完整藏文原文 · 德格版页 当前仅加载第 50 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
མི་འཇིགས་པ་ཡང་མ་ཡིན་ཞིང་། །རྟག་ཅིང་ཞི་བ་བདེ་ལ་བརྟན། །འདུས་མ་བྱས་པའི་ཡེ་ཤེས་ཏེ། །སྟུག་པོའི་ཞིང་ན་རྣམ་པར་མཛེས། །རྣམ་ཤེས་འབྱུང་གསུམ་འདས་པ་སྟེ། །སྣ་ཚོགས་གཟུགས་ཀྱི་རིན་ཆེན་བཞིན། །དེ་བཞིན་སངས་
D110.050.0012a01.01རྒྱས་ས་བསམ་མེད། །སྟུག་བཞིན་རྒྱལ་བའི་གནས་གྱུར་པ། །ཇི་ལྟར་གྱོ་མོ་རྣམས་ཀྱི་རྒྱུ། །རྫ་མ་ཆག་པས་བསྟན་པ་བཞིན། །གྱོ་མོ་རྣམས་ཀྱང་རྡུལ་གྱི་སྟེ། །རྡུལ་ཡང་མཆོག་ཕྲའི་དེ་བཞིན་དུ། །དངོས་པོ་རྣམས་ཀྱི་རྐྱེན་རྣམས་ལ། །རྒྱུ་རྣམས་ཇི་ལྟར་སྣང་བ་བཞིན། །
D110.050.0012a02.01ཟག་པ་མེད་པའི་ཆོས་རྣམས་ཀྱི། །རྒྱུ་ནི་དེ་བཞིན་ཟག་བཅས་པའོ། །ཇི་ལྟར་ཤིང་ལས་མེ་འབྱུང་བ། །ཕྱིས་ཀྱང་གཞན་དུ་འབར་བར་བྱེད། །དེ་བཞིན་ཡེ་ཤེས་བྱུང་བའི་མེ། །ཕྱིས་ཀྱང་གཞན་དུ་འབར་བར་བྱ། །གནས་ཀྱི་ལུས་ལས་འཕོས་གྱུར་ཅིང་། །སེམས་དང་
D110.050.0012a03.01རྟོག་པས་རྣམ་སྤངས་པ། །ཆགས་པ་མེད་པའི་ཡེ་ཤེས་རོ། །སྟུག་པོའི་དབུས་ན་རྣམ་པར་མཛེས། །བསྐྱེད་མེད་རྣམ་པ་སྣ་ཚོགས་གཟུགས། །ས་ལ་གནས་པ་མ་ཡིན་པ། །ལྟ་བ་ཐམས་ཅད་ཟད་བྱེད་པའི། །བདག་མེད་ཉིད་ལ་སྐྱབས་སུ་སོང་། །རྒྱུད་ཀྱི་རྒྱུན་
D110.050.0012a04.01རྣམས་ཆད་པའི་ཕྱིར། །འཇིག་པ་མེད་ཅིང་འབྱུང་མེད་པས། །ལྟ་བ་ཐམས་ཅད་ཟད་བྱེད་པ། །བདག་མེད་ཉིད་ལ་སྐྱབས་སུ་སོང་། །ཞིར་གྱུར་ཞི་བ་ཞིར་མ་བྱས། །ཞི་བས་ཞི་བ་བདེན་ཉིད་དུ། །ལྟ་བ་ཐམས་ཅད་རྣམ་དག་ཕྱིར། །བདག་མེད་ཉིད་ལ་སྐྱབས་སུ་
D110.050.0012a05.01སོང་། །ས་རྣམས་སྣ་ཚོགས་བྱས་པ་ནི། །བདག་མེད་པ་ལ་བདག་མེད་པས། །མི་རྟག་ཐོ་བས་བཅོམ་པ་དང་། །རྣམ་པར་སྟོན་པའི་མདས་ཀྱང་སྟེ། །བསྲེག་པ་ཚིག་པའི་མེ་བཞིན་དུ། །བདག་ཉིད་ཞིར་འགྱུར་དེ་ཉིད་དུ། །དེ་བཞིན་ལྟ་བས་རྣམ་བརྟགས་
D110.050.0012a06.01ཏེ། །བདག་མེད་བསམ་གཏན་རབ་གནས་པ། །ལྟ་བའི་ཆོས་ལ་བདེར་གནས་ཀྱི། །སོ་སོ་རང་རིག་སྤྱོད་ཡུལ་ལ། །ཐོག་མ་མེད་ནས་ཉེས་དྲི་མེད། །འཕགས་པ་རྣམས་ཀྱི་ས་ལ་གནས། །འཕགས་གནས་འཇིག་རྟེན་པས་སྤངས་ཏེ། །འཇིག་རྟེན་འདས་པའི་
D110.050.0012a07.01