完整藏文原文 · 德格版页 当前仅加载第 50 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་གཞི་མེད་མཚན་ཉིད་མེད། །འཁོར་བའི་རྒྱུན་གྱིས་ཁྱེར་བའི་རྣམས། །ཡང་དང་ཡང་ཞིང་སྐྱེ་བ་ཡིན། །བཅགས་མེད་མཚོ་ཡི་གཏེར་གྱུར་ལ། །གཅིག་ལ་གཅིག་འཇུའི་སྤྲེའུ་ལྟར་ཡང་། །བྱེད་པ་གྲུ་ལ་གནས་ཀྱིས་མཐོང་། །འཇུ་བའི་གནས་དང་རྟེན་
D110.050.0020a01.01མེད་པར། །དེ་བཞིན་རྒྱལ་བ་རྒྱལ་སྲས་རྣམས། །སྲེད་པས་རྣམ་པར་དཀྲུགས་པ་ཡི། །རྣམ་རྟོག་སྡུག་བསྔལ་གནས་པའི་རྣམས། །ས་ཡི་གནས་ནས་ཉོན་མོངས་ཕྱིར། །རབ་ཏུ་འབྱུང་དང་ཕྱིར་ལྡོག་དང་། །སྦྱིན་དང་མཆོད་པ་དག་ཀྱང་འབྱུང་། །འདི་འདྲ་རྣལ་འབྱོར་ཅན་གྱི་
D110.050.0020a02.01ཆོས། །རྣམ་པ་སྣ་ཚོགས་བསྒོམ་པར་གྱིས།། །།འཕགས་པ་རྒྱན་སྟུག་པོ། བམ་པོ་གཉིས་པ། ཀུན་ཏུ་བཟང་པོ་མི་ཡི་བདག །གཟི་བརྗིད་ཆེན་པོ་སྣ་ཚོགས་གཟུགས། །བྱང་ཆུབ་སེམས་དཔའ་སེམས་དཔའ་ཆེས། །རྡོ་རྗེའི་སྙིང་པོ་ལ་སྨྲས་
D110.050.0020a03.01པ། །འཐུན་པ་དག་ལ་དབང་བྱེད་དང་། །ལྷ་གནས་འཁོད་པ་གཞན་དག་དང་། །རིན་ཆེན་ཁང་པ་སྣ་ཚོགས་ན། །གང་ཡང་སྟུག་པོའི་དཀྱིལ་འཁོར་བའི། །རྒྱལ་སྲས་རྣལ་འབྱོར་ལྡན་པ་དག །གང་གིས་སྟུག་ཅེས་བྱ་ཐོས་ཏེ། །ཐོས་ནས་ནན་ཏན་བྱེད་པའི་རྣམས། །
D110.050.0020a04.01གཞན་དུ་འགྱུར་ལ་གཞོལ་བ་དག །གཞན་དུ་འགྱུར་བའི་ཚུལ་ཐོས་ཤིང་། །ཏིང་འཛིན་དེ་ཡི་ཚུལ་སོང་བ། །སྟུག་པོར་རིང་པོར་མི་ཐོགས་འགྲོ། །སངས་རྒྱས་ཡང་དག་འགྲོ་ལ་མོས། །འགྲོ་བ་འཛིན་དང་ཤུགས་འཛིན་དང་། །འཇམ་དཔལ་རྣམ་པར་འཕྲུལ་པ་དང་།
D110.050.0020a05.01མཐུ་ཆེན་འཕགས་པ་འཇིག་རྟེན་དབང་། །ཟླ་བ་ལ་སོགས་གཟུངས་དབང་རྒྱལ། །བློ་གྲོས་ཤིན་ཏུ་ཞི་བ་དང་། །ལྟེ་བ་རྡོ་རྗེ་རྣལ་འབྱོར་རིག །དྲུ་མ་ནམ་མཁའི་བདག་པོ་དང་། །ཕྱག་ན་རྡོ་རྗེ་བློ་ཆེན་དང་། །རྣལ་འབྱོར་ཅན་དང་རྒྱལ་སྲས་རྣམས། །གང་ཡང་བྱེ་བའི་ཞིང་དག་
D110.050.0020a06.01ནས། །ཆོས་མཉན་ཕྱིར་ནི་འོངས་པའི་རྣམས། །སྟུག་པོའི་རྒྱན་ལ་གཞོལ་བ་དག །རྒྱལ་བ་མ་འོངས་མཐོང་ནས་ཀྱང་། །ཁོང་ནས་སྙིང་རྗེ་སྙིང་བརྩེ་སྟེ། །རྣལ་འབྱོར་ལྡན་ཅན་དབང་པོའི་གཙོ། །སྣ་ཚོགས་གཟུགས་ལ་རབ་ཏུ་སྨྲས། །རྣལ་འབྱོར་ཅན་གྱི་གཙོ་ལ་དྲིས། །
D110.050.0020a07.01