完整藏文原文 · 德格版页 当前仅加载第 93 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
བའོ། །རིའི་རྩེ་མོ་དེ་ཉིད་དུ་འཕགས་མ་སྒྲོལ་མའི་རས་རིས་བར་མ་སྔར་བཞིན་དུ་བཞག་ནས་མཆོད་པ་ཆེན་པོ་བྱས་ཏེ་གཏོར་མ་དང་ལྷ་བཤོས་རྒྱ་ཆེན་པོ་བྱས་ནས། ཡང་དག་པར་རྫོགས་པའི་སངས་རྒྱས་འོད་སྲུང་གིས་གསུངས་པའི་གསང་སྔགས་འདི་ཉིད་ཀྱིས་སེང་
D724.093.0284b01.01ལྡེང་གི་ཡམ་ཤིང་རྣམས་ཀྱིས་མེ་སྦར་ནས་ཨུ་དུམ་བཱ་རའི་ཡམ་ཤིང་ལ་ཞོ་དང་སྦྲང་རྩི་དང་མར་ལ་བཏགས་པ་རླན་དང་བཅས་པའམ། །དཔལ་འབྲས་ཀྱི་ཡམ་ཤིང་ཀྱང་རུང་སྟེ་སྟོང་ཕྲག་བརྒྱད་དུ་སྦྱིན་སྲེག་བྱའོ། །དེ་ནས་མཚན་ཕྱེད་ཀྱི་དུས་ཀྱི་ཚེ་སྤྲིན་ནག་པོ་ཆེན་པོ་དང་། རླུང་
D724.093.0284b02.01གི་དཀྱིལ་འཁོར་འོང་བར་འགྱུར་ཏེ་འཇིགས་པར་མི་བྱ། ལངས་ན་འགྲོ་བར་ཡང་མི་བྱའོ། །བཅོམ་ལྡན་འདས་མ་འཕགས་མ་སྒྲོལ་མའི་སྙིང་པོས་བདག་ཉིད་བསྲུང་བར་བྱ་ཞིང་། །དཀྱིལ་འཁོར་བཅིང་བ་དང་། གྲོགས་རྣམས་ཀྱང་སྔར་བཞིན་བསྲུང་བར་བྱའོ། །
D724.093.0284b03.01དེ་ནས་རླུང་ནག་པོའི་དཀྱིལ་འཁོར་མི་སྣང་བར་འགྱུར་ཏེ། བུད་མེད་ཀྱང་རྒྱན་ཐམས་ཅད་ཀྱིས་རྣམ་པར་བརྒྱན་པ། འོད་ཀྱི་ཕྲེང་བ་དང་ལྡན་པས་ཕྱོགས་རྣམས་ཀྱང་ཀུན་དུ་སྣང་བར་བྱེད་བཞིན་པ། སྒྲུབ་པ་པོའི་མདུན་དུ་འདུག་སྟེ། ཀྱེ་ཀྱེ་སེམས་དཔའ་ཆེན་པོ་ལོངས་ཤིག །
D724.093.0284b04.01གྲུབ་པ་ཡིན་ནོ། །ཞེས་སོ། །དེ་ནས་སྒྲུབ་པ་པོས་སྣ་མའི་མེ་ཏོག་དང་བསྲེས་པའི་དྲི་ཆུས་མཆོད་ཡོན་དབུལ་ལོ། །དེ་ནས་དེ་ཉིད་དུ་མི་སྣང་བར་འགྱུར་རོ། །ཉི་མ་དེ་ནས་བདག་ཉིད་དམ་འདིའི་གྲོགས་པོ་ཉི་ཤུ་རྩ་ལྔ་ལ་དེང་ནས་ཇི་ལྟར་མངོན་པར་འདོད་པའི་བཟའ་བ་རྣམས་རབ་
D724.093.0284b05.01ཏུ་སྟེར་བར་བྱེད་དོ། །ཇི་ལྟར་འདོད་པའི་ཡོ་བྱད་རྣམས་ཀྱང་ཀུན་དུ་སྦྱིན་པར་བྱེད་དོ། །དེ་ནས་སྒྲུབ་པ་པོས་མཆོད་ཡོན་ཕུལ་ནས་གཤེགས་སུ་གསོལ་བར་བྱའོ། །རས་རིས་ལ་བསྐོར་བ་ལན་གསུམ་བྱས་ནས་རས་རིས་བླངས་ཏེ་སངས་རྒྱས་དང་བྱང་ཆུབ་སེམས་དཔའ་
D724.093.0284b06.01ཐམས་ཅད་ལ་ཕྱག་བྱས་ནས་དེ་ནས་རིའི་རྩེ་མོའམ། མི་མེད་པའི་གནས་སུ་འགྲོ་བར་བྱའོ། །དེར་བདག་ཉིད་དམ། གྲོགས་པོས་ཕྱག་དར་བྱས་ནས་དགྲམ་པར་བྱ་བ་རྣམས་བཀྲམ་ལ་གནས་དེར་ནམ་མཁའ་ལ་འགྲོ་བ་ལ་སོགས་པའི་ལས་རྣམས་བྱའོ། །དེ་ནས་
D724.093.0284b07.01