完整藏文原文 · 德格版页 当前仅加载第 50 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
ཉན་ཐོས་རྫུ་འཕྲུལ་ཆེན་པོ་དང་། །ཐམས་ཅད་ཀྱི་ནི་རྣལ་འབྱོར་འདི། །གང་འབྱུང་འབྱུང་བ་རྣམས་ཀྱི་སྟེ། །པད་མོའི་གནས་སུ་བརྟེན་བཅས་ཏེ། །སྐྱིལ་མོ་ཀྲུང་དུ་མཉམ་བཞག་ཅིང་། །རྟག་ཏུ་རྣལ་འབྱོར་སྦྱང་བར་གྱིས། །འདོད་དང་བདེ་ལས་རྣམ་པར་དབེན། །དབང་པོ་དབང་
D110.050.0031b01.01པོའི་དོན་གྱི་རྣམས། །ཐམས་ཅད་ལས་ཀྱང་ཕྱིར་བཟློག་ཅིང་། །ལྕགས་ཀྱུས་གླང་པོ་ཇི་བཞིན་དུ། །སེམས་ནི་མཉམ་པར་བཞག་པར་གྱིས། །འཇིག་རྟེན་འཇིག་རྟེན་འདས་བསམ་གཏན། །གང་ཡང་དེ་བཞིན་གཤེགས་པའི་དགེ། །འདོད་དང་དགའ་བ་དབེན་ལ་སོགས། །
D110.050.0031b02.01ཡང་ན་ཐམས་ཅད་བསྒྲགས་པ་དང་། །ཁྱད་པར་དུ་ཡང་གཟུགས་མེད་དང་། །འདུ་ཤེས་མེད་པའི་བསམ་གཏན་རྣམས། །ནམ་མཁའ་རྣམ་ཤེས་མཐའ་ཡས་དང་། །འདུ་ཤེས་ཡོད་མིན་མེད་མིན་རྣམས། །ཉི་མ་དང་ནི་ཟླ་བའི་དབྱིབས། །པད་མོ་དང་ནི་འོད་འདྲ་ཞིང་། །ནམ་
D110.050.0031b03.01མཁའ་རི་མོ་མེ་འདྲ་བར། །རྣལ་འབྱོར་ཞུགས་པས་རབ་ཏུ་མཐོང་། །འདི་དག་ཐམས་ཅད་སྤངས་ནས་སུ། །སྣང་བ་མེད་པར་རབ་ཏུ་གནས། །གང་ཚེ་མཚན་མེད་རྣལ་འབྱོར་ཅན། །རྣམ་པར་མི་རྟོག་ཆགས་མེད་ན། །སངས་རྒྱས་བྱེ་བ་རྣམས་ཀྱང་མཐོང་། །ཞིང་དང་ཞིང་ན་
D110.050.0031b04.01མཉམ་བཞག་པ། །དེ་དག་ཕྱག་གིས་དབང་བསྐུར་བར། །དེ་ཡི་སྤྱི་བོར་དབང་བསྐུར་ཏེ། །སངས་རྒྱས་ས་ལ་ཞུགས་པ་དང་། །སྣ་ཚོགས་གཟུགས་ནི་རབ་ཏུ་འབྱུང་། །སྣ་ཚོགས་ཚུལ་གྱི་དངོས་ཐོབ་ནས། །ཀུན་མཁྱེན་ཐམས་ཅད་རིག་པར་འགྱུར། །སྟོབས་དང་མངོན་ཤེས་དབང་ཡང་
D110.050.0031b05.01འཐོབ། །གཟུངས་དང་ཐམས་ཅད་ཏིང་ངེ་འཛིན། །ཐམས་ཅད་ཀྱི་ནི་འབྱུང་གནས་འགྱུར། །ཐུབ་པ་རྣལ་འབྱོར་སྐྱེད་པའི་ཡང་། །གཟུགས་ནི་རྡུལ་དུ་རྣམ་གཞིགས་ཤིང་། །མཆོག་རྡུལ་ཡན་ཆད་ཉིན་དབེན་ཕྱིར། །ཡོད་ལས་མེད་པར་འགྱུར་བ་སྟེ། །བོང་བུས་བ་ལང་རྭ་མཐོང་བཞིན། །
D110.050.0031b06.01ཆ་ཤས་མེད་ཕྱིར་ཆ་ཤས་ཅན། །ཕུང་པོ་ལས་ནི་ཕུང་ཅན་མེད། །དེ་བས་ལས་ཀྱི་འབྲས་གྱུར་པ། །འདི་ནི་སྒྱུ་མའི་བུས་བྱས་བཞིན། །འདི་ན་ལས་མེད་འབྲས་བུ་མེད། །ལས་ཀྱི་སྒྲུབ་པའང་ཡོད་པ་མིན། །འཇིག་རྟེན་བྱེད་པས་མ་བྱས་ཏེ། །བྱེད་པ་བྱེད་པ་མ་ཡིན་ནོ། །བྱེད་ལ་
D110.050.0031b07.01