完整藏文原文 · 德格版页 当前仅加载第 50 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་གནས་ཀྱི་མཆོག །སྟུག་པོ་དེར་ནི་རབ་ཏུ་འདོང་། །རི་བོང་རྭ་ཡིས་རི་བོ་རྣམས། །མངོན་པར་གཞིག་བྱ་མ་མཐོང་སྟེ། །འདི་ལ་མོ་གཤམ་བུ་ཡིས་ཀྱང་། །སྲོག་ཆགས་གང་ཡང་བསད་པ་མེད། །རི་བོང་རྭ་ཡི་གཞུ་ཡིས་ཀྱང་། །སུ་ཡང་ཐབ་མོ་མི་
D110.050.0049a01.01བྱེད་དེ། །མོ་གཤམ་བུ་ལ་སུ་ཡང་རུང་། །ཁྱིམ་གྱི་ལས་སུ་མི་སྐོའོ། །སྟོང་པ་ཉིད་དང་མི་རྟག་ཉིད། །རྟག་ཏུ་དངོས་དང་གཅིག་གྱུར་ཏེ། །ཡོད་དང་མེད་པའི་རང་བཞིན་ཡང་། །དེ་བཞིན་གཅིག་པ་ཉིད་དུ་གྱུར། །མངལ་ན་གནས་དུས་ཚུན་ཆད་ཀྱང་། །གཟུགས་རྣམས་གཞིག་
D110.050.0049a02.01པར་བརྩོན་པ་སྟེ། །གང་ནའང་དེ་མེད་གཟུགས་ཡོད་མིན། །གཟུགས་མེད་པར་ཡང་དེ་མེད་དེ། །ཁྱད་པར་མེད་པར་འབྱུང་བ་ནི། །མ་བསྒྲིབས་ཟླ་དང་འོད་ཟེར་བཞིན། །དེ་བཞིན་དངོས་རྣམས་སྟོང་ཉིད་དང་། །ལྷན་ཅིག་གཅིག་ཏུ་འབྱུང་བ་སྟེ། །ཕན་ཚུན་རྣམ་པ་ཐ་དད་དུ། །
D110.050.0049a03.01དེ་དག་དགོས་པ་མི་སྒྲུབ་བོ། །རྒྱུ་དང་རྐྱེན་རྣམས་ཚོགས་པ་ལས། །རྣལ་འབྱོར་ཅན་གྱི་ལས་སྒྲུབ་བོ། །ལུས་འདི་བདག་ཡོད་མ་ཡིན་ཏེ། །རོ་ལངས་འཁྲུལ་འཁོར་རབ་ཏུ་འདྲ། །སྲེད་པའི་སྲད་བུས་བཅིངས་བྱས་ཤིང་། །ཡུལ་གྱི་རྣམས་ཀྱིས་དྲང་བ་ཡིན། །ལྷ་རྫས་སྟོང་པ་
D110.050.0049a04.01ཉིད་བཤད་པ། །ལྟ་བ་ཐམས་ཅད་སྦྱོང་བ་སྟེ། །མཐའ་རྒལ་སྟོང་པ་ཉིད་ལྟ་བ། །རྒྱལ་བ་རྣམས་ཀྱིས་ལྟ་མེད་བཤད། །སྟོང་ཉིད་ལྟ་བ་སྦྱོང་བ་ནི། །ཡོད་དང་མེད་པ་གཞིག་པའི་ཕྱིར། །བློ་ལྡན་མཉམ་པར་བཞག་པ་ཡི། །རྣལ་འབྱོར་ཅན་གྱིས་རྟག་ཏུ་བསྒོམ། །རྩྭ་དང་ཤིང་
D110.050.0049a05.01དང་གྱོ་མོ་དག །སྒྱུ་མའི་མཁན་པོས་རྒྱུར་བྱས་ཏེ། །སྔགས་ཀྱིས་ཅི་དང་ཅིར་འདོད་པར། །གཟུགས་ཀྱི་དངོས་སུ་རབ་ཏུ་བྱེད། །གཟུགས་དང་སྣང་བ་ཡིད་བྱེད་དང་། །སྲེད་དང་མིག་རྣམས་རྒྱུར་བྱས་ཤིང་། །མིག་གི་རྣམ་ཤེས་སྒྱུ་མ་བཞིན། །སྨིག་རྒྱུ་བཞིན་དུ་དེ་གཡོའོ། །
D110.050.0049a06.01གང་གི་ཡུལ་དུའང་འོང་བ་མེད། །ཡུལ་གཞན་དག་ཏུའང་འགྲོ་བ་མིན། །འདི་ལྟའི་རྣམ་ཤེས་འབྱུང་བ་ལ། །ཡོད་དང་མེད་པར་བརྟག་མི་བྱ། །སྐྲ་ཡི་ཚོགས་དང་བོང་བུའི་རྭ། །མོ་གཤམ་བུ་དང་སྨིག་རྒྱུ་དང་། །དྲི་ཟའི་གྲོང་ཁྱེར་རྨི་ལམ་དག །མིང་དུ་གྲག་གི་ཡོད་པ་མིན། །
D110.050.0049a07.01