完整藏文原文 · 德格版页 当前仅加载第 93 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སྤྲས་པ་ཕྱོགས་བཞི་རྣམས་དང་། ཕྱོགས་བྲལ་རྣམས་དང་སྟེང་དང་འོག་དང་ཐད་ཀ་ཐམས་ཅད་དུ་ཕྱིའི་དཀྱིལ་འཁོར་ལ་བསྐོར་བ་བྱས་ནས་འབྱུང་པོ་ཐམས་ཅད་པའི་གཏོར་མ་རྒྱ་ཆེར་གཏང་བར་བྱའོ། །དེ་ནས་ཁྲུས་བྱས་ནས་སླར་ཡང་ཞོ་དང་། སྦྲང་
D724.093.0247b01.01རྩི་དང་། མར་ལ་བཏགས་པའི་འབྲས་སཱ་ལུ་དང་། ཐུག་པོ་ཆེའི་སྦྱིན་སྲེག་རྩ་བའི་རིག་པའམ་སྙིང་པོས་སྟོང་ཕྲག་བརྒྱད་བྱའོ། །སྦྱིན་སྲེག་བྱས་ནས་ཀྱང་སྔར་བཀོད་པའི་དཀྱིལ་འཁོར་ལ་རྗེས་སུ་ཞུགས་པའི་སེམས་དཔའ་ཆེན་པོ་ལ་སྲུང་བའི་ཆོ་ག་རྣམས་བྱས་
D724.093.0247b02.01པའི་དཀྱིལ་འཁོར་གྱི་སློབ་དཔོན་གྱིས་སློབ་མ་ཉིད་དུ་ཁས་བླངས་པ། བྱང་ཆུབ་ཏུ་སེམས་བསྐྱེད་པ། གསོ་སྦྱོང་བྱས་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་ལུས་དངོས་གྲུབ་ཀྱི་དོན་དུ་ཕུལ་བ། སེམས་ཅན་ཐམས་ཅད་ཀྱི་ཉེ་བར་
D724.093.0247b03.01ལོངས་སྤྱོད་པ་ཐུན་མོང་པར་གྱུར་པ་བླ་ན་མེད་པའི་བྱང་ཆུབ་ཀྱི་སྙིང་པོ་གནོན་པར་བྱེད་པ། དགེ་བ་རྣམས་ཐམས་ཅད་མཁྱེན་པའི་ཡེ་ཤེས་ཀྱི་སངས་རྒྱས་ཐོབ་པར་འདོད་པ་རྣམས་ལ་དཀྱིལ་འཁོར་བསྟན་པ་ཉིད་ལས་སྡིག་པ་ཐམས་ཅད་ལས་གྲོལ་བར་འགྱུར་ཏེ།
D724.093.0247b04.01མཚམས་མེད་པ་བྱེད་པའི་སྐྱེ་བོ་རྣམས་ཀྱང་སྐད་ཅིག་དེ་ལ་གྲོལ་བར་འགྱུར་རོ། །དེ་ནས་དཀྱིལ་འཁོར་གྱི་སློབ་དཔོན་གྱིས་གོས་མཉམས་པ་ཐ་ག་པས་བཏགས་མ་ཐག་པ། སྐྲ་དང་བྲལ་བ། རྩ་བའི་རིག་པས་ལན་བདུན་མངོན་པར་བསྔགས་པ། དྲི་ཞིམ་པོའི་ཙནྡན་
D724.093.0247b05.01དང་། གུར་གུམ་གྱིས་བསྒོས་པའི་དར་གྱིས་དཀྱིལ་འཁོར་དུ་འཇུག་པར་འདོད་པ་རྣམས་གདོང་གཡོགས་ནས་ཐོག་མ་ནས་བཅོམ་ལྡན་འདས་མ་སྒྲུབ་པ་པོས་རབ་ཏུ་འཇུག་པར་བྱའོ། །རྒྱལ་པོའི་བུ་སྤྱི་བོ་ནས་དབང་བསྐུར་བའམ། རྒྱལ་རིགས་ཀྱི་བུའམ། གཞན་ཡང་
D724.093.0247b06.01སྤྲོ་བ་ཆེན་པོ་རྒྱལ་སྲིད་ཆེན་པོ་འདོད་པའང་རབ་ཏུ་གཞུག་པར་བྱའོ། །དཀྱིལ་འཁོར་གཉིས་པར་གནས་པ་གདོང་གཡོགས་ནས་དྲི་བཟང་པོའི་མེ་ཏོག་ཙནྡན་དང་གུར་གུམ་དག་གིས་རྣམ་པར་བསྲེས་པ་བྱིན་ཏེ། ཤིན་ཏུ་གཙང་སྦྲ་བྱས་པའི་ལག་པ་
D724.093.0247b07.01