུ་སེམས་ཅན་རྣམས་ཡང་དག་པར་ཞུགས་ནས། འཇིག་རྟེན་དང་འཇིག་རྟེན་ལས་འདས་པའི་རིག་པ་དང་།
D724.093.0237a04.01སྔགས་ཀྱི་དངོས་གྲུབ་ཐམས་ཅད་འགྲུབ་པར་འགྱུར་བར་བཤད་པར་བྱའོ། །དེ་ནས་ཡང་གསང་བ་པའི་བདག་པོ་ཕྱག་ན་རྡོ་རྗེས། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་སྨྲས་པ། ཀྱེ་རྒྱལ་བའི་སྲས་གང་ད་ལྟ་དུས་ལ་བབ་པར་ཤེས་
D724.093.0237a05.01ན་གསུངས་ཤིག་གསུངས་ཤིག །ཤཱཀྱ་སེངྒེ་འཇིག་རྟེན་མགོན། །ཡོངས་སུ་མྱ་ངན་འདས་པ་ན། །མི་རྣམས་མཆོག་གི་སངས་རྒྱས་ཞིང་། །སེམས་ཅན་ས་སྟེངས་ཁྱོད་དཀྱིལ་འཁོར། །མཐོང་བ་ཙམ་གྱིས་འཇིག་རྟེན་ན། །སྔགས་ཀྱི་དངོས་གྲུབ་རབ་ཏུ་སྐྱེ། །མི་
D724.093.0237a06.01ཤེས་ཆོ་ག་ཉམས་པའམ། །དམ་ཚིག་བདག་པོར་མ་གྱུར་ན། །ཚངས་པ་བདག་ཉིད་ཆེན་པོས་ཀྱང་། །རིག་སྔགས་དངོས་གྲུབ་མི་འགྱུར་རོ། །སྔགས་ལ་མངོན་པར་མི་བརྩོན་དང་། །དམ་ཚིག་བསྟན་པ་མི་མཐོང་ན། །རྣམ་པར་དུ་མར་འབད་བྱས་ཀྱང་། །རིག་པའི་
D724.093.0237a07.01