完整藏文原文 · 德格版页 当前仅加载第 50 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
དང་མེད་པའི་ཕྱོགས་སྤངས་པ། །སྒྱུ་མ་རྨི་ལམ་རྣམས་དང་འདྲ། །དྲི་ཟའི་གྲོང་ཁྱེར་ལྟ་བུ་སྟེ། །སྐྲ་ཚོགས་རྣམས་དང་སྨིག་རྒྱུ་བཞིན། །དུ་བ་སྤྲིན་སྟུག་ལྟ་བུ་ནི། །མཚན་མ་ཚུལ་དང་དབྱིབས་རྣམས་ཀྱིས། །ཇི་ལྟར་མིང་དུ་འཇུག་པ་ཡི། །ཚིག་དང་ཡི་གེ་མང་པོ་དང་། །
D110.050.0016b01.01མིང་རྣམས་མང་པོ་ལ་ཡང་སྟེ། །ཀུན་ཏུ་བརྟགས་པའི་རང་བཞིན་ཡིན། །གཞན་གྱི་དབང་ནི་དེ་ལས་གཞན། །ཡིད་དོན་དབང་པོ་འདུས་པ་ལས། །ས་བོན་ཀུན་ཅན་བག་ཆགས་དང་། །ཐ་དད་མ་ཡིན་སེམས་དང་བཅས། །རྣམ་པར་ཤེས་པ་ཀུན་ཏུ་འབྱུང་། །གཞན་གྱི་
D110.050.0016b02.01དབང་གི་རང་བཞིན་ཡང་། །ཕན་ཚུན་སྟོབས་ཀྱི་རྒྱུ་ལས་སོ། །སོ་སོ་རང་རིག་ཤིན་ཏུ་ཕྲ། །མཐོང་བའི་ཆོས་ལ་གནས་པ་སྟེ། །རང་བཞིན་ཡོངས་སུ་རྫོགས་པ་འདི། །འཕགས་པ་རྣམས་ཀྱི་སྤྱོད་ཡུལ་ལོ། །འཕགས་པའི་རང་བཞིན་ཐུགས་ཆུད་པས། །སངས་རྒྱས་
D110.050.0016b03.01རྣམས་དང་སངས་རྒྱས་སྲས། །རང་བཞིན་ཡོངས་སུ་རྫོགས་པ་ནི། །ཡང་དག་མཐའ་རུ་གཟིགས་པས་ན། །སྐྱེ་བ་ཟད་ཅེས་རྣམ་པར་གསུངས། །ཚངས་པའི་ལམ་ཡང་ནོན་ཆེས་སོ། །བྱས་ཀྱིས་བཟོད་ཡང་བྱ་བ་མེད། །ཕྱིན་ཆད་འབྱུང་བ་མེད་དོ་ཞེས། །སྡུག་བསྔལ་
D110.050.0016b04.01ཀུན་ལས་རྣམ་པར་གྲོལ། །གཡོ་བ་ཐམས་ཅད་ཤིན་ཏུ་བྱུང་། །བག་ཆགས་མ་ལུས་བསྲེགས་པས་ན། །རྣམ་པར་རྟོག་པ་མི་འབྱུང་ཞིང་། །བདག་མེད་ཤིན་ཏུ་མཐོང་བ་ནི། །ཆོས་དང་གང་ཟག་བསྒྲགས་པ་སྟེ། །ས་བོན་རྣམས་དང་བྲལ་བས་ན། །སེམས་ཀྱི་ཚོགས་
D110.050.0016b05.01རྣམས་མི་འཇུག་གོ། །ཐོག་མ་མེད་པའི་དུས་བསགས་པའི། །ཡིད་ཀྱི་གནས་ངན་ལེན་རྟོག་པའི། །སྤྲོས་པ་ཐམས་ཅད་མངོན་བསལ་བས། །མྱ་ངན་འདས་པ་ལྕགས་བསྲེགས་བཞིན། །ཇི་ལྟར་རབ་ཏུ་བསྲེགས་པའི་ལྕགས། །བསིལ་བར་གྱུར་ཀྱང་འཇིག་པ་མེད། །དེ་བཞིན་
D110.050.0016b06.01གྲོལ་བ་ཐམས་ཅད་ཀྱང་། །མེ་ཟད་བཞིན་དུ་བསིལ་བ་ཡིན། །ཟག་པ་མེད་པའི་ཆོས་དབྱིངས་སུ། །ཞུགས་པ་སྟུག་པོའི་དཀྱིལ་འཁོར་ན། །རྒྱལ་བ་རྣམས་དང་རྒྱལ་སྲས་བཅས། །ཏིང་ངེ་འཛིན་ཀྱི་ཟས་གནས་པས། །མཉམ་པར་བཞག་ལ་མཉམ་བཞག་ཅིང་། །
D110.050.0016b07.01