完整藏文原文 · 德格版页 当前仅加载第 50 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་པའི། །སྒྱུ་མའི་{རི་དགས་,རི་དྭགས་}བྱས་པ་བཞིན། །དེ་ལྟར་དངོས་པོ་ཐམས་ཅད་ཀྱང་། །རྣམ་པར་རྟོག་པས་རྣམ་པར་བརྟགས། །རྟོག་པར་མི་རུང་མི་གཅིག་གཟུགས། །ཀུན་ཏུ་བརྟགས་པའི་རང་བཞིན་ནོ། །སྣ་ཚོགས་ནོར་བུ་འདྲ་བ་ཡི། །{རི་དགས་,རི་དྭགས་}
D110.050.0042a01.01རྫས་ཀྱི་རྒྱུ་ཚོགས་ནས། །སྒྱུ་མའི་མཁན་པོས་རྣམ་བྱས་དང་། །སེམས་ཅན་ཀུན་གྱི་གཟུགས་བཞིན་ཏེ། །དེ་ལྟར་དངོས་པོ་འདི་དག་ཀུན། །རྣམ་པར་རྟོགས་པས་རྣམ་པར་བརྟགས། །རང་བཞིན་རྟོགས་པར་དཀའ་བ་སྟེ། །ཀུན་ཏུ་བརྟགས་པའི་རང་བཞིན་ནོ། །ཇི་
D110.050.0042a02.01ལྟར་ནོར་བུ་སྣ་ཚོགས་གཟུགས། །ཚོན་དང་ཕྲད་ན་རྣམ་པར་མཛེས། །དེ་བཞིན་ས་རྣམས་ཀུན་ཀ་སྟེ། །རྟོག་པས་རྣམ་པར་བརྟགས་བྱས་ན། །ཡོན་ཏན་དངོས་སུ་མི་གནས་ཏེ། །སྒྱུ་མ་རྨི་ལམ་སྤྲིན་དང་འདྲ། །སྨིག་རྒྱུ་ཆུ་ཟླ་ལྟ་བུ་སྟེ། །ཀུན་ཏུ་བརྟགས་པའི་རང་བཞིན་
D110.050.0042a03.01ནོ། །ཇི་ལྟར་དྲི་ཟའི་ཁང་པ་དག །ཁང་པ་མ་ཡིན་ཁང་པར་སྣང་། །རྒྱུ་མེད་པར་ཡང་མི་སྣང་སྟེ། །དེ་བཞིན་ས་རྣམས་སྣ་ཚོགས་ཉིད། །ཉི་ཟླ་གཞལ་ཡས་ཁང་རྣམས་དང་། །ཐ་མལ་རི་དང་རིན་ཆེན་རི། །དུ་བ་སྤྲིན་གྱི་གནོད་པས་ནི། །ནམས་ཀྱང་ཉེས་པར་མི་
D110.050.0042a04.01འགྱུར་ཏེ། །བདག་དང་གཞན་དང་གཉིས་ཀ་ལས། །རྟོག་པས་རྣམ་པར་བརྟག་བྱས་ན། །དངོས་ཉིད་མི་འགྲུབ་དངོས་རྣམས་ཀྱི། །རང་བཞིན་ཀུན་ཏུ་བརྟག་པའོ། །རྒྱུ་ལས་དངོས་པོ་མི་འབྱུང་སྟེ། །རྒྱུ་མེད་ལས་ཀྱང་མ་ཡིན་ནོ། །རང་བཞིན་ཞེས་བྱ་རྣམ་རྟོག་
D110.050.0042a05.01སྟེ། །དངོས་དང་དངོས་མེད་རྣམ་པར་བརྟགས། །མཚན་མ་ལ་ནི་མིང་རྟེན་ཏེ། །གཉིས་ལ་རྣམ་པར་རྟོག་པ་གནས། །ཡང་དག་ཤེས་དང་དེ་བཞིན་ཉིད། །རྣམ་པར་རྟོག་པ་ཟློག་པའོ། །སེམས་ནི་མཚན་མ་འདྲ་བ་སྟེ། །མཚན་མ་ཡིད་ལ་གནས་པ་ཡིན། །ཡིད་ལ་
D110.050.0042a06.01སེམས་རྣམས་ལྔ་པོ་ནི། །དབའ་རླབས་བཞིན་དུ་རབ་ཏུ་འབྱུང་། །སེམས་ནི་བག་ཆགས་རྒྱུ་བ་སྟེ། །བག་ཆགས་རྣམས་ལ་ཐོག་མ་མེད། །ཐོག་མ་མེད་པའི་བློ་ཡི་ཡུལ། །ཡུལ་ནི་སེམས་ཀྱི་ནོར་བའོ། །སེམས་ནི་ཡུལ་དང་འདྲ་བ་སྟེ། །ས་རྣམས་ཡུལ་ཞེས་བྱ་བ་ཡིན། །ཐམས་
D110.050.0042a07.01