完整藏文原文 · 德格版页 当前仅加载第 50 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀུན་ལངས་ནས། །དེ་དག་གཅིག་ལ་གཅིག་བལྟས་ཏེ། །རྡོ་རྗེའི་སྙིང་པོ་དེ་ལ་སྨྲས། །ཆོས་ཀྱི་ཚུལ་ནི་བརྟན་པར་གྱིས། །ཁྱོད་ནི་རྒྱལ་དབང་བྱིན་གྱིས་བརླབས། །རྒྱལ་སྲས་རྣམས་ཀྱིས་རབ་ཏུ་མཆོད། །ས་ཡི་མཚན་ལ་མཁས་པ་ཡང་། །
D110.050.0053a01.01ཁྱོད་ལ་ཐམས་ཅད་ཤིན་ཏུ་གནས། །ཁྱོད་ལ་གསོལ་བ་འདེབས་པ་ནི། །རྒྱལ་སྲས་སྟོབས་ཆེན་ཐམས་ཅད་དང་། །རྣལ་འབྱོར་ཅན་དང་རྣལ་འབྱོར་བདག །སྔགས་འཆང་བུད་མེད་ཐམས་ཅད་དོ། །རྒྱལ་བ་རྣམས་དང་རྒྱལ་སྲས་དང་། །འཇིག་རྟེན་རྣམས་
D110.050.0053a02.01ཀྱི་ངོ་མཚར་གཞི། །མདོ་སྡེ་ཀུན་གྱིས་དྲི་མེད་ཅིང་། །བསྟན་དང་བཀླག་པ་རྣམས་སྤངས་པ། །སྟུག་པོའི་རྒྱན་འདི་བསྟན་པའི་ཕྱིར། །རྣལ་འབྱོར་བདག་ཁྱོད་སྤོབས་པར་གྱིས། །སྤྲུལ་པས་བཤད་པ་སྤངས་པ་སྟེ། །དེ་བཞིན་གཏམ་དང་སྤྲུལ་པས་ཀྱང་། །ཟག་པ་
D110.050.0053a03.01མེད་པའི་ཆོས་ཀྱི་དབྱིངས། །སོ་སོ་རང་རིག་སྤྱོད་པའི་ཡུལ། །ལྷ་རྫས་མཐོང་བའི་ཆོས་ལ་བདེ། །འཕགས་པ་རྣམས་ལ་དེ་སྟོན་ཅིག །ཕུང་པོ་ལྷག་མ་མ་ལུས་པར། །གཏུགས་པའི་ཆོས་ཀྱི་དབྱིངས་སྟོན་ཅིག །ཏིང་ངེ་འཛིན་དང་གཟུངས་ཀྱི་རྣམས། །རྣམ་པར་
D110.050.0053a04.01ཐར་དང་དབང་རྣམས་དང་། །ཡིད་བཞིན་རྣམ་པ་བཅུ་པོ་ཡི། །ལུས་ཀྱི་ཚོགས་ཀྱང་བསྟན་པར་གྱིས། །སངས་རྒྱས་རྣམས་ཀྱི་བསམ་ཡས་དང་། །མགོན་པོ་རྣམས་ཀྱི་ཞིང་གི་རྒྱན། །རྒྱལ་བ་རྣམས་དང་རྒྱལ་སྲས་ཀྱི། །རྡུལ་ཕྲན་བཞིན་གྱི་སྐུ་ཕྲ་དང་། །སྐྲ་རྩེ་
D110.050.0053a05.01བརྒྱ་ཆར་ཕྲ་བ་དག །རྒྱལ་སྲས་ཁྱོད་ཀྱིས་བཤད་པར་གྱིས། །བསྟན་དང་བཀླག་དང་རྣམ་བྲལ་ཞིང་། །བརྗོད་པས་རྣམ་པར་སྤངས་པ་ཡི། །སྟུག་པོ་ཞིང་གི་དམ་པ་དེར། །ཅི་ནས་ཐུབ་པ་འདོང་བའི་ཕྱིར། །རྣལ་འབྱོར་མཁས་པས་སེང་གེ་ལྟར། །ཐུབ་པས་དེ་
D110.050.0053a06.01དག་ཀུན་བལྟས་ཏེ། །འགྲོ་བའི་ཚོགས་རྣམས་ཐམས་ཅད་ལ། །བརྟག་པར་མི་ནུས་བརྟག་བྲལ་བའི། །ཆོས་ཚུལ་རབ་ཏུ་བསྟན་པར་བྱ། །བློ་ཡི་མཐུ་ཡང་ཀུན་བརྟགས་ན། །རྣལ་འབྱོར་ཅན་དག་ཆོས་ཀྱི་ཚུལ། །སྔོན་གྱི་གཞུང་ལུགས་ཉན་ནུས་པས། །ཚངས་པའི་སྒྲ་དང་དབྱངས་སུ་
D110.050.0053a07.01