完整藏文原文 · 德格版页 当前仅加载第 50 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱིས་བཤམས་པའི་ལོངས་སྤྱོད་པ་ཡི་ཞིང་གི་མེ་དེ་དག །མཐའ་ཡས་འོད་ཀྱི་བདེ་བ་ཅན་ན་རྒྱལ་བའི་སྲས་རྣམས་ལྷ་རྫས་འོད་འཁོར་ཅན། །རྣལ་འབྱོར་ཡང་དག་ཉིད་མོས་ཐུབ་དབང་ཁྱུ་མཆོག་བསམ་གཏན་བདུད་རྩི་མྱོང་བྱེད་དང་། །རྣམ་
D110.050.0019a01.01པ་ཐ་དད་སྣ་ཚོགས་རིན་པོ་ཆེ་དག་ཡལ་ག་སྦྱངས་པའི་ནགས་ཚལ་ཤིང་། །ལྷ་རྫས་གསེར་ཕྱེའི་ཁམས་ལས་བསགས་པའི་ཞིང་གི་མཆོག་དེ་ཤིན་ཏུ་རྣམ་པར་མཛེས། །གསེར་དང་རིན་ཆེན་སྣ་ཚོགས་མེ་ཏོག་པད་མོ་དེ་ནི་མཆོག་ཏུ་རབ་ཏུ་བརྒྱན། །འདི་ནི་སངས་རྒྱས་
D110.050.0019a02.01ཞིང་གི་གཏེར་ཡིན་དཔེ་མེད་དེ་ཀུན་མི་ཡང་པད་མོ་སྐྱེས། །ཐུབ་པ་དེ་ལ་དད་ཅིང་བསམ་གཏན་མཁས་ལ་སངས་རྒྱས་ལ་ནི་རབ་ཏུ་མོས། །བདག་གི་སྟོན་པ་ལ་ནི་བདག་བསྟན་ཡིད་ཅན་པད་མོ་དག་ལས་སྐྱེ་བ་སྟེ། །སངས་རྒྱས་ཞིང་གི་མཆོག་ན་གནས་པའི་མི་ནི་
D110.050.0019a03.01བཟང་པོའི་མཚན་གྱིས་ཀུན་ནས་བརྒྱན། །དཔེ་བྱད་བཟང་པོ་བཅས་པས་རྨད་དུ་འབར་བའི་ལུས་ཅན་དཔལ་གྱི་བེའུ་དང་བཅས། །ཡོད་དང་མེད་པའི་རྣམ་རྟོག་རྟོག་པ་མེད་པས་དྲི་མེད་རྫུབ་པ་དག་གོ། །དེ་ལྟར་འདི་དག་རྣམ་པར་བསྟན་ནས་རྡོ་རྗེ་ཁྱུ་མཆོག་མཐེ་བོ་ཙམ་དུ་གྱུར།
D110.050.0019a04.01སྲོ་མ་རྡུལ་ཕྲན་ཤིན་ཏུ་ཕྲ་བའི་སྐྲ་ཡི་བརྒྱ་ཆའི་གཟུགས་སུའང་དེ་བཞིན་གྱུར། །ལ་ལར་བདེ་གཤེགས་རང་རྒྱལ་ཉན་ཐོས་གཟུགས་དང་དེ་བཞིན་སྣ་ཚོགས་གཞན་དག་ཀྱང་། །གང་དང་གང་ལ་སེམས་ཀྱི་སྤྱོད་པ་ཇི་བཞིན་དེ་འདྲའི་གཟུགས་ཀྱི་ཁྱད་པར་དག །རྣལ་འབྱོར་
D110.050.0019a05.01མཁས་པ་རྡོ་རྗེ་ཞེས་བྱས་ཚད་མེད་གཟུགས་ཀྱི་ཡུལ་དག་རྣམ་པར་སྤངས། །དེ་སྐད་བཤད་ནས་ཡང་སྨྲས་པ། །སྣ་ཚོགས་གཟུགས་ཅན་རྒྱལ་བའི་སྲས། །ས་རྣམས་དེ་བཞིན་དབང་རྣམས་དང་། །མ་ཉམས་མངོན་པར་ཤེས་པ་དང་། །སྒྱུ་མ་ལྟ་བུའི་ཏིང་འཛིན་དང་། །
D110.050.0019a06.01དེ་ལྟར་ཡིད་བཞིན་ལུས་ཀྱང་སྟེ། །གཟུངས་དང་རྫུ་འཕྲུལ་རྐང་པ་དང་། །རྣམ་ཐར་ཐ་དད་ཡང་དག་རིག །སྟོབས་དང་འཇིགས་པ་མེད་པ་དང་། །ཕུང་པོ་ཁམས་རྣམས་ཟག་མེད་པ། །འདི་དག་གཞན་དུ་གྱུར་ནས་འཐོབ། །རྟག་པའི་སངས་རྒྱས་ས་ཡང་ངོ་། །ཆོས་
D110.050.0019a07.01