完整藏文原文 · 德格版页 当前仅加载第 50 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་འདོད་པའི་ཁམས་དབང་གི། །མུར་འདུག་གཞན་ན་གྲགས་པས་ཀྱང་། །རྣལ་འབྱོར་རིག་ལམ་སྟུག་མི་འཐོབ། །ཚངས་པ་ཉིད་ཀྱིས་དེ་གསུང་ཐོས། །མཆོད་སྦྱིན་གསོལ་བའི་ཞལ་ན་སྟེ། །དེ་ནི་དེ་ནས་ཕྱིར་ལོག་སྟེ། །ཚངས་པའི་གནས་སུ་ཡང་སོང་
D110.050.0023b01.01ངོ་། །དེ་ཡི་ཕྱིར་ན་དེར་འགྲོ་བ། །ཚངས་པ་ཡིས་ཀྱང་མི་ཐོབ་པས། །གཟུགས་མེད་འདོད་དང་གཟུགས་ཅན་རྣམས། །དེར་འགྲོ་ཡོད་པ་ཡོང་མ་ཡིན། །ཅི་ཕྱིར་དད་པ་འདི་འདྲ་རྙེད། །སྟུག་པོའི་དཀྱིལ་འཁོར་མཐོང་བ་ཡང་། །རྣལ་འབྱོར་ཅན་གྱི་གནས་ཀྱི་མཆོག །
D110.050.0023b02.01དེ་ཕྱིར་ངོ་མཚར་ཐོབ་པར་གྱུར། །སྒྱུ་མའི་ཏིང་ངེ་འཛིན་གྱི་ཡུལ། །རྣལ་འབྱོར་ཅན་གནས་སྟུག་པོ་དེ། །འདི་ནི་གཅིག་ནས་གཅིག་ཏུ་ཐོས། །དེ་ནས་བྱུང་བས་རྣམ་པར་བསྙད། །སྣ་ཚོགས་ཚིག་འདི་ཐོས་པ་ནི། །ཐུབ་ཅན་རྡོ་རྗེ་སྙིང་པོ་ཡི། །རྒྱལ་སྲས་ཁྱོད་ཀྱིས་སྨྲ་
D110.050.0023b03.01བར་གྱིས། །རྒྱལ་བའི་སྲས་རྣམས་ཉན་པར་འདོད། །དབང་སྒྱུར་རྒྱལ་པོ་དེ་བཞིན་གྱིས། །གཟི་བརྗིད་ཆེན་པོ་མ་ཐོགས་ཤིག །མཚེ་མ་རབ་དང་དགའ་ལྡན་དང་། །གཙང་གནས་འཇིགས་པ་མེད་པའི་རྣམས། །ཐུབ་པའི་བཀའ་ནི་མ་ལུས་པར། །སྨྲ་བར་སུ་
D110.050.0023b04.01ཞིག་ནུས་པ་ཡོད། །གཞན་དུ་ཁྱོད་དང་སངས་རྒྱས་རྣམས། །ཐུབ་ཆེན་ཐུབ་པ་བསྣམས་པ་དག །སངས་རྒྱས་ཡུལ་ནི་བསམ་མི་ཁྱབ། །མཆོག་གི་གཙོ་བོ་སངས་རྒྱས་ཀྱི། །རྣལ་འབྱོར་རྣལ་འབྱོར་མེད་པ་ལ། །སུ་ཡིས་ཇི་ལྟར་བསྟན་པར་ནུས། །མཚེ་མ་རབ་
D110.050.0023b05.01དང་ཤུགས་འཛིན་དང་། །དབང་སྒྱུར་རྒྱལ་བའི་སྲས་པོ་དག །གཅིག་པའི་དབྱངས་སུ་ཡང་སྨྲས་ཏེ། །གསུངས་ཤིག་གསུངས་ཤིག་རྒྱལ་བའི་སྲས། །རྣམ་པར་འཕྲུལ་དང་འཇམ་དཔལ་དང་། །བྱམས་པ་མིའམ་ཅི་ཡི་བདག །རྣལ་འབྱོར་ཅན་གཞན་གང་དེ་ནི། །
D110.050.0023b06.01དེ་དག་སྨྲ་བ་སྨྲོས་ཤིག་སྒྲོགས། །ནམ་མཁའ་ལས་ཀྱང་སྒྲ་བྱུང་སྟེ། །ལྷ་དང་སྔགས་འཆང་རྣམས་ཀྱིས་ཀྱང་། །དེ་ནས་ཤིན་ཏུ་རྔ་བརྡུངས་པ། །གསུངས་ཤིག་གསུངས་ཤིག་རྒྱལ་བའི་སྲས། །དེ་དག་དེ་སྐད་སྨྲ་བ་ན། །ཐོར་ཚུགས་ཅན་གྱི་ཚངས་པ་འོངས། །ས་
D110.050.0023b07.01