完整藏文原文 · 德格版页 当前仅加载第 93 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
པས་དྲིལ་བུ་ཐོགས་ནས་བ་དན་དམར་པོ་ཐོགས་པའོ། །{གོ་རིམས་,གོ་རིམ་}བཞིན་དུ་བྷྲྀང་གི་རི་ཏི་ཤིན་ཏུ་རིད་པའི་རྣམས་པ་དང་། ཚོགས་ཀྱི་བདག་པོ་ཆེན་པོ་དང་། དགའ་བྱེད་དབང་ཕྱུག་དང་། ནག་པོ་ཆེན་པོ་དང་། མ་མོ་བདུན་པོ་རྒྱན་དང་། ཆ་བྱད་དང་།
D724.093.0244a01.01དབྱིབས་ཇི་ལྟ་བཞིན་དུ་མངོན་པར་བྲིའོ། །ནོར་ལྷ་བརྒྱད་དང་། དྲང་སྲོང་བདུན་དང་། ཁྱབ་འཇུག་ཕྱག་བཞི་པ། ཕྱག་ན་འཁོར་ལོ་དང་། བེ་ཅོན་དང་། མདུང་དང་། རལ་གྲི་ཐོགས་པ། ནམ་མཁའ་ལྡིང་གི་བཞོན་པ། རྒྱན་ཐམས་ཅད་ཀྱིས་བརྒྱན་པའོ། །གཟའ་
D724.093.0244a02.01བརྒྱད་དང་། རྒྱུ་སྐར་ཉི་ཤུ་རྩ་བདུན་དང་། གང་ས་སྟེངས་ཀྱི་དཀྱིལ་འཁོར་ལ་རབ་ཏུ་རྒྱུ་བའི་ཉེ་བའི་གཟའ་བརྒྱད་ཀྱང་བྲིའོ། །{གོ་རིམས་,གོ་རིམ་}བཞིན་དུ། དཀར་པོ་དང་། ནག་པོའི་ཚེས་བཅོ་ལྔ་དང་། ཁྱིམ་བཅུ་གཉིས་དང་། དུས་དྲུག་དང་། ཟླ་བ་བཅུ་གཉིས་དང་། ལོ་ཚིགས་
D724.093.0244a03.01དང་། སྲིང་མོ་བཞི་གྲུ་ལ་ཞོན་པ་དང་། ལྔ་པ་མིང་པོ་ཆུ་ལ་གནས་པ་རྣམས་ཏེ། མདོར་ན། ཕྱག་རྒྱ་རྣམས་སུ་རྣམ་པར་གཞག་པར་བྱའོ། །ལྷ་རྣམས་{གོ་རིམས་,གོ་རིམ་}བཞིན་དུ་ཕྲེང་གཉིས་སུ་བྱའོ། །མདོར་ན་དཀྱིལ་འཁོར་གསུམ་པའང་། དཀྱིལ་འཁོར་གསུམ་ལ་བརྟེན་
D724.093.0244a04.01ནས་མངོན་པར་བྲི་བར་བྱ་སྟེ། དཀྱིལ་འཁོར་གསུམ་པོ་རྣམས་སུའང་གྲུ་བཞིར་རྣམ་པར་གཞུག་པར་བྱའོ། །འདི་རྣམས་བཅོམ་ལྡན་འདས་སོ། །མདོར་བསྡུ་ན་སངས་རྒྱས་བཅོམ་ལྡན་འདས་སེམས་དཔའ་ཐམས་ཅད་ཀྱི་གཙོ་བོ་ནི་ངེས་པར་མངོན་པར་བྲི་བར་བྱའོ། །པདྨའི་
D724.093.0244a05.01རིགས་འཕགས་པ་སྤྱན་རས་གཟིགས་དབང་ཕྱུག་ནི་གཡས་སུ་ངེས་པར་བྲི་བར་བྱའོ། །རྡོ་རྗེའི་རིགས་འཕགས་པ་ཕྱག་ན་རྡོ་རྗེ་ནི་གཡོན་དུ་ངེས་པར་བྲི་བར་བྱའོ། །བྱང་ཆུབ་སེམས་དཔའ་རྣམས་ཀྱི་གཙོ་བོ་འཕགས་པ་ཀུན་དུ་བཟང་པོའང་ངེས་པར་བྲི་བར་བྱའོ། །འཇམ་དཔལ་གཞོན་
D724.093.0244a06.01ནུར་གྱུར་པ་ངེས་པར་བྲི་བར་བྱའོ། །ལྷག་མ་རྣམས་ཇི་ལྟར་རྣམ་པར་བཞག་པ་བཞིན་དུ་ཕྱག་རྒྱ་རྣམས་སུ་ངེས་པར་བྲི་བར་བྱའོ། །འདི་དག་ནི་ནང་གི་དཀྱིལ་འཁོར་རོ། །དཀྱིལ་འཁོར་བར་པ་ལ་ཡང་། ཤར་གྱི་ཕྱོགས་སུ་མི་མཇེད་ཀྱི་བདག་པོ་ཚངས་པ་ངེས་པར་མངོན་པར་བྲི་
D724.093.0244a07.01