完整藏文原文 · 德格版页 当前仅加载第 93 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲུབ་པ་པོས་སྔར་བཞིན་དུ་ཀུ་ཤའི་ཁྲེས་ལ་ཉེ་བར་འདུག་སྟེ་རས་རིས་བར་མ་སྔར་བཞིན་དུ་བཞུགས་སུ་གསོལ་ནས་སེང་ལྡེང་གི་ཤིང་གིས་མེ་སྦར་ལ་ཐུན་གསུམ་དུ་པདྨ་དཀར་པོའི་མེ་ཏོག །ཞོ་དང་། སྦྲང་རྩི་དང་། མར་ལ་བཏགས་པ་རྣམས་ཀྱིས་ཉི་མ་ཉི་ཤུ་
D724.093.0285a01.01རྩ་གཅིག་ཏུ། རྩ་བའི་རིག་པའམ་སྙིང་པོའམ་ཉེ་བའི་སྙིང་པོས་ལས་ཆེན་པོ་ཐམས་ཅད་ཀྱི་ཆེད་དུའམ་ཡི་གེ་གཅིག་པའི་ཆེད་དུ་སྟོང་ཕྲག་བརྒྱད་དུ་སྦྱིན་སྲེག་བྱའོ། །དེ་ནས་མཚན་ཕྱེད་ཀྱི་དུས་ཀྱི་ཚེ་སྦྱིན་སྲེག་གི་མཐར་བཅོམ་ལྡན་འདས་མ་སྒྲོལ་མ་མངོན་སུམ་དུ་མཐོང་
D724.093.0285a02.01བར་འགྱུར་ཞིང་། འདོད་པའི་མཆོག་གནང་བར་བྱེད་དོ། །ནམ་མཁའ་ལ་འགྲོ་བའམ། མི་སྣང་བའམ་བྱང་ཆུབ་སེམས་དཔའི་སའམ། རང་སངས་རྒྱས་སམ། མངོན་པར་ཤེས་པ་ལྔ་ཉིད་དམ། ཚེ་རིང་བ་ཉིད་དམ། རྒྱལ་སྲིད་ཆེན་པོ་དང་། ལོངས་
D724.093.0285a03.01སྤྱོད་ཆེན་པོ་ཉིད་ཀྱི་ཆེད་དམ། རྒྱལ་པོ་ཆེན་པོ་མཉེས་པ་ཉིད་དམ། འཕགས་པ་སྤྱན་རས་གཟིགས་དབང་ཕྱུག་གི་རྗེས་སུ་རྣམ་པར་སྤྱོད་པ་ཉིད་དམ། མདོར་ན་ཡིད་ལ་འདོད་པ་དེ་ཐམས་ཅད་གནང་བར་བྱེད་དོ། །གང་བླངས་ཀྱང་རུང་སྟེ། དེ་མཐུན་པར་གནང་བར་
D724.093.0285a04.01བྱེད་ཅིང་། གྲུབ་པའི་རྫས་རྣམས་ཐམས་ཅད་ཀྱང་ཐོབ་བོ། །སེམས་ཅན་ཆེན་པོ་རྣམས་འགུགས་པར་བྱེད་པའམ། མདོར་ན་ཇི་ལྟ་ཇི་ལྟར་ཞུས་པ་དེ་ཐམས་ཅད་མཛད་དོ། །ལས་ཀྱི་ཉེས་པ་རབ་ཏུ་སྤགས་པ་ཡང་ཡང་དག་པར་སྦྱོང་བར་བྱེད་དོ། །ཞེས་བཅོམ་
D724.093.0285a05.01ལྡན་འདས་ཤཱཀྱ་ཐུབ་པས་གསུངས་སོ། །ལས་ཀྱི་ཆོ་ག་གཞན་པ་བར་མའི་སྒྲུབ་ཐབས་སུ་འགྱུར་བ་ནི། །དང་པོ་རེ་ཞིག་ཁྱད་པར་གྱི་གནས་སམ། གཙང་མའི་ཕྱོགས་སམ། ཆུ་ཀླུང་ངམ། ཆུ་གླིང་གི་འགྲམ་དུ་སྔར་བཞིན་དུ་ཐམས་ཅད་བྱས་ནས་རས་རིས་ཞལ་
D724.093.0285a06.01ནུབ་ཏུ་ཕྱོགས་པར་གཞག་ལ། བདག་ཉིད་ཁ་ཤར་དུ་ཕྱོགས་བས་གནས་ནས་ཀུ་ཤའི་ཁྲེས་ལ་ཉེ་བར་འདུག་སྟེ། རྒྱས་པར་གོང་བཞིན་དུ་སྦྱར་བར་བྱ་སྟེ་ཐུན་གསུམ་དུ་འབུམ་ཕྲག་དྲུག་བཟླས་པར་བྱའོ། །བཟླས་པ་ཡོངས་སུ་རྫོགས་པ་དང་། དོང་ཀའི་མེ་
D724.093.0285a07.01