完整藏文原文 · 德格版页 当前仅加载第 50 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་བུ་ཆོས་ཀྱི་དབྱིངས་ཀྱི་ཤིན་ཏུ་ཕྱེ་བ་ལ་མཁས་པ་དེ་དགེའོ། །ཀྱེ་རྒྱལ་བའི་བུ་དེ་བས་ན་དགེ་བར་ཤིན་ཏུ་ཉོན་ཏེ་ཡིད་ལ་གྱིས་ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས་དགེའོ་ཞེས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་བཅོམ་ལྡན་
D110.050.0005b01.01འདས་ལས་ཕྱིར་ཉན་ཏོ། །བཅོམ་ལྡན་འདས་ཀྱིས་དེ་ལ་བཀའ་སྩལ་པ། རིགས་ཀྱི་བུ་རྡོ་རྗེ་ལྟ་བུའི་སྙིང་པོ་ཏིང་ངེ་འཛིན་ལ་དབང་བ་རྡོ་རྗེའི་སྙིང་པོ་ཕུང་པོ་རྣམས་ནི་དེ་བཞིན་གཤེགས་པ་མ་ཡིན། ཕུང་པོ་ལས་གཞན་ན་ཡང་མེད་དེ། ཕུང་པོ་ལ་གནས་པ་ཡང་མ་ཡིན། ཕུང་པོ་
D110.050.0005b02.01ཡང་གནས་མ་ཡིན། སྐྱེ་བ་དང་འཇིག་པ་ཡང་གནས་མ་ཡིན། ཤེས་པར་བྱ་བ་ཡང་མ་ཡིན། ཤེས་པ་ཡང་མ་ཡིན། དོན་ཀྱང་མ་ཡིན། དབང་པོ་རྣམས་ཀྱང་མ་ཡིན་ནོ། །དེ་ཅིའི་ཕྱིར་ཞེ་ན། ཕུང་པོ་དང་། ཁམས་དང་། སྐྱེ་མཆེད་དང་། ཡུལ་རྣམས་ནི་མནོ་བསམ་མེད་
D110.050.0005b03.01པའི་ཕྱིར་ཏེ། དེ་བཞིན་གཤེགས་པ་ནི་འདི་རྣམས་ལས་ནང་ངམ་ཕྱིར་ཡང་མི་བལྟའོ། །གཟུགས་ནི་སྐྱེད་པ་མེད་ཅིང་སེམས་མེད་པ་སྟེ། འབྱུང་བ་མེད་པའི་ཆོས་ཅན། མཐར་འཇིག་པ། རྩྭ་དང་། ཤིང་དང་། བོང་རྡོ་དང་འདྲ་བ། ཤིན་ཏུ་ཕྲ་བའི་རྡུལ་གྱི་ཚོགས་དབུ་བ་དང་
D110.050.0005b04.01འདྲ་བའོ། །ཚོར་བ་ནི་གཉིས་ཚོགས་པ་ལས་ཆུའི་ཆུ་བུར་དང་འདྲ་བར་སྐྱེའོ། །འདུ་ཤེས་ནི་བུམ་པ་དང་། སྣམ་བུ་དང་། ཅོད་པན་ལ་སོགས་པའི་རྒྱུ་ལས་བྱུང་བ་སྟེ། དེ་ཡང་གཉིས་ལས་སྐྱེས་པའི་སྨིག་རྒྱུ་དང་འདྲ་བ་སྟེ། དཔེར་ན་དཔྱིད་ཀྱིས་མངོན་པར་གདུངས་པའི་
D110.050.0005b05.01ས་ལ་ཉི་མའི་འོད་ཟེར་བབ་པ་གྱེན་དུ་ལངས་པ་རྣམས་ཆུའི་རླབས་ལྟ་བུར་རླབ་ཅིང་{རི་དགས་,རི་དྭགས་}དང་བྱ་སྐོམ་གྱིས་ཉེན་ཅིང་ཆུ་ཚོལ་བ་རྣམས་ལ་ཆུར་རྨོངས་པར་བྱ་བས་རྨོངས་པར་བྱེད་དོ། །དེ་བཞིན་དུ་འདུ་ཤེས་ཀྱང་དེའི་བདག་ཉིད་མ་ཡིན་པ། དེའི་བདག་ཉིད་མ་ཡིན་པའི་གཟུགས་
D110.050.0005b06.01སུ་འཇུག་པ། ཡང་དག་པ་མ་ཡིན་པར་ཡོངས་སུ་བརྟགས་པ་ལས་སྐྱེས་པ། དཔྱོད་པ་རྣམས་ཀྱིས་བརྗོད་པ་ལས་ལོགས་ཤིག་ཏུ་མི་དམིགས་པ། བོང་བུའི་རྭ་དང་། མོ་གཤམ་གྱི་བུ་བརྗོད་པ་ལྟར་མིང་ཙམ་དུ་ཟད་པ་སྟེ། རྨི་ལམ་གྱི་གཟུགས་བརྗོད་པ་ལྟར་བལྟའོ། །
D110.050.0005b07.01