完整藏文原文 · 德格版页 当前仅加载第 33 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ་ཤཱ་རིའི་བུ་དེ་དེ་བཞིན་ནོ་དེ་དེ་བཞིན་ཏེ། ཚེ་དང་ལྡན་པ་ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཆོས་འགའ་ཞིག་ཡོངས་སུ་གཟུང་བའི་ཕྱིར་མི་སློབ་ཅིང་སྐྱེ་བའི་ཕྱིར་མི་སློབ་ནུབ་པའི་ཕྱིར་མི་སློབ་པ་དེ་ནི་ཐམས་ཅད་མཁྱེན་པ་ཉིད་ཀྱང་ཡོངས་
D12.033.0025a01.01སུ་གཟུང་བའི་ཕྱིར་མི་སློབ་ཅིང་སྐྱེ་བའི་ཕྱིར་མི་སློབ་ནུབ་པའི་ཕྱིར་མི་སློབ་སངས་རྒྱས་ཀྱི་ཆོས་རྣམས་ཀྱང་ཡོངས་སུ་གཟུང་བའི་ཕྱིར་མི་སློབ་ཅིང་སྐྱེ་བའི་ཕྱིར་མི་སློབ་ནུབ་པའི་ཕྱིར་མི་སློབ་སྟེ། ཚེ་དང་ལྡན་པ་ཤཱ་རིའི་བུ་དེ་ལྟར་སློབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཐམས་
D12.033.0025a02.01ཅད་མཁྱེན་པ་ཉིད་ལ་སློབ་ཅིང་ཐམས་ཅད་མཁྱེན་པ་ཉིད་ལ་ངེས་པར་འབྱུང་བར་འགྱུར་རོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ་ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་
D12.033.0025a03.01གང་ལས་བཙལ་བར་བྱ། ཤཱ་རིའི་བུས་སྨྲས་པ། ཀཽ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཚེ་དང་ལྡན་པ་རབ་འབྱོར་གྱི་ལེའུ་ལས་བཙལ་བར་བྱའོ། །དེ་སྐད་ཅེས་སྨྲས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་གྱིས་ཚེ་དང་ལྡན་པ་ཤཱ་རིའི་བུ་
D12.033.0025a04.01ལ་འདི་སྐད་ཅེས་སྨྲས་སོ། །འཕགས་པ་ཤཱ་རིའི་བུ་འདི་ལྟར་འཕགས་པ་རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འཆད་པ་གང་ཡིན་པ་འདི་སུའི་མཐུར་རིག་པར་བྱ་འདི་སུའི་བྱིན་གྱི་རླབས་སུ་རིག་པར་བྱ། ཚེ་དང་ལྡན་པ་ཤཱ་རིའི་བུས་སྨྲས་པ། ཀཽ་ཤི་ཀ་ཚེ་དང་ལྡན་པ་རབ་འབྱོར་ཤེས་རབ་ཀྱི་ཕ་
D12.033.0025a05.01རོལ་ཏུ་ཕྱིན་པ་འཆད་པ་གང་ཡིན་པ་འདི་ནི་དེ་བཞིན་གཤེགས་པའི་མཐུར་རིག་པར་བྱ། འདི་ནི་དེ་བཞིན་གཤེགས་པའི་བྱིན་གྱི་རླབས་སུ་རིག་པར་བྱའོ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷ་རྣམས་ཀྱི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་གང་འདི་སྐད་དུ་འཕགས་པ་
D12.033.0025a06.01རབ་འབྱོར་གང་ཤེས་རབ་ཀྱི་ཕ་རོལ་ཏུ་ཕྱིན་པ་འཆད་པ་གང་ཡིན་པ་འདི་སུའི་མཐུར་རིག་པར་བྱ་འདི་སུའི་བྱིན་གྱི་རླབས་སུ་རིག་པར་བྱ་ཞེས་ཟེར་བ་ནི་ཀཽ་ཤི་ཀ་བདག་ཤེས་རབ་ཀྱི་ཕ་རོལ་ཏུ་ཕྱིན་པ་འཆད་པ་གང་ཡིན་པ་འདི་ནི་དེ་བཞིན་གཤེགས་པའི་མཐུར་རིག་པར་བྱའོ། །འདི་ནི་དེ་བཞིན་
D12.033.0025a07.01