完整藏文原文 · 德格版页 当前仅加载第 93 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱའོ། །དེ་བཞིན་དུ་ལྷོའི་ཕྱོགས་སུ་འོད་གསལ་བའོ། །འོག་མིན་དང་གཟུགས་ཅན་མིན་པ་རྣམས་ལྷའི་དཀྱིལ་འཁོར་གྱི་རྣམ་པར་རོ། །འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་མི་གསལ་བའི་ལྷ་རྣམས་ནི་མ་ཡིན་ནོ། །བྱང་གི་ཕྱོགས་སུ་བརྒྱ་བྱིན་ལྷའི་རྒྱལ་
D724.093.0244b01.01པོ་དང་། རབ་འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། འོད་ཆུང་ལ་སོགས་པའི་ལྷའི་བུ་རྣམས་ལྷའི་རྒྱལ་པོ་རེ་རེ་ངེས་པར་མངོན་པར་བྲི་བར་བྱའོ། །ལྷག་མ་རྣམས་ནི་ཇི་ལྟར་རྣམ་པར་བཞག་པ་བཞིན་དུ་ཕྱག་རྒྱ་རྣམས་
D724.093.0244b02.01སུ་མངོན་པར་བྲི་བར་བྱའོ། །དེ་བཞིན་དུ་དཀྱིལ་འཁོར་གསུམ་པར་ཡང་བྱང་གི་ཕྱོགས་སུ་འབྱུང་པོའི་བདག་པོ་དབང་ལྡན་དཀའ་ཐུབ་ཟློག་པ་དང་བཅས་པ་ངེས་པར་མངོན་པར་བྲི་བར་བྱའོ། །སྒོ་གཉིས་པའི་ཉེ་ལོགས་སུ་གཞོན་ནུ་སྨིན་དྲུག་གི་བུ་རྨ་བྱའི་གདན་ལ། ལག་ན་
D724.093.0244b03.01མདུང་ཐུང་ཐོགས་པ། ལུས་དམར་པོར་སྣང་བ། གོས་སེར་པོའི་སྟོད་གཡོགས་བགོས་པ། ཕྱག་གཡས་ན་དྲིལ་བུ་དང་བ་དན་དམར་པོ་ཐོགས་པ། གཞོན་ནུའི་གཟུགས་ཅན་དཀྱིལ་འཁོར་ལ་ངེས་པར་རྟོག་བཞིན་པའོ། །ཤར་གྱི་ཕྱོགས་སུ་ནམ་མཁའ་ལྡིང་འདབ་
D724.093.0244b04.01ཆགས་ཀྱི་གཟུགས་ཅན་དང་། དྲང་སྲོང་མཱརྐཎྜ་ངེས་པར་མངོན་པར་བྲི་བར་བྱའོ། །ལྷག་མ་རྣམ་པར་བཞག་པ་བཞིན་དུ་ཕྱག་རྒྱ་རྣམས་སུ་ཡང་ངོ་། །ལྷོ་ཤར་དུ་གཞོན་ནུ་བཞི་དང་། གཞོན་ནུ་མིང་པོ་དང་ལྷན་ཅིག་པ་གྲུའི་བཞོན་པ་ལ་ཀུན་དུ་གནས་པ་ཆུ་གཏེར་ཆེན་པོ་ལ་
D724.093.0244b05.01ཡོངས་སུ་རྒྱུ་བར་བྱེད་པ། མེ་ལྷའི་རྒྱལ་པོའང་ངེས་པར་མངོན་པར་བྲི་བར་བྱའོ། །དེ་བཞིན་དུ་ལྷོའི་ཕྱོགས་སུ་ལང་ཀའི་གྲོང་གི་སྲིན་པོའི་བདག་པོ་ཤིན་ཏུ་འཇིགས་སུ་རུང་བ་སྟེ་དེར་ཤིང་པི་ཙུ་མ་རྡ་ལ་བརྟེན་ནས་གནས་པ་དང་། རྨུགས་འཛིན་ཆུའི་དབང་པོ་ཞེས་བྱ་བ་གནོད་
D724.093.0244b06.01སྦྱིན་གྱི་གཟུགས་ཅན་བྱང་ཆུབ་སེམས་དཔའ་ངེས་པར་མངོན་པར་བྲི་བར་བྱའོ། །ལྷག་མ་ཕྱག་རྒྱ་རྣམས་སུའང་རྣམ་པར་གཞག་པར་བྱའོ། །དེ་བཞིན་དུ་ལྷོ་ནུབ་ཀྱི་ཕྱོགས་སུ་ཀླུའི་གཙོ་བོ་དགའ་བོ་དང་། ཉེ་དགའ་བོ་ངེས་པར་བྲི་བར་བྱ་སྟེ། གཟའི་གཙོ་བོ་ཉི་མ་ཡང་ངོ་། །
D724.093.0244b07.01