完整藏文原文 · 德格版页 当前仅加载第 50 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱིན་པ་སྣ་ཚོགས་ཀྱི་གཟུགས་དུ་མ་སྟོན་པའི་ཏིང་ངེ་འཛིན་ལས་བཞེངས་སོ། །བཞེངས་ནས་ཀྱང་ཕོ་བྲང་འཇའ་དང་གློག་གི་འོད་ཅན་རྒྱན་དང་། ལྷབ་ལྷུབ་དུ་མས་བརྒྱན་པ་ནས་མངོན་པར་བྱུང་སྟེ། ཟླ་བ་དྲི་མ་མེད་པའི་སྙིང་པོ་ཞེས་བྱ་བའི་ཁང་སྟེངས་སུ་གཤེགས་སོ། །
D110.050.0002b01.01གཤེགས་ནས་ཀྱང་སྟུག་པོའི་རིས་ཀྱི་རྒྱན་སེང་གེའི་གདན་དམ་པ་ལ་བྱང་ཆུབ་སེམས་དཔའ་དང་ཐབས་ཅིག་ཏུ་བཞུགས་སོ། །བཞུགས་ནས་ཀྱང་བཅོམ་ལྡན་འདས་ཀྱིས་ཕྱོགས་བཞིར་གཟིགས་ཏེ་གཙུག་གི་རིན་ཆེན་འོད་ཀྱི་རྒྱན་ཅེས་བྱ་བའི་འོད་ཟེར་གྱི་ཚོགས་ཆེན་པོ་འོད་ཟེར་
D110.050.0002b02.01སྟོང་ཕྲག་བརྒྱའི་འཁོར་ཅན་སྨིན་མཚམས་ནས་ཕྱུང་སྟེ། འོད་ཟེར་གྱི་ཚོགས་དེ་བྱུང་བས་སངས་རྒྱས་ཀྱི་ཞིང་གི་རྒྱན་ཐམས་ཅད་སངས་རྒྱས་ཀྱི་རྒྱན་གཅིག་དང་འདྲ་བར་ཡོངས་སུ་སྣང་བར་གྱུར་ཏོ། །མཆོག་ཏུ་ཕྲ་བའི་རྡུལ་གྱི་ཕྲ་བ་ཉིད་དུ་སངས་རྒྱས་ཀྱི་ཞིང་ཐམས་ཅད་ཀྱི་རང་
D110.050.0002b03.01བཞིན་ཕྲ་བ་ཉིད་ཀྱང་ཡོངས་སུ་སྣང་ངོ་། །སངས་རྒྱས་ཀྱི་ཞིང་སྟུག་པོ་ཡང་སངས་རྒྱས་ཀྱི་ཞིང་གཞན་གྱི་རང་བཞིན་རྡུལ་གྱི་ཕྲ་བ་ཉིད་ལས་འདས་ཏེ་གནས་སོ། །སངས་རྒྱས་ཀྱི་ཞིང་སྟུག་པོ་ནི་འོད་དང་། གཟའ་དང་། ཟླ་བ་སྤངས་པ་སྟེ། འདུས་མ་བྱས་ཀྱི་རང་བཞིན་ཉིད་ཀྱིས་
D110.050.0002b04.01ཤིན་ཏུ་ཕྲ་བའི་རྡུལ་གྱི་ཕྲ་བ་ཉིད་དུ་མི་སྣང་གི །གཞན་དུ་མྱ་ངན་ལས་འདས་པ་དང་། ནམ་མཁའ་དང་མ་བརྟགས་པར་འགོག་པ་ལྟ་བུར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། སངས་རྒྱས་བཅོམ་ལྡན་འདས་རྣམས་དང་། སངས་རྒྱས་ཀྱི་ཞིང་གཞན་
D110.050.0002b05.01དག་ན་སྤྱོད་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གཟིགས་སོ། །དེ་ནས་བཅོམ་ལྡན་འདས་ཀྱིས་སངས་རྒྱས་ཀྱི་ཞིང་གི་རྒྱན་དང་། སངས་རྒྱས་དང་བྱང་ཆུབ་སེམས་དཔའི་མཐུ་ཕྱུང་བ་དེ་དག་གཟིགས་ནས་སངས་རྒྱས་ཀྱི་སྤྱན་གྱིས་ཕྱོགས་བཅུར་
D110.050.0002b06.01བྱང་ཆུབ་སེམས་དཔའི་འཁོར་དང་བཅས་པ་ལ་གཟིགས་ནས་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཐམས་ཅད་རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་ལ་བཀའ་སྩལ་པ། རྣམ་པར་དགོད་པ་ཡང་དག་པ་ཇི་ལྟ་བ་བཞིན་དུ་སྟོན་པ་སྟུག་པོའི་རྒྱན་ཞེས་བྱ་
D110.050.0002b07.01