完整藏文原文 · 德格版页 当前仅加载第 50 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུ་ཆུ་ཡི་དཔེ་བཞིན་ཏེ། །གཟུགས་ནི་ཡོད་དང་མེད་ཀྱིས་སྤངས། །ཀུན་གཞི་རྗེས་སུ་མཐོང་བའོ། །མིག་དང་གཟུགས་ལས་རྟེན་བྱས་ཤིང་། །དེ་ནི་སྒྱུ་མ་བཞིན་དུ་འབྱུང་། །རྟག་ཏུ་མིག་གི་ནང་སོང་བ། །སྨིག་རྒྱུ་བཞིན་དུ་རབ་ཏུ་
D110.050.0044a01.01གཡོ། །གཟུགས་ཀྱི་ཡོན་ཏན་ལྡན་པའི་གཟུགས། །ཀུན་གཞི་གཟུགས་ལྟར་གནས་པ་སྟེ། །བྱིས་པ་ཇི་ལྟར་བརྟགས་པ་བཞིན། །གཟུགས་ནི་གུད་ན་ཡོད་པ་མིན། །བྱེད་མེད་སེམས་པའང་མེད་པ་སྟེ། །དབུ་བའི་ཕུང་པོ་བཞིན་དུ་གནས། །གཉིད་ལོག་ར་རོ་
D110.050.0044a02.01དྲེགས་པ་དང་། །འགྲོ་འདུག་རྣམ་པར་རྒྱུག་པ་ཡི། །བྱ་བ་ཅིག་ཅར་བྱེད་པ་ནི། །ལུས་ཅན་རྣམས་ཀྱི་ཀུན་གཞིའོ། །ཇི་ལྟར་གདུང་བས་བསར་ས་ལས། །གྱེན་དུ་ལྡང་བའི་སྨིག་རྒྱུ་རྣམས། །དཔྱིད་ཀའི་ཆུ་ལྟར་རབ་ཏུ་གཡོ། །{རི་དགས་,རི་དྭགས་}རྣམས་ལ་སླུ་བར་བྱེད། །དེ་བཞིན་ཀུན་
D110.050.0044a03.01གཞི་རྣམ་ཤེས་ཀྱང་། །གཟུགས་མིན་ལྟ་བའི་སྤྱོད་ཡུལ་དུ། །གཟུགས་སྣང་ཇི་ལྟར་རྟོག་ཅན་གྱིས། །བརྟགས་བཞིན་གཟུགས་འདྲ་མ་ཡིན་ནོ། །ཇི་ལྟར་ཁབ་ལོང་མཐོང་བ་དང་། །ལྕགས་ནི་མྱུར་བར་ཀུན་ཏུ་འཁོར། །འོན་ཀྱང་དེ་ལ་སེམས་པ་མེད། །སེམས་ལྡན་བཞིན་དུ་
D110.050.0044a04.01འང་རབ་ཏུ་སྣང་། །དེ་བཞིན་ཀུན་གཞི་རྣམ་ཤེས་ཀྱང་། །སེམས་མེད་སེམས་ཅན་ཇི་བཞིན་དུ། །འགྲོ་དང་འོང་བར་གཡོ་བ་སྟེ། །ས་རྣམས་འབྲི་བར་རབ་ཏུ་བྱེད། །ཇི་ལྟར་རྒྱ་མཚོའི་ཛ་རུ་ནི། །སྲོག་མེད་པར་ཡང་གཡོ་འགུལ་ཏེ། །དེ་བཞིན་ཀུན་གཞི་རྣམ་ཤེས་པ། །ལུས་
D110.050.0044a05.01ལ་གནས་ཤིང་གཡོ་བར་གྱུར། །གླང་པོ་གླང་པོའི་གཟུགས་བརྙན་དང་། །ཇི་ལྟར་འཐབ་ཅིང་ཆོམས་ནས་མིན། །དེ་བཞིན་ཀུན་གཞི་རྣམ་ཤེས་པ། །འཇུག་པ་ཆོམས་ནས་མི་རྒྱུའོ། །ཇི་ལྟར་པད་མོ་དྲི་མེད་པ། །འདམ་གྱི་ནང་ནས་བྱུང་བ་ནི། །མི་དང་ལྷ་དང་བཙུན་ལ་འོས། །
D110.050.0044a06.01ལྷ་ཡུལ་གནས་པ་ཀུན་ཀྱང་འདོད། །དེ་བཞིན་ཀུན་གཞི་རྣམ་པར་ཤེས། །བག་ཆགས་འདམ་ནས་བྱུང་བ་ནི། །རྣམ་དག་གཞན་དུ་གནས་གྱུར་པ། །བདག་ཉིད་ཆེ་རྣམས་འདོད་པ་ཡིན། །ཇི་ལྟར་རིན་ཆེན་རྣམ་པར་དག །རི་བྲགས་མི་ཡིས་བཅགས་བརྡུངས་ཀྱང་། །རྒྱལ་པོའི་
D110.050.0044a07.01