完整藏文原文 · 德格版页 当前仅加载第 50 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
ཟ་འབར་བ་ཡི། །ལམ་རྒྱུད་ཀུན་ཀྱང་དེ་ཡི་དབང་། །སངས་རྒྱས་ཀུན་གྱི་གཞི་མཛེས་ལའང་། །དེ་ཉིད་རྒྱུར་ནི་གྱུར་པ་སྟེ། །དེ་རྟོགས་ནས་ནི་སངས་རྒྱས་དང་། །རིགས་དང་ཐེག་པ་གཞན་མིན་འགྱུར། །ཐམས་ཅད་ལུས་ལ་རྟག་ཏུ་གནས། །སྤྱོད་ལོང་ཡོད་ལ་
D110.050.0037a01.01རྣམ་པར་འདུག །དཔལ་དང་ལྡན་ལ་ཁྱད་པར་དུ། །ཐམས་ཅད་ཀུན་ཀྱང་རབ་ཏུ་གནས། །རབ་དང་འབྲིང་དང་ཐ་མ་ལའང་། །འགྲོ་བ་དོག་པ་ཐམས་ཅད་ན། །དེ་ནི་ཀུན་ཏུ་གནས་པ་སྟེ། །ལུས་ཅན་རྣམས་ཀྱི་ལུས་ལ་རྟེན། །འབྲས་བུའི་བདག་དང་རྒྱུ་ཡི་བདག །ནང་གི་བདག་ཀྱང་
D110.050.0037a02.01དེ་ཉིད་ལ། །བྱིས་པ་རྣམས་ཀྱིས་ཁོར་ཟུག་བརྟག །དེ་ཡི་དབྱིངས་ལ་ཐོག་མ་མེད། །གནས་ངན་ལེན་དང་ལས་ཀྱིས་བསྐྱེད། །བག་ཆགས་ཐོག་མ་མེད་པས་བསགས། །འཚོ་ཞིང་གསོ་བར་བྱེད་པ་ནི། །རྣམ་པར་ཤེས་པ་བདུན་པོ་སྟེ། །ཡིད་ནི་རྟག་ཏུ་རླུང་དང་མཉམ། །གཡོ་
D110.050.0037a03.01ཞིང་མྱུར་བར་རབ་ཏུ་འཇུག །ལུས་ཅན་རྣམས་ཀྱི་ལུས་གནས་ཤིང་། །ཁམས་ཀྱི་གོང་ལ་གནས་པའོ། །ལས་ཀྱི་རླུང་གིས་བསྐྱོད་པ་ནི། །དབང་པོ་རྣམས་ལ་ཁྱབ་པར་གནས། །རྣམ་ཤེས་བདུན་དང་ལྷན་ཅིག་ཏུ། །དབའ་རླབས་བཞིན་དུ་རྒྱུ་བ་སྟེ། །རྡུལ་ཕྲན་དུས་དང་གཙོ་བོ་
D110.050.0037a04.01དང་། །དེ་བཞིན་སྐྱེས་བུ་དབང་བཅས་སུ། །ཀུན་གཞི་གཅིག་པུ་དགེ་བ་དེ། །རྟོག་པ་ཅན་གྱིས་ཐེར་ཟུག་བརྟག །རྟག་ཏུ་སྣ་ཚོགས་རྣམ་པའི་གཟུགས། །གཡོ་ཞིང་མྱུར་འབྱུང་བྱེད་པ་སྟེ། །ཀུན་གཞི་ས་རྣམས་ཐམས་ཅད་དུ། །ཕྱི་ནང་བཅས་པར་གནས་པ་ཡིན། །དེ་ནི་ས་ཡི་
D110.050.0037a05.01རྒྱུ་ཡིན་པར། །རྒྱུ་ཅན་རྣམས་ཀྱིས་བརྟག་པ་སྟེ། །དེ་ཡི་འགྲོ་བ་ཤིན་ཏུ་ཕྲ། །རྟོག་པ་ཅན་རྣམས་མྱོས་པར་བྱེད། །བདག་དོན་དབང་པོ་ཡིད་མྱོས་པའི། །ཡང་དག་མ་མཐོང་མྱོས་པར་འགྱུར། །སྔོན་གྱི་ལས་ཀྱིས་བསྐྱོད་པ་ཡི། །རྣམ་པར་ཤེས་པ་སྲེད་པའི་རྒྱུ། །སྣ་ཚོགས་
D110.050.0037a06.01གཟུགས་ཅན་འགྲོ་བ་དང་། །མི་རྣམས་ཀྱི་ཡང་རྒྱུ་ཡིན་ནོ། །འཇིགས་མེད་རྒྱལ་བའི་སྲས་རྣམས་ལ། །རྡོ་རྗེའི་སྙིང་པོས་ཡང་སྨྲས་པ། །ཀུན་གཞི་དང་ལུགས་དགེ་བ་ནི། །རྒྱལ་སྲས་རྣམས་ཀྱིས་མཐོང་ཐོས་ཏེ། །ཀུན་གཞིའི་མཆོག་ཏུ་དགེ་བ་ནི། །ཐམས་ཅད་ལུས་ལ་ཞེན་པ་སྟེ། །
D110.050.0037a07.01