完整藏文原文 · 德格版页 当前仅加载第 50 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་རྨི་ལམ་ན་གཟུགས་ཀྱི་འདུ་ཤེས་མཐོང་བས་སད་པའི་ཚེ་གཟུགས་ལ་སོགས་པ་དང་། བུད་མེད་བཟང་མོ་ཡང་དམིགས་སུ་མེད་དོ། །དེ་བཞིན་དུ་མི་ཤེས་པས་ལོག་པ་ན་བུད་མེད་དང་སྐྱེས་པ་ལ་སོགས་པ་མཐོང་བ་ཡང་མངོན་པར་སངས་རྒྱས་ན་མི་དམིགས་
D110.050.0006a01.01སོ། །འདུ་བྱེད་རྣམས་ནི་ཆུ་ཤིང་གི་སྙིང་པོ་ལྟ་བུ་སྟེ་བཙལ་ན། ལུས་དང་ངག་དང་ཡིད་ལས་བྱུང་བ་གཟུགས་མེད་པ་རྣམས་རྣལ་འབྱོར་ཅན་གྱི་དཔྱོད་པ་པ་རྣམས་ཀྱིས་མི་རྙེད་དོ། །རྣམ་པར་ཤེས་པ་ནི་སྒྱུ་མ་ལྟ་བུ་དེའི་བདག་ཉིད་མེད་པ་སྟེ། སྒྱུ་མ་བྱེད་པའམ། དེའི་སློབ་མས་ནན་
D110.050.0006a02.01ཏན་དུ་རྩྭ་དང་ཤིང་དང་བོང་རྡོ་ཙམ་ལ་བརྟེན་ཏེ་གཟུགས་ཀྱི་ཡན་ལག་དུ་མ་ལས་མངོན་པར་བསྒྲུབས་པའི་སྒྱུ་མའི་གཟུགས་གླང་པོ་དང་། རྟ་དང་། ཤིང་རྟ་དང་། མི་དང་། རྒྱན་མ་བཏགས་པའི་གཟུགས་ཀྱི་ཕྱོགས་གཅིག་ངོ་མཚར་དུ་བསྟན་པ་ལྟ་བུ་དང་། གཞན་ཡང་མཁས་པ་རྣམས་
D110.050.0006a03.01ལ་མ་ཡིན་གྱི་བུས་པའི་འགྲོ་བ་རྣམས་ལ་འདྲིད་པ་དེ་བཞིན་དུ་རྣམ་པར་ཤེས་པ་ཡང་རྣམ་པ་གཞན་དུ་འདུག་ལ། རྣམ་པ་གཞན་དུ་ཤིན་ཏུ་བརྟགས་ཤིང་ཤིན་ཏུ་རྟོག་སྟེ་དེ་ཡང་བདག་ཉིད་ཀྱིས་བདག་ལ་འཛིན་པ་གཉིས་སུ་ཤེས་ནས། སྒྱུ་མས་མངོན་པར་གྲུབ་པའི་གཟུགས་གཅིག་
D110.050.0006a04.01པོའི་ངོ་མཚར་དང་འདྲ་བར་ཕྱིར་ལྡོག་གོ། །དེ་བཞིན་གཤེགས་པ་ནི་རྟག་པ་བརྟན་པ་ཐེར་ཟུག་མི་འཇིག་པ་སྟེ། སངས་རྒྱས་རྗེས་སུ་དྲན་པ་སྒོམ་པའི་རྣལ་འབྱོར་ཅན་རྣམས་ཀྱི་ཡུལ་ཡིན་ཏེ། དེ་བཞིན་གཤེགས་པའི་སྙིང་པོ་ཞེས་བསྒྲགས་པ་མྱ་ངན་ལས་འདས་པའི་དབྱིངས་
D110.050.0006a05.01དང་། ནམ་མཁའ་ལྟ་བུར་མི་འཇིག་པ་སྟེ། མྱ་ངན་ལས་འདས་པའི་སྒྲ་ཆོས་ཀྱི་དབྱིངས་ཀྱི་ཚིག་གིས་འདས་པ་དང་། བྱུང་བ་དང་། འབྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་བསྟན་ཏེ། འདི་ལྟར་དེ་བཞིན་གཤེགས་པ་རྣམས་བྱུང་ཡང་རུང་། མ་བྱུང་ཡང་
D110.050.0006a06.01རུང་། ཆོས་རྣམས་ཀྱི་ཆོས་ཉིད་ཆོས་ཀྱི་གནས་ཉིད་དང་། ཆོས་ཀྱི་དབྱིངས་དང་། ཆོས་སྐྱོན་མེད་པ་གཉིས་པོ་འདི་ནི་དེ་བཞིན་གནས་པའོ། །རྡོ་རྗེའི་སྙིང་པོ་སྐྱོན་མེད་པ་ཞེས་བྱ་བ་ནི་ཡང་འབྱུང་བའི་ཉེས་པ་ཐམས་ཅད་དང་བྲལ་བའོ། །རྡོ་རྗེའི་སྙིང་པོ་སྐྱོན་མེད་པ་ནི་ཉེས་པ་
D110.050.0006a07.01