完整藏文原文 · 德格版页 当前仅加载第 50 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པས་སེལ། །མཁྲིས་པ་བད་ཀན་འཁྲུགས་པ་ལས། །རིམས་རྣམས་སྐྱེ་བར་འགྱུར་བ་དང་། །ལུས་ཅན་རྣམས་ཀྱི་ལུས་ཡུལ་དུ། །འདུས་པ་རླུང་ལས་བྱུང་བ་དང་། །རིམས་དག་རྣམ་པར་གཞིག་པའི་ཕྱིར། །ཐུབ་པས་བསྡུ་བ་བྱས་པ་ནི། །ཁར་
D110.050.0048a01.01ལ་སོགས་ཡན་ལག་དྲུག །ཤ་དང་སྐོལ་མ་ཁུ་བ་དག །ཐ་དད་མཚན་གྱིས་འཇིག་འགྱུར་བ། །ལུས་ཅན་རྣམས་ཀྱི་རིམས་ཀུན་ཏོ། །རྣམ་ཤེས་རྣམས་ནི་ཀུན་གཞི་ལ། །ཕན་ཚུན་ཐ་དད་མི་གནས་ཏེ། །གལ་ཏེ་ཆོས་ཀྱི་རང་བཞིན་ནམ། །མཚན་ཉིད་གཅིག་ནི་ཡོད་
D110.050.0048a02.01གྱུར་ན། །དེ་ཚེ་ཆོས་དང་མཚན་ཉིད་ལ། །མཚན་ཉིད་མི་འདྲ་མེད་པར་འགྱུར། །རྫས་རྣམས་བསྡུས་པས་སེལ་མི་ནུས། །མི་ཡང་སོས་པར་མི་འགྱུར་རོ། །སོས་དང་རྣམ་པར་བསལ་བ་འདི། །མཁས་པ་རྣམས་ཀྱིས་མཐོང་བ་སྟེ། །གཞན་དུ་ཀུན་གཞི་རྣམ་
D110.050.0048a03.01ཤེས་པ། །རྣམ་པ་མང་པོར་གནས་པ་སྟེ། །སྒྱུ་མའི་{རི་དགས་,རི་དྭགས་}བཞིན་འཁོར་བ། །རྣལ་འབྱོར་བརྩོན་པས་བརྟགས་པ་ཡིན། །མཚན་མེད་མཚན་ཅན་མེད་པ་སྟེ། །ཕུང་པོ་རྣམས་ལས་ཕུང་པོ་ཅན། །གཞན་མེད་ཡན་ལག་ཉིང་ལག་ལས། །ཡན་ལག་ཅན་མེད་
D110.050.0048a04.01ཡན་ལག་ལ། །འཇིག་རྟེན་རྒྱུ་ཡིས་མ་བྱས་ཏེ། །འབྲས་བུ་རྣམས་ལ་རྒྱུ་ཡང་མེད། །འཇིག་རྟེན་རྡུལ་ཕྲན་བསགས་པ་མིན། །ཕྱོགས་དང་གནས་སུ་མི་འགྲོའོ། །དེ་དག་སོར་གཉིས་སོར་གསུམ་དུ། །ཅི་ཡང་རྩོམ་པར་མི་བྱེད་དེ། །དངོས་པོ་ཡོད་པ་ཕྲད་པའི་
D110.050.0048a05.01ཕྱིར། །རྡུལ་ཕྲན་ཐམས་ཅད་འདུ་བར་འདོང་། །དེ་ཚེ་ཡོན་ཏན་ཁྱད་ཡོད་པ། །ཡོན་ཏན་རྣམས་ཀྱིས་ཡོན་ཏན་དུ། །འཇིག་རྟེན་མ་བྱས་རང་བཞིན་གྱིས། །འཇིག་རྟེན་རྐྱེན་ལས་མ་བྱུང་སྟེ། །འདོད་རྒྱལ་དངོས་ཀྱིས་དེ་བཞིན་མིན། །ཆོས་གསུམ་པས་ཀྱང་མ་བྱས་ཏེ། །བག་
D110.050.0048a06.01ཆགས་རྣམས་ཀྱིས་དཀྲུགས་པའི་སེམས། །རྣམ་པར་རྟོག་པ་མང་པོའི་གནས། །སྙིང་གི་ཕྱོགས་ན་གནས་པ་ཡི། །ལུས་ཅན་ཀུན་གྱི་ཀུན་གཞི་དང་། །སེམས་དང་ཡིད་དང་རྣམ་ཤེས་རྣམས། །འགྲོ་བ་དག་གིས་སྣ་ཚོགས་བརྟགས། །འགྲོ་བ་མ་ལུས་རབ་མནན་ཏེ། །
D110.050.0048a07.01