完整藏文原文 · 德格版页 当前仅加载第 50 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལ་ཙམ་ཞེས་རྣམ་པར་བརྟགས། །མིང་གིས་ཙམ་དུ་སེམས་ཙམ་གྱིས། །འདི་ནི་སྐྱེས་བུ་སྡོང་པོ་ཞེས། །ཅི་ཡང་རུང་སྟེ་མིང་ཙམ་བརྟག །འབྱུང་བ་རྣམས་དང་འདུས་པ་དང་། །ཙམ་ཡང་གཟུགས་ལ་རྣམ་པར་བརྟག །ཙམ་པོ་མེད་པར་འབྱུང་བ་ཡི། །ཙམ་
D110.050.0040b01.01ཞེས་བྱ་བ་མི་དམིགས་ཏེ། །བུམ་པའི་ངོས་ལ་ཡོན་ཏན་ལྟར། །ཙམ་ལ་མིང་ནི་རྣམ་པར་གནས། །བུམ་པ་བུམ་པའི་དངོས་པོ་ཡིས། །རྣམ་པར་དབེན་ཞིང་མིང་དང་བྲལ། །བུམ་པ་བུམ་པའི་དངོས་པོར་རམ། །མིང་ཡང་མིང་དུ་གནས་པ་མེད། །རྣལ་འབྱོར་ཅན་གྱིས་
D110.050.0040b02.01གང་གི་ཚེ། །མིང་ཙམ་གཡོ་བ་མེད་པ་དང་། །རྣམ་རྟོག་གཉིས་དང་འབྲེལ་བ་ཡི། །མིང་ཙམ་ཡོད་མེད་མཐོང་བ་ན། །ཇི་ལྟར་མེ་ལྡན་ལྕགས་རྣམས་དང་། །སྤྲ་ཚིལ་དག་ཀྱང་རྒྱ་སྐྱེགས་ཀྱང་། །ཆུ་དང་མཉམ་པར་ཁུ་བར་འགྱུར། །འོན་ཀྱང་ཆུ་ཡི་ཡོན་ཏན་མེད། །དེ་
D110.050.0040b03.01བཞིན་ཀུན་གཞི་རྣམ་ཤེས་པ། །རྣམ་ཤེས་བདུན་དང་ལྷན་ཅིག་ཏུ། །རྟག་ཏུ་ལུས་སུ་འཇུག་པར་བྱེད། །རྣམ་པར་ཤེས་པས་ཡུན་དུ་སྤངས། །ཁབ་ལོང་རྡོ་ལས་རྟེན་བྱས་ཤིང་། །ལྕགས་ནི་སེམས་ཅན་བཞིན་འཁོར་ཡང་། །དེ་དག་གཉིས་ཀ་བྱེད་པ་མེད། །སེམས་
D110.050.0040b04.01ཅན་གསོན་པོ་བཞིན་དུ་གཡོ། །སེམས་ནི་བདུན་ཞེས་བགྲང་བ་ཡིན། །ཀུན་གཞི་བརྒྱད་པ་དེ་བཞིན་ནོ། །བག་ཆགས་སྲད་བུས་བརྒྱུས་པས་ན། །སེམས་ཅན་བཞིན་གཡོ་སེམས་ཅན་མེད། །ལུས་ན་ཀུན་ཏུ་རྒྱས་པར་འདུག །འགྲོ་བ་དོག་པར་འཁོར་བ་སྟེ། །གཅིག་
D110.050.0040b05.01ལས་གཅིག་གིས་མི་ཤེས་པ། །བྱེད་མེད་ལྕགས་དང་ཁབ་ལོང་བཞིན། །མགོ་བོ་དུ་མ་ལྕེ་མང་པོ། །ཁ་མང་ལག་པ་དུ་མ་དང་། །ལུས་ཀྱང་དུ་མར་རབ་བསྒྱུར་ཅིང་། །དེ་བཞིན་གཤེགས་ལ་མཆོད་བྱེད་པ། །ཤིན་ཏུ་མང་བའི་ཞིང་གི་རྣམས། །ཚད་མེད་སྟོང་དུ་འགྲོ་བྱས་
D110.050.0040b06.01ཤིང་། །དེ་དང་དེར་ཡང་མགོན་པོའི་རྣམས། །དེ་དག་ཀུན་ལ་རྟག་མཆོད་བྱེད། །རི་རབ་རི་དང་མཉམ་པ་ཡི། །མེ་ཏོག་ན་བཟའ་ཆར་མང་པོ། །སྣ་ཚོགས་རྣམ་པ་ཐ་དད་པས། །དེ་དག་མཆོད་པ་རབ་ཏུ་བྱེད། །ཕྲེང་བ་ཕྲེང་ཕྱེད་ཅོད་པན་དང་། །རིན་ཆེན་བརྒྱན་པ་སྣ་ཚོགས་
D110.050.0040b07.01