完整藏文原文 · 德格版页 当前仅加载第 50 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམས་ལ་བཤད་པར་བྱ། །ཐེག་པ་ཆེན་པོ་འོད་ཅན་གྱི། །ཏིང་འཛིན་ཡུལ་ནི་འདི་ཡིན་ཏེ། །དེ་ལ་གནས་ཤིང་རྒྱལ་སྲས་རྣམས། །ཚུལ་དགེ་རབ་ཏུ་སྟོན་པར་བྱེད། །བྱེ་བའི་ཞིང་རྣམས་རབ་ཏུ་མཐོང་། །དེ་དག་མགོན་པོ་དེ་བཞིན་ནོ། །རྡུལ་གྱི་མཐའ་མར་ཐུག་པ་རྣམས། །དེ་དག་རང་
D110.050.0054b01.01གི་ཞལ་སྟོན་ཏོ། །དགེའོ་དགེ་ཞེས་རབ་ཏུ་གསུང་། །འདི་ནི་རྣལ་འབྱོར་བཟང་ལྡན་ལམ། །ལམ་འདིས་ངེད་རྣམས་ཐམས་ཅད་ཀྱང་། །ཏིང་ངེ་འཛིན་ལ་དབང་སྒྱུར་བ། །ཐོབ་ནས་སངས་རྒྱས་དྲི་མེད་གྱུར། །གང་ཡང་སངས་རྒྱས་ཏིང་འཛིན་སྐྱེས། །ཐེག་པ་ཆེན་པོ་སྣང་བ་ཡི། །ཏིང་ངེ་
D110.050.0054b02.01འཛིན་གྱི་ཕྲ་སེམས་པ། །དེ་ལ་གནས་ཤིང་རྒྱལ་སྲས་དང་། །རྒྱལ་བ་བསམ་ཡས་སྤྱོད་ཡུལ་ཅན། །སྤྲུལ་པ་བྱེ་བ་མང་པོ་ཡིས། །སོ་སོ་རང་རིག་སྤྱོད་ཡུལ་གྱི། །ཏིང་འཛིན་སངས་རྒྱས་མཐོང་བ་ནི། །ཤིན་ཏུ་ཕྲ་བའི་རྡུལ་སྙེད་དོ། །སོ་སོ་རང་གིས་རིག་ཚུལ་ནི། །གང་ལ་སངས་
D110.050.0054b03.01རྒྱས་གནས་པ་ཡིན། །ཆོས་འདི་མཚན་མ་མེད་པ་སྟེ། །སྒྲ་དང་གཟུགས་ཀྱིས་རྣམ་པར་སྤངས། །མིང་ནི་མཚན་མས་བསྐྱེད་པ་ཡིན། །མཚན་མ་རྐྱེན་ལས་བྱུང་བ་སྟེ། །རྣམ་པར་རྟོག་པ་གཉིས་ལས་སྐྱེས། །ཆོས་རྣམས་ཀྱི་ནི་དེ་བཞིན་ཉིད། །དེ་ནི་ཡང་དག་སུས་མཐོང་བ། །
D110.050.0054b04.01དེ་ཡི་ཡེ་ཤེས་ཡང་དག་མཚོན། །རང་བཞིན་བརྟགས་པ་མིང་ཡིན་ཏེ། །མཚན་མ་གཞན་གྱི་དབང་ལས་བྱུང་། །མིང་དང་མཚན་མ་མེད་པ་ན། །རང་བཞིན་དོན་གྱི་དམ་པ་ནི། །ཐམས་ཅད་ལུས་ལ་ཀུན་ནས་གནས། །ཀུན་གཞི་དེ་ཕྱིར་འབྱུང་བ་སྟེ། །བག་ཆགས་རྣམས་ཀྱི་རི་ཁྲོད་
D110.050.0054b05.01གནས། །ཡིད་ཀྱི་གནས་ངན་ལེན་གྱིས་གཡོགས། །ཡིད་ཀྱི་རྣམ་ཤེས་སྤྱོད་པ་ཡིས། །ཡིད་ནི་ཕྱིན་ཕྱོགས་རྒྱས་པར་བྱས། །རྣམ་ཤེས་ལྔ་པོ་ཡུལ་ཅན་དག །འབྱུང་ཞིང་ཕྱིར་ཡང་ལྡོག་པ་ཡིན། །རྣམ་ཤེས་ལྔ་ཡི་ཡུལ་རྣམས་ནི། །སེམས་ཅན་བཞིན་གནས་ལུས་ཅན་ལ། །ཀུན་
D110.050.0054b06.01གཞིར་གྲགས་པའི་ཆུ་ཀླུང་ལས། །དབའ་རླབས་བཞིན་དུ་རབ་ཏུ་འབྱུང་། །རྣམ་ཤེས་ཀུན་གཞི་མཚོར་གནས་པ། །བག་ཆགས་རྣམས་ཀྱིས་བརྙོགས་པའི་རྣམས། །ཡུལ་གྱི་རླུང་གིས་བསྐྱོད་པ་དག །རྣམ་པར་རྒྱུན་ཆད་མེད་པར་རྒྱུ། །ཆོས་ལ་བདག་མེད་མཁས་པ་ཡི། །
D110.050.0054b07.01