完整藏文原文 · 德格版页 当前仅加载第 33 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་མདོ་སྡེ་ཟབ་མོ་ཟབ་པ་གཞན་ཅི་སྙེད་ཡོད་པ་དེ་དག་ཀྱང་། བདག་ཉིད་རིགས་ཀྱི་བུ་དང་རིགས་ཀྱི་བུ་མོ་དེ་དག་ལ་རང་ཉིད་ཉེ་བར་འོང་བ་དང་ཉེ་བར་གཞོལ་བ་དང་ཉེ་བར་ཕྱོགས་པར་འགྱུར་རོ། །དེ་ཅིའི་ཕྱིར་ཞེ་ན། ཤཱ་རིའི་
D12.033.0128a01.01བུ་དེ་ནི་འདི་ལྟར་ཡིན་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་རབ་ཏུ་འཇོག་པ་དང་ཡང་དག་པར་སྟོན་པ་དང་ཡང་དག་པར་འགོད་པ་དང་། ཡང་དག་པར་གཟེངས་སྟོད་པ་དང་ཡང་དག་པར་རབ་ཏུ་དགའ་བར་བྱེད་
D12.033.0128a02.01པ་དང་ཡང་དག་པར་རབ་ཏུ་འབྱེད་པར་འགྱུར་བ་དང་ཡང་དག་པར་རྫོགས་པའི་བྱང་ཆུབ་ལ་གནས་པར་བྱེད་པར་འགྱུར་བ་དང་ཕྱིར་མི་ལྡོག་པར་བྱེད་པར་འགྱུར་ཞིང་བདག་ཉིད་ཀྱང་དེ་ལ་སློབ་པར་འགྱུར་ན། ཤཱ་རིའི་བུ་སྐྱེ་བ་འཕོས་ནས་ཀྱང་དེ་དག་ལ་མི་དམིགས་པ་དང་ལྡན་པ་དང་སྟོང་པ་ཉིད་དང་
D12.033.0128a03.01ལྡན་པ་དང་ཕ་རོལ་ཏུ་ཕྱིན་པ་དྲུག་དང་ལྡན་པའི་མདོ་སྡེ་ཟབ་མོ་ཟབ་པ་དག་རང་ཉིད་ཉེ་བར་འོང་བར་འགྱུར་རང་ཉིད་ཉེ་བར་གཞོལ་བར་འགྱུར་རང་ཉིད་ཉེ་བར་ཕྱོགས་པར་འགྱུར་རོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་ལས། འཛིན་པའི་ཡོན་ཏན་ཡོངས་སུ་བརྗོད་པའི་
D12.033.0128a04.01ལེའུ་ཞེས་བྱ་སྟེ་བཅུ་པའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ། བམ་པོ་བཅུ་གཅིག་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་དང་རིགས་ཀྱི་བུ་མོ་དེ་དག་གི་ཡོན་
D12.033.0128a05.01ཏན་འདི་དག་ནི་བཅོམ་ལྡན་འདས་ཀྱིས་ཡོངས་སུ་བརྗོད་ན། བཅོམ་ལྡན་འདས་ཡང་དེ་དག་ལ་བར་དུ་གཅོད་པ་ཅི་ཙམ་དག་འབྱུང་བར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་བར་ཆད་བྱེད་
D12.033.0128a06.01པའི་བདུད་ཀྱི་ལས་མང་དུ་འབྱུང་བར་འགྱུར་རོ། །རབ་འབྱོར་གྱིས་གསོལ་པ། བཅོམ་ལྡན་འདས་བར་དུ་གཅོད་པར་བགྱིད་པའི་བདུད་ཀྱི་ལས་མང་པོ་ཚུལ་ཅི་ལྟ་བུ་དག་འབྱུང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་
D12.033.0128a07.01