完整藏文原文 · 德格版页 当前仅加载第 50 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་རྣམས་དང་སངས་རྒྱས་སྲས། །བདེ་བར་གཤེགས་པའི་གནས་འཐོབ་སྟེ། །མངོན་སངས་རྒྱས་ཤིང་ཆོས་སྟོན་ཏོ། །ཕུང་པོ་གང་ཟག་བདག་མེད་པར། །རབ་ཏུ་རྣམ་ཕྱེ་མཐོང་གྱུར་ཅིང་། །ཆོས་ཀྱི་དངོས་ཡོད་མ་བཤིག་པར། །ཉན་ཐོས་དེ་དག་མངོན་རྟོགས་འགྱུར། །བདག་
D110.050.0055a01.01མེད་གཉིས་ལ་མཁས་པ་ཉིད། །རྒྱལ་བའི་སྲས་རྣམས་སྒོམ་པར་བྱེད། །རྣམ་པར་བསྒོམས་ཤིང་སྤོང་བ་ནི། །ཚུལ་བཤད་བཞིན་དུ་ཡང་དག་མཐའ། །ཡང་དག་མཐའ་ཡི་བདེ་མྱོང་ཞིང་། །སྙིང་རྗེ་མེད་པའི་སྲས་རྣམས་ནི། །སེམས་ཅན་དགོས་པའི་རྒྱུན་བཅད་པས། །དེ་དག་སངས་རྒྱས་མི་འཐོབ་བོ། །
D110.050.0055a02.01བསམ་ཡས་ཀྱེ་མ་ཡེ་ཤེས་འདི། །སེམས་ཅན་རྣམས་ཀྱི་བདེ་བ་སྐྱེད། །མཁྱེན་ཅིང་རྒྱལ་བ་རྒྱལ་སྲས་རྣམས། །བློ་ཆུང་རྣམས་ལ་ཚུལ་སྟོན་ཏོ། །ཇི་ལྟར་འདམ་ལས་བྱུང་བ་ཡི། །དགེ་བའི་མཚན་ལྡན་པད་མོ་དག །ཐུབ་པ་རྣམས་དང་ལྷ་དག་གི། །ཉེ་བའི་ལོངས་སྤྱོད་རྒྱུ་ཡིན་ནོ། །དེ་བཞིན་འཁོར་བའི་འདམ་མཚོ་ལས། །རྒྱལ་བའི་སྲས་
D110.050.0055a03.01རྣམས་འབྱུང་བ་ནི། །སངས་རྒྱས་དྲི་མེད་རབ་རྙེད་ཅིང་། །ལྷ་ལ་ཡིད་དུ་འོང་བ་ཡིན། །བྱང་ཆུབ་སེམས་དཔའ་མི་རྣམས་དང་། །ལྷ་ཡི་ཁྲོད་དུ་ཁྱད་པར་དུ། །རྒྱལ་པོའི་ཁྱུ་མཆོག་འགྱུར་བ་སྟེ། །འཁོར་ལོ་ཅན་དུ་ཁྱད་པར་དུའོ། །ལྷ་ཡུལ་གནས་པའི་བདག་པོ་དང་། །དྲི་ཟ་རྣམས་ཀྱི་དེ་བཞིན་ཏེ། །ཐེག་ཆེན་ཡོན་ཏན་ལྡན་པ་ཡི། །ལུས་ཅན་
D110.050.0055a04.01རྣམས་ཀྱིས་རྟག་ཏུ་འཐོབ། །དེ་ཕྱིར་རྒྱལ་བའི་སྲས་རྣམས་ཀྱིས། །ཐེག་པ་ཆེ་ལ་བརྩོན་པར་གྱིས། །མཐར་གྱིས་བདེ་གཤེགས་གནས་རབ་དང་། །རྒྱལ་པོ་དག་ཏུའང་འགྱུར་བར་འོང་། །ཀུན་ནས་ཉོན་མོངས་ཆོས་རྣམས་དང་། །རྣམ་པར་བྱུང་བའི་ཡོད་པ་ཀུན། །རྟག་ཏུ་ལུས་ཅན་ཐམས་ཅད་ཀྱི། །ས་ལ་ཀུན་གཞི་འབྱུང་བ་ཡིན། །
D110.050.0055a05.01སྤྱི་དང་རྒྱུ་རྣམས་ལྷན་ཅིག་གམ། །འོན་ཏམ་སྤྱི་དང་དབང་པོས་ཀྱང་། །གཙོ་བོ་རྐྱེན་དང་རྒྱུ་རྣམས་ཀྱིས། །འཇིག་རྟེན་རབ་ཏུ་བསྒྲུབ་པ་བྱས། །ཁྱད་པར་ཅན་གྱི་རྒྱུ་བརྗོད་པ། །ཅི་ནས་འབྱུང་བར་འགྱུར་བ་སྟེ། །རྒྱུ་མེད་རང་ཡང་མེད་པར་འགྱུར། །བྱ་མེད་བྱེད་པའང་མེད་པར་འགྱུར། །རྣམ་པར་བྱང་དང་ཐ་མི་དད། །ཀུན་
D110.050.0055a06.01གཞི་ཐ་དད་འགྱུར་བ་མིན། །དེ་སྟེ་རྣམ་བྱང་ཐ་དད་ན། །ཀུན་གཞི་རྟག་པ་མ་ཡིན་འགྱུར། །སྔོན་མེད་འཇིག་མེད་རྟག་པ་སྟེ། །མཐའ་བཞི་རྣམ་པར་སྤངས་པ་ཡིན། །དེ་བཞིན་གཤེགས་པའི་སྙིང་པོ་དག །སྤྲུལ་པ་ཡེ་ཤེས་སྒྲར་ཡང་གྲག །ཕན་ཚུན་སྙིང་པོ་ཐ་མི་དད། །དེ་ནི་
D110.050.0055a07.01