完整藏文原文 · 德格版页 当前仅加载第 93 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་ཏེ། དེ་བཞིན་གཤེགས་པ་ནི་ཇི་སྐད་སྨྲས་པ་དེ་བཞིན་དུ་རྒྱུ་མེད་རྐྱེན་མེད་པར་འཛུམ་པ་མི་མཛད་ཀྱི། རྒྱུ་ཡོད། རྐྱེན་ཡོད་དོ། །གང་ཞིག་མདོ་སྡེའི་དབང་པོ་བཅོམ་ལྡན་འདས་མ་འཕགས་མ་སྒྲོལ་མའི་རྩ་བའི་ཆོ་ག་རིག་པའི་སྤྱོད་པ་རྗེས་སུ་སྒྲུབ་པ་ལས་སྒྲུབ་
D724.093.0267a01.01པར་བྱེད་པའི་ཐབས་ལ་ཡང་དག་པར་གཞོལ་བ། ཆོས་ཀྱི་སྤྲིན་ལ་བརྟེན་ཅིང་ཡང་དག་པར་རྗེས་སུ་འཇུག་ཅིང་རྗེས་སུ་འབྲང་བར་བྱེད་པར་འགྱུར་བ་དང་། འཛིན་པར་འགྱུར་བ་དང་། ཀློག་པར་འགྱུར་བ་དང་། དད་པར་འགྱུར་བ་དང་། གླེགས་བམ་དུ་བྲི་བར་བྱས་ནས་མཆོད་པར་
D724.093.0267a02.01འགྱུར་བ་དང་། ཙནྡན་དང་། ཕྱེ་མ་དང་། བྱུག་པ་དང་། བདུག་པ་དང་། ཕྲེང་བ་དང་། གདུགས་དང་། རྒྱལ་མཚན་དང་། བ་དན་རྣམ་པ་སྣ་ཚོགས་པའམ། སིལ་སྙན་གྱི་རྣམ་པའི་ཁྱད་པར་རམ། རོལ་མོ་སྣ་ཚོགས་དང་། ཕེག་རྡོབ་པ་དང་། ཐ་ན་རྗེས་སུ་ཡི་རང་བ་
D724.093.0267a03.01དང་ལྡན་པའི་སེམས་རྒྱུན་དུ་ཐོབ་པའམ། སྤུ་ཟིང་ཞེས་བྱེད་པ་སྐྱེ་བར་བྱེད་པར་འགྱུར་བའམ། རིག་པའི་མཐུ་དང་ནུས་པ་ཐོས་ནས་དགའ་བ་སྐྱེ་བར་འགྱུར་བའམ། རྗེས་སུ་ཡི་རང་བར་འགྱུར་བའམ། སྤྱོད་པ་སོ་སོར་སྒྲུབ་པར་འགྱུར་བ་དེ་རྣམས་ངས་བླ་ན་མེད་པ་ཡང་དག་པར་
D724.093.0267a04.01རྫོགས་པའི་བྱང་ཆུབ་ཏུ་ལུང་བསྟན་ཏེ་དེ་རྣམས་ཐམས་ཅད་སངས་རྒྱས་བཅོམ་ལྡན་འདས་སུ་བྱེད་པར་འགྱུར་རོ། །དེ་ཉིད་ཀྱི་ཕྱིར་རྒྱལ་བ་འཛུམ་པ་མཛད་ཀྱིས་རྣམ་པ་གཞན་དུ་མ་ཡིན་ནོ། །དང་པོ་རེ་ཞིག་དམ་ཚིག་མཐོང་བ། སྔོན་སྤྱད་པ་རྣམས་བྱས་པ། མངོན་པར་དབང་
D724.093.0267a05.01བསྐུར་ཐོབ་པས། རྟོག་པའི་རྒྱལ་པོ་འདི་ལ་རྩ་བའི་རིག་པའམ། སྙིང་པོའམ། ཉེ་བའི་སྙིང་པོའམ། གཞན་གང་ཡང་རུང་བའི་སྔགས་བཟུང་ནས་ཡི་གེ་གཅིག་པའམ། ཇི་ལྟར་འདོད་པ་བཞིན་ཡང་རུང་སྟེ། དགོན་པ་ཆེན་པོར་སོང་ནས་ལོ་བདུན་དུ་བཟླས་པ་བྱ་སྟེ།
D724.093.0267a06.01འབྲས་བུ་དང་། ཆུའི་བཟའ་བ་དང་། རྩ་བ་དང་། འདབ་མ་བཟའ་ཞིང་། སྔོན་སྤྱོད་པ་རྣམས་བྱས་པར་འགྱུར་རོ། །དེ་ནས་རིའི་རྩེ་མོར་འཛེགས་ཏེ་རས་རིས་ཀྱི་ཐུ་བོ་ཞལ་ནུབ་དུ་ཕྱོགས་པར་བཞག་ནས། བདག་ཉིད་ཤར་དུ་མངོན་པར་ཕྱོགས་ཏེ། ཀུ་ཤའི་ཁྲེས་ལ་ཉེ་བར་
D724.093.0267a07.01