完整藏文原文 · 德格版页 当前仅加载第 50 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་ཞིང་གསུམ་ལས་ཡང་། །སེམས་དང་ཡིད་དང་རྣམ་ཤེས་རྣམས། །བག་ཆགས་སྲེད་པས་བསྐྱེད་པ་དང་། །རང་སེམས་རྣམ་པར་འཁྲུལ་པ་ཡིས། །དབའ་རླབས་བཞིན་དུ་རྟག་ཏུ་འབྱུང་། །ཆོས་རྣམས་ཀུན་གྱི་འབྱུང་བ་དག །ཕྱི་དང་ནང་ཡང་རྣམ་བསྒོམས་ཏེ། །
D110.050.0046b01.01ཐུབ་པའི་གནས་ཀྱང་རྣམ་བསྒོམས་ནས། །མཉམ་པར་གཞག་པ་སྟུག་པོར་འགྲོ། །རྡོ་རྗེའི་སྙིང་པོ་ཁྱོད་དང་ཡང་། །རྒྱལ་སྲས་འཇིགས་མེད་གཞན་དག་ཀྱང་། །སྟུག་པོར་འཇུག་པར་བྱེད་པའི་ཆོས། །ཐམས་ཅད་ཆོས་ཀྱང་རབ་སྟོན་པ། །རྒྱལ་བ་རྣམས་དང་རྒྱལ་
D110.050.0046b02.01སྲས་རྣམས། །ཐབས་ཅིག་རབ་ཏུ་རྣམ་དགོངས་ཏེ། །ཆོས་ཀྱི་མཚན་ཉིད་དཔེ་མེད་པ། །རྨད་དུ་བྱུང་བ་འདི་བསྟན་ཏོ། །རྡོ་རྗེ་སྙིང་པོ་འཇིགས་མེད་པ། །རིན་ཆེན་སྣ་ཚོགས་ཟླ་སྙིང་གི། །སེང་གེའི་ཁྲི་ལ་རབ་འདུག་སྟེ། །ཤེས་རབ་ཆེན་པོས་རྣམ་བསྒོམས་ཀྱིས། །རྒྱལ་
D110.050.0046b03.01བའི་སྲས་ཀྱིས་མདུན་བདར་བ། །སྟུག་པོའི་རྒྱན་ལ་རྣམ་པར་བསྒོམས། །རྣམ་པར་བསྒོམས་ནས་རྟག་པར་འདི། །རྣལ་འབྱོར་ཅན་གྱི་རྣལ་འབྱོར་སྟོན། །ཟླ་དབང་རྒྱལ་བ་དེས་བསྟན་ལ། །བག་མེད་པར་ནི་མ་བྱེད་ཅིག །ཟླ་བའི་དཔལ་གྱི་བཅོམ་ལྡན་འདས། །སྤྲུལ་པར་བྱ་བ་མང་
D110.050.0046b04.01སྤྲུལ་ཅིང་། །འདོད་པའི་ཁམས་ཀྱི་བསྙེམས་བྲལ་དང་། །གཟུགས་ཅན་རྣམས་ཀྱི་གནས་སུ་ཡང་། །རྒྱལ་སྲས་རྣམས་ཀྱིས་ཀུན་ནས་བསྐོར། །ལྷ་རྣམས་ཀྱིས་ཀྱང་མདུན་བདར་ཅིང་། །ཚུལ་གྱིས་དམ་པ་སྟོན་པ་ནི། །འཇིགས་མེད་སྟུག་པོའི་རྒྱན་ཡིན་ནོ། །རྣལ་འབྱོར་
D110.050.0046b05.01ཅན་གྱིས་སྤྱོད་པའི་མཆོག །ཚུལ་བཟང་རྣལ་འབྱོར་སྤྱོད་པ་སྟེ། །སོ་སོ་རང་རིག་ཤེས་པ་ཡི། །ཏིང་ངེ་འཛིན་དང་བདེ་བའི་རྣམས། །ཡང་དག་མཐའ་ལ་མི་རིག་པར། །རྗེས་སུ་མྱོང་བར་བྱས་ནས་ཀྱང་། །རྣལ་འབྱོར་བདེ་ལས་མངོན་ལངས་ཤིང་། །གཅིག་ལ་གཅིག་
D110.050.0046b06.01ནི་ཕན་ཚུན་ལྟ། །རྣལ་འབྱོར་སྤྱོད་པའི་ཚུལ་དགེ་འདི། །གང་གིས་ཤིན་ཏུ་མཐོང་བར་གྱུར། །རྣམ་པ་སྣ་ཚོགས་འོས་པ་ཡི། །སྟན་གྱི་མཆོག་ལ་འཁོད་པའི་རྣམས། །ཀུན་ཀྱང་ངོ་མཚར་རབ་ཏུ་རྙེད། །བསམ་བྱེད་བསམ་གཏན་བསམ་པ་དང་། །བསམ་གཏན་
D110.050.0046b07.01