完整藏文原文 · 德格版页 当前仅加载第 93 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །སྒྲུབ་པོས་སྔོན་དང་ཐོག་མར་ནི། །དམ་ཚིག་ལ་ནི་རྗེས་འཇུག་བྱ། །དམན་ནམ་དེ་དག་མཉམ་ཡང་རུང་། །གལ་ཏེ་ཆེས་མཆོག་གྱུར་པ་ཡང་། །རྨོངས་པའམ་ལྷག་པར་ཁྲོ་བ་ཡིས། །རྟག་ཏུ་བླ་མ་བརྙས་མི་བྱ། །དེས་ཀྱང་
D724.093.0279a01.01རྒྱུད་འདིར་དེ་ལ་ནི། །མན་ངག་རྟག་ཏུ་སྦྱིན་པར་བྱ། །གང་ཚེ་སྔགས་ཀྱི་དངོས་གྲུབ་བྱིན། །འདིས་ནི་སེར་སྣ་བྱས་པ་མིན། །སྔར་བསྟན་སློབ་མ་དེ་ལ་ནི། །མན་ངག་རྟག་ཏུ་སྦྱིན་པར་བྱ། །གང་ཚེ་སྔགས་ཀྱི་དངོས་གྲུབ་བྱིན། །ལུས་ཅན་ཞེན་པ་འཕེལ་བྱེད་
D724.093.0279a02.01པའི། །མིག་ནི་གང་ལ་ཡོད་གྱུར་པ། །དེ་ཉིད་སློབ་མ་ཉིད་བྱའོ། །སློབ་དཔོན་ནམ་ནི་སློབ་མའི་རྒྱུར། །ཕན་ཚུན་རྗེས་སུ་འཇུག་བྱེད་པ། །གང་དུ་ཞེན་པའི་རྒྱུན་སྐྱོང་བ། །འཇམ་པོའི་རྒྱུན་ནི་འཛིན་པ་སྟེ། །དེ་ལ་སྔགས་ནི་སྦྱིན་པར་བྱ། །སློབ་དཔོན་དེ་བཞིན་
D724.093.0279a03.01སློབ་མ་ནི། །སློབ་མ་བླ་མར་མཐོང་བ་ལ། །རྟག་ཏུ་སྤྲོ་བར་འགྱུར་བའམ། །གཉིས་ཀས་དངོས་གྲུབ་ཡང་དག་འབྱོར། །དེ་ལ་རྟག་ཏུ་ལམ་ཉིད་དང་། །སྔགས་ཀྱི་སྤྱོད་པ་རྗེས་བསྟན་བྱ། །གཉིས་ཀས་ཕ་དང་བུར་ཤེས་པས། །སྔགས་ནི་འབྲས་བཅས་
D724.093.0279a04.01རྗེས་འཇུག་པ། །བརྟན་དང་དགའ་བ་དེ་བཞིན་ཐོབ། །རྟག་ཏུ་སློབ་མས་བླ་མ་ནི། །རབ་ཏུ་འབད་པས་བསྲུང་བར་བྱ། །བུ་ནི་བདག་ཉིད་ཆེན་པོ་རྣམས། །སངས་རྒྱས་ཆོས་རྒྱུན་མི་འཆད་འགྱུར། །དེ་མེད་མགོན་མེད་དེ་རྣམས་ལ། །ཇི་སྐད་གསུངས་པའི་
D724.093.0279a05.01སྔགས་རྣམས་སྦྱིན། །སེམས་ཅན་བཀྲེན་དང་མ་ནིང་ལའང་། །ཐམས་ཅད་ལ་ནི་ཁྱད་པར་དུ། །སྔགས་ཀྱི་སྤྱོད་པ་ཁྱད་པར་འཕགས། །ཐ་མ་མཆོག་དང་བར་མ་ལ། །དུས་རྣམས་ཀུན་ཏུ་བྱ་བའོ། །ཡོངས་སུ་ཐོབ་པའི་ཆོས་རྣམས་ལ། །རྗེས་སུ་གཟུང་
D724.093.0279a06.01བའི་རྒྱུན་བྱའོ། །འགྲོ་བ་བློ་གྲོས་ངེས་པ་ཡི། །འདོད་པ་རྣམས་ལའང་རབ་སྦྱིན་བྱ། །དེ་ཕྱིར་ཇི་ལྟར་འདོད་པའི་སྔགས། །སློབ་མ་ཉིད་ཀྱིས་བླང་བར་བྱ། །དེ་ཉིད་ཀྱིས་ནི་ཉེར་བསྟན་པས། །ལམ་ཉིད་ཡིན་ནོ་གཞན་དུ་མིན། །དངོས་གྲུབ་འདོད་པས་གང་དེ་ལ། །
D724.093.0279a07.01