完整藏文原文 · 德格版页 当前仅加载第 93 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
བྲི་བར་བྱའོ། །འཕགས་པ་འཇམ་དཔལ་ལ་མངོན་པར་གཟིགས་བཞིན་པ་ཀུན་ནས་འོད་ཅན་རིན་པོ་ཆེའི་འོད་རྣམ་པར་འཕྲོ་བའི་མཐར་ཐུག་པའོ། །གསུམ་པ་ལ་དེ་བཞིན་གཤེགས་པ་སཱ་ལའི་དབང་པོའི་རྒྱལ་པོ་མངོན་པར་བྲི་བར་བྱ་སྟེ་པདྨའི་གེ་སར་གྱི་མདོག་ཏུ་
D724.093.0257b01.01སྣང་བ། ཆོས་སྟོན་པར་མཛད་བཞིན་པའོ། །བཞི་པ་ལ་དེ་བཞིན་གཤེགས་པ་སྤྱན་བཟང་མངོན་པར་བྲི་བར་བྱའོ། །ལྔ་པ་ལ་བཟོད་པར་དཀའ་བའོ། །དྲུག་པ་ལ་རྣམ་པར་སྣང་མཛད་རྒྱལ་བའོ། །བདུན་པ་ལ་སྨན་གྱི་བླ་བཻ་ཌཱུརྱའི་འོད་ཀྱི་རྒྱལ་པོའོ། །བརྒྱད་
D724.093.0257b02.01པ་ལ་དེ་བཞིན་གཤེགས་པ་སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའི་དབང་པོའི་རྒྱལ་བ་མངོན་པར་བྲི་བར་བྱ་སྟེ། ཐམས་ཅད་གསེར་གྱི་ཁ་དོག་ཅན་དེ་བཞིན་གཤེགས་པའི་སྐུའི་རྣམ་པ་མི་འཇིགས་པ་སྦྱིན་པར་མཛད་པའོ། །དེ་བཞིན་གཤེགས་པ་རྣམས་ཀྱི་སྟེང་
D724.093.0257b03.01དུ་ཡང་བྲིས་སྐུའི་ཟུར་གཉིས་ཀ་ནས་སྤྲིན་གྱི་གོ་བར་ན་གནས་པའི་གནས་གཙང་མའི་རིས་ཀྱི་ལྷའི་བུ་གཉིས་མེ་ཏོག་གི་ཆར་འབེབས་པར་བྱེད་བཞིན་པ་བྲིའོ། །བར་སྣང་ལ་གནས་ནས་སངས་རྒྱས་དང་བྱང་ཆུབ་སེམས་དཔའ་དང་རང་སངས་རྒྱས་དང་འཕགས་པ་ཉན་ཐོས་
D724.093.0257b04.01ཐམས་ཅད་ལ་ཕྱག་འཚལ་བར་བྱེད་བཞིན་པ། མངོན་པར་བྲི་བར་བྱའོ། །རང་སངས་རྒྱས་རྣམས་ཀྱི་བྱང་དུ་འཕགས་པ་ཉན་ཐོས་ཆེན་པོ་བརྒྱད་བྱང་ཆུབ་སེམས་དཔའ་རྣམས་དབུའི་གནས་སྤངས་པའི་སྟེང་དུ་མངོན་པར་བྲི་བར་བྱའོ། །འདི་ལྟ་སྟེ། གནས་བརྟན་
D724.093.0257b05.01ཤཱ་རིའི་བུ་དང་། མཽད་གལ་གྱི་བུ་ཆེན་པོ་དང་། འོད་སྲུང་ཆེན་པོ་དང་། རབ་འབྱོར་དང་། སྒྲ་གཅན་འཛིན་དང་། དགའ་བོ་དང་། བཟང་ལྡན་དང་། ཀ་པི་ན་ཞེས་པའོ། །རང་སངས་རྒྱས་ཀྱིས་རྣམས་འདི་ལྟ་སྟེ། དྲི་ངད་ཅན་དང་། ཙནྡན་དང་། ཉེ་
D724.093.0257b06.01བའི་འཆི་ལྟས་དང་། དཀར་པོ་དང་། སི་ཀ་དང་། དབང་པོ་དང་། མུ་ཁྱུད་དང་། མུ་ཁྱུད་བཟང་པོ་ཞེས་པའོ། །ཐམས་ཅད་མཆོག་ཏུ་ཤིན་ཏུ་མཛེས་པ་ཞི་བའི་ཆ་ལུགས། ཞི་བའི་བདག་ཉིད། རབ་ཏུ་དུལ་བའི་རྣམ་པའོ། །ཉན་ཐོས་ཆེན་པོ་རྣམས་ཐལ་མོ་སྦྱར་བར་བྱས་
D724.093.0257b07.01