完整藏文原文 · 德格版页 当前仅加载第 50 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པར་འགྱུར་རོ། །འཇམ་དཔལ་གཞན་ཡང་སྦྱིན་པ་ལྔས་སྦྱིན་པ་དང་ཉེ་བའི་སྦྱིན་པ་ཐམས་ཅད་འདུས་པར་འགྱུར་ཏེ། ལྔ་གང་ཞེ་ན་འདི་ལྟ་སྟེ། བཞོན་པ་སྦྱིན་པ་དང་། གདུགས་སྦྱིན་པ་དང་། དར་སྦྱིན་པ་དང་། གོས་སྦྱིན་པ་དང་། ཆོས་གོས་
D110.050.0009a01.01དང་། བསོད་སྙོམས་དང་། མལ་ཆ་དང་། སྟན་དང་། ནད་ཀྱི་རྐྱེན་སྨན་དང་། ཡོ་བྱད་སྦྱིན་པ་རྣམས་ཀྱིས་སྡུག་བསྔལ་ཐམས་ཅད་ཡོངས་སུ་སྦྱངས་པར་འགྱུར་རོ། །འཇམ་དཔལ་ཡང་སེམས་ཅན་ལ་ལ་མཚམས་མེད་པ་ལྔ་བྱེད་པ་དག་གམ། དམ་པའི་ཆོས་སྤོང་
D110.050.0009a02.01བ་དག་གམ། འཕགས་པ་སྤོང་བ་དག་གམ། མནར་མེད་པ་ལ་གཞོལ་བ་དག་གམ། བསྐལ་པར་གནས་པ་དག་གམ། སེམས་ཅན་གང་ལ་ལ་དཀོན་མཆོག་གསུམ་ལ་སྙིང་རིང་བའམ། སངས་རྒྱས་དང་ཆོས་དང་དགེ་འདུན་ལ་གནོད་པ་བྱེད་པའམ།
D110.050.0009a03.01ཚོགས་ཀྱི་ནོར་ལ་འཕྲོག་པ་དག་གམ། ཆུང་ངུ་ན་ལུག་གསོད་པ་དག་ཀྱང་རུང་། ཕྱག་དར་བ་ཡང་རུང་། སྨེ་ཤ་ཅན་ཡང་རུང་སྟེ། འཇམ་དཔལ་སུས་ཤིན་ཏུ་རྒྱས་པ་ཆེན་པོ་རྨད་དུ་བྱུང་བའི་ཆོས་སྟུག་པོའི་རྒྱན་རིན་པོ་ཆེ་འདི་ཐོས་པ་དང་། འདྲི་བ་དང་།
D110.050.0009a04.01འདྲིར་འཇུག་པ་དང་། འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་ལའང་རྒྱ་ཆེར་ཡང་དག་པར་སྟོན་པ་དང་། ཆུང་ངུ་ན་ཡི་གེ་གཅིག་ཀྱང་རུང་སྟེ་རྗོད་པ་དང་། སུ་འང་ཆོས་དེ་སྨྲ་བ་ལ་མཆོད་ཅིང་རིམ་གྲོ་བྱེད་པ་དང་། ནང་པར་ལངས་ནས་
D110.050.0009a05.01ངོ་ཕྲད་པར་བྱེད་ཅིང་ལྟ་བ་དང་སྔར་སྨྲ་བ་སྦྱིན་པར་བྱེད་པ་དང་། ལག་པས་རེག་པར་བྱེད་པའི་སེམས་ཅན་དེ་དག་ཐམས་ཅད་འཇམ་དཔལ་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་ལས་ཡོངས་
D110.050.0009a06.01སུ་འགྲོལ་བར་འགྱུར་རོ། །འཇམ་དཔལ་སའི་ཕྱོགས་གང་ན་ཆོས་སྨྲ་བ་འདུག་གམ། དེའི་དུར་རམ། རོའམ། རོ་བམ་པ་ཞིག་ཡོད་ལ། དེའི་ངོ་མཐོང་ན་ཡང་མཚམས་མེད་པའི་ལས་ལྔ་རྣམས་བྱང་བར་འགྱུར་རོ། །འཇམ་དཔལ་རྒྱ་མཚོ་ཆེན་པོའི་ནང་ན་ཡི་
D110.050.0009a07.01