完整藏文原文 · 德格版页 当前仅加载第 50 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དང་མང་པོར་ཡང་། །འགྲོ་བ་རྣམས་ནི་ཀུན་གཞི་རྟོག །གང་ཚེ་ཀུན་གཞི་འདི་འདྲ་བར། །རྣམ་པ་སྣ་ཚོགས་ཀུན་མཐོང་སྟེ། །འགྲོ་བ་རང་སེམས་མཐོང་བ་དང་། །དེའི་ཚེ་སེམས་ནི་ཕྱིར་ལྡོག་གོ། །ཆོས་རྣམས་ཐམས་ཅད་ཀུན་གྱི་གཞི། །བག་ཆགས་སྙེམས་
D110.050.0045a01.01ལ་སོགས་པ་དང་། །རྟོག་པས་རྙོག་པ་ཅན་དུ་བྱས། །གཞན་དུ་གྱུར་ནས་ཟག་པ་མེད། །ཟག་མེད་ངང་ལུགས་རབ་ཐོབ་ནས། །དེ་དག་རྟག་ཅིང་བརྟན་པར་འགྱུར། །ནམ་མཁའ་མྱ་ངན་འདས་དང་མཉམ། །འགོག་དང་འདྲ་བ་དེ་བཞིན་ཏེ། །མཉམ་གཞག་སེམས་དང་ལྡན་པ་ལ། །
D110.050.0045a02.01མི་ཟག་ཆོས་རྣམས་སྐྱེ་བར་འགྱུར། །རྫུ་འཕྲུལ་བསམ་གཏན་རྣམ་ཐར་དང་། །ཏིང་ངེ་འཛིན་དང་སྟོབས་རྣམས་དང་། །ཐབས་དང་སྟོབས་དང་མངོན་ཤེས་དག །འབྲི་མེད་མི་ཟད་དེ་བཞིན་ཏེ། །ནམ་མཁའ་ཟད་ཀྱི་མཐར་སྙེགས་ཤིང་། །དབྱིངས་བློ་རྣམ་ཤེས་རྟག་པ་དང་། །
D110.050.0045a03.01མཐར་ཕྱིན་བཅུ་ཡི་གནས་ལྡན་ཞིང་། །ཡིད་བཞིན་ཤིན་ཏུ་བརྟན་པའི་ལུས། །རྣལ་འབྱོར་མཁས་པའི་རྣལ་འབྱོར་ཅན། །གཞན་དུ་གྱུར་ནས་རབ་ཏུ་འཐོབ། །འཇིག་པ་མྱ་ངན་འདའ་མ་ཡིན། །སེམས་ཅན་ཡོད་མིན་སྐྱེ་བ་མེད། །འབྲི་མེད་གང་བ་མེད་པར་ཡང་། །རྒྱལ་བ་
D110.050.0045a04.01རྣམས་ཀྱིས་འགྲོ་བ་བཤད། །ཞིང་གཞན་རྣམས་དང་ཞིང་འདི་ཡི། །ཆོས་ཉིད་གཅིག་ཏུ་ཟད་པ་སྟེ། །སྐྱེས་པར་གྱུར་ཏམ་མ་སྐྱེས་ཀྱང་། །ཆོས་རྣམས་ཆོས་ཉིད་དེ་བཞིན་གནས། །རྣལ་འབྱོར་ལྡན་པ་གྲོལ་བ་ལ། །རྟག་མེད་ཆད་པ་མེད་པ་སྟེ། །སེམས་ཅན་ཁམས་རྣམས་
D110.050.0045a05.01ཞིག་གྱུར་ན། །ཐམས་ཅད་མཁྱེན་པ་མི་སྣང་ངོ་། །མ་བྱོན་པ་ཡི་རྒྱལ་བ་དང་། །འདས་དང་ད་ལྟར་བྱུང་བ་དག །མཉམ་པ་མ་ཡིན་འཐུན་པ་མིན། །ཤེས་བྱ་ཟད་ནས་དེ་དག་འབྱུང་། །བདུད་རྣམས་ཚར་བཅད་ལོག་པ་སྟེ། །བརྗོད་དང་བཅས་དང་བརྗོད་མེད་ཀྱང་། །དེ་སྟེ་སེམས་
D110.050.0045a06.01ཅན་འཇིག་ན་ནི། །སྡུག་བསྔལ་སྦུབས་ལས་མི་འགྲོལ་ལོ། །ལྕགས་ཀྱི་གར་བུ་བསྲེགས་པ་ལས། །མེ་ལས་བྱུང་སྟེ་བསིལ་གྱུར་ཅིང་། །ལྕགས་ནི་རྟག་པར་འདུག་པ་བཞིན། །དེ་ལྟར་རྣལ་འབྱོར་ཅན་དག་འཁོད། །ཕུང་པོའི་ཁྱིམ་དང་ངེས་བྱུང་བའི། །བག་ཆགས་རྣམས་
D110.050.0045a07.01