完整藏文原文 · 德格版页 当前仅加载第 93 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
དཔྱོད་ཤེས། །དེ་རྣམས་གྲུབ་པ་རྙེད་མི་དཀའ། །དེ་ལྟར་སྔགས་ཤེས་ཞུགས་པ་ནི། །གྲོང་དུ་བསོད་སྙོམས་ཕྱིར་དུ་འཇུག །ཇི་ལྟར་འདོད་པ་བཞིན་སོང་ནས། །སྔར་ནི་བརྟགས་པའི་གནས་དག་ཏུ། །མཁས་པས་དག་པའི་བློས་བཟའ་བ། །
D724.093.0282a01.01བཟའ་བ་ཕྱོགས་སུ་བཞག་ནས་ནི། །ཕྱི་རོལ་སོང་ནས་རྐང་པ་བཀྲུ། །དེ་ནས་སླར་ཡང་གནས་དེ་རུ། །སྲོག་ཆགས་མེད་པའི་ཆུ་རྣམས་ཀྱིས། །དང་པོ་འདྲེན་པ་ཉིད་ཡིན་ཏེ། །གཉིས་པ་ལ་ནི་ལག་གཡོན་གྱིས། །རྐེད་པ་མན་ཆད་དྲིལ་ཕྱིས་བྱ། །ཀུན་དུ་
D724.093.0282a02.01གཡས་པ་སླར་བྱིན་ནས། །ལག་པས་ཡིས་བཀྲུ་བར་བྱ། །སྔར་བཞག་པ་ཡི་དག་པ་དང་། །གཙང་མ་རྣམས་ཀྱི་བདུན་ཉིད་དུ། །བཟའ་ཞིང་དག་ཆུས་གཙང་སྦྲར་བྱས། །སེར་སྐྱའི་བ་ལས་བྱུང་བ་ཡི། །བ་ཡི་ལྕི་བ་སེར་པོ་དག །གཙང་ཞིང་དྲི་མེད་སྣོད་བླང་ལ། །སྲོག་ཆགས་མེད་པའི་ཆུས་
D724.093.0282a03.01སྦྱར་ཏེ། །དང་པོར་སྟོན་པ་ཐུབ་པ་ཡི། །མཆོག་ལ་དཀྱིལ་འཁོར་བྱ་བ་ཡིན། །ཁྱད་པར་ཁྲུ་གང་ཙམ་དུ་འོ། །གཉིས་པ་རང་སྔགས་མགོན་པོ་ལ། །གསུམ་པ་རིགས་ཀྱི་ལྷ་མོ་ལ། །གང་ཞིག་སྔགས་པ་ཟློས་པ་པོ། །སླར་ཡང་རྟག་ཏུ་བྱ་བ་ཡིན། །བཞི་
D724.093.0282a04.01པ་སེམས་ཅན་ཐམས་ཅད་ཀྱི། །ཉེ་བར་ལོངས་སྤྱོད་དོན་དུ་གྲགས། །གཡས་སུ་འཇིག་རྟེན་མགོན་པོ་ཡི། །དཀྱིལ་འཁོར་འདི་ནི་རྟག་ཏུ་བྱ། །དཀོན་མཆོག་གསུམ་གྱི་ཆེད་དུ་ནི། །དཀྱིལ་འཁོར་དེ་ནི་གྲུ་བཞི་པའོ། །གཉིས་པ་རང་སངས་རྒྱས་རྣམས་དང་། །
D724.093.0282a05.01གསུམ་པ་སྟོབས་བཅུ་ལྡན་པའི་སྲས། །དཀྱིལ་འཁོར་བདུན་པོ་འདི་དག་ནི། །ཀུན་ནས་གྲུ་བཞི་པ་རུའོ། །ཁྲུ་གང་ངམ་ནི་ཁྲུ་ཕྱེད་རུང་། །ཉིན་རེ་ཞིང་ཡང་བྱ་བའོ། །ཟློས་པོས་དེ་ཚེ་སྦས་པའི་ཕྱོགས། །སྡིག་པ་འཇོམས་བྱེད་ཉིན་རེ་བཞིན། །དེ་ནས་
D724.093.0282a06.01སྔགས་པ་ཐུབ་པ་ལངས། །ལག་གཉིས་འབད་པས་བཀྲུས་ནས་ནི། །གཙང་མའི་ཆུ་ཡིས་ཉེ་རེག་བྱ། །དག་ཅིང་སྲོག་ཆགས་སྤངས་པ་ཡི། །དྲི་མ་མེད་པའི་གཙང་མ་ནི། །འབད་པས་གཙང་མའི་སྣོད་དུ་བླང་། །མཚོ་ཆེན་དང་ནི་འབབ་ཆུའམ། །
D724.093.0282a07.01