完整藏文原文 · 德格版页 当前仅加载第 93 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཐུན་མོང་གི་སྒྲུབ་ཐབས་ཀྱི་ཆོ་ག་སྔགས་ཐམས་ཅད་ཀྱི་ཆོ་ག་དེ་ལེགས་པར་ཉོན་ལ། ལེགས་པར་ཡིད་ལ་ཟུང་ཤིག་བཤད་པར་བྱའོ། །དེ་སྐད་ཅེས་བཀའ་སྩལ་པ་དང་། སེམས་དཔའ་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D724.093.0292a01.01བཅོམ་ལྡན་འདས་ལེགས་སོ་ལེགས་སོ། །བཅོམ་ལྡན་འདས་བདག་ཅག་ལ་རྗེས་སུ་བརྩེ་བས་ཉེ་བར་བླངས་ནས་རིག་པའི་སྔགས་ཐམས་ཅད་ཀྱི་སྤྱོད་པ་དང་། དམ་ཚིག་ལ་རབ་ཏུ་ཞུགས་པའི་སེམས་ཅན་རྣམས་དང་། སེམས་ཅན་ཐམས་ཅད་ཀྱི་དོན་གྱི་ཕྱིར་ཡང་དེ་བཀའ་
D724.093.0292a02.01སྩལ་དུ་གསོལ། །དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་རྣམ་པར་དབྱེ་བ་རྒྱས་པར་བཤད་པར་བྱའོ་ཉོན་ཅིག །གང་
D724.093.0292a03.01གིས་སྔགས་ཐམས་ཅད་ཀྱི་སྤྱོད་པ་ལ་མངོན་པར་བརྩོན་པ། སེམས་ཅན་གྱི་དོན་ཐམས་ཅད་སྒྲུབ་པར་བྱེད་པ་དེ་གང་ཞེ་ན། དང་པོ་རེ་ཞིག །སྔགས་སུ་འགྱུར་བ་ནི། ན་མཿསརྦ་བུདྷཱ་ནཱཾ། ཨ་ཙིནྟྱ་དྡྷཱུ་ཏ། རཱུ་པི་ནཱཾ། ཨ་ཙིནྟྱདྡྷུ་ཏ། རཱུ་པི་ནཱཾ། ཏདྱ་ཐཱ། ཨོྃ་ཀུ་རུ་ཀུ་རུ་སརྦ་ཨཪྠ་སཱ་དྷཱ་ཡ། སརྦ་དུཥྚ་
D724.093.0292a04.01བི་མོ་ཧ་ནི། ག་ག་ནཱ་བ་ལཾ་བེ། བི་ཤོ་དྷཱ་ཡ་སྭཱ་ཧཱ། རིག་པ་འདིས་བགྲང་ཕྲེང་ཐམས་ཅད་ལ་ལས་བྱའོ། །སྦྱང་བ་དང་། དབུགས་པ་དང་། བླང་བ་དང་། རྒྱུ་བ་ལ་སོགས་པའི་ལས་རྣམས་བྱའོ། །དང་པོ་བགྲང་ཕྲེང་ཤིང་ལ་ནི། ལན་གྲངས་སུམ་ཅུ་རྩ་བདུན་དུ། །དེ་ཡིས་
D724.093.0292a05.01མངོན་པར་བསྔགས་བྱས་ནས། །བརྟུལ་ཞུགས་ཅན་གྱིས་བསྲུང་བ་བྱ། །མཚན་མོ་གཅིག་ཏུ་གཉིད་ལོག་ནས། །དེར་ནི་རྨི་ལམ་བརྟག་པར་བྱ། །མི་མ་ཡིན་གཟུགས་ཀུན་རྫོགས་པ། །མི་སྡུག་ལྷག་པར་མཆེ་བ་གཙིགས། །སྔགས་པ་ལ་ནི་དེས་སྨྲས་པ། །
D724.093.0292a06.01བཅོམ་ལྡན་སེམས་པ་ཇི་བཞིན་ལོང་། །སྒྲུབ་པོ་ཐོ་རངས་ལངས་ནས་ནི། །ཤིང་དེ་རུ་ནི་འགྲོ་བར་བྱེད། །མི་སྡུག་གཟུགས་ལྡན་གཙིགས་པ་ཆེ། །རྨི་ལམ་དུ་ཡང་མ་མཐོང་ན། །སྔགས་པས་ཤིང་དེ་བོར་བར་བྱ། །དེ་ནས་གཞན་དུ་འགྲོ་བར་གྱིས། །དང་པོ་རུ་དྲཱཀྵ་
D724.093.0292a07.01