完整藏文原文 · 德格版页 当前仅加载第 33 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བཅོམ་ལྡན་འདས་རྣམས་ཀྱི་དམ་པའི་ཆོས་ཡོངས་སུ་བཟུང་བ་ཡང་འདི་ཉིད་ཡིན་ཏེ། དེ་ལ་བདག་ཀྱང་མ་བྱོན་པའི་སངས་རྒྱས་བཅོམ་ལྡན་འདས་དེ་རྣམས་ཀྱི་གྲངས་སུ་བགྲང་བར་གཏོགས་པ་དེས་ན་བདག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ལ་ལུང་བསྟན་ཏེ་འདི་ནི་བདག་གི་ཡང་
D12.033.0187b01.01དམ་པའི་ཆོས་ཡོངས་སུ་བཟུང་བའོ་སྙམ་སྟེ་དོན་གྱི་དབང་འདི་མཐོང་ནས་དམ་པའི་ཆོས་ཡོངས་སུ་གཟུང་བའི་ཕྱིར་བདག་ཉིད་ཡོངས་སུ་གཏོང་བ་དག་བྱེད་དོ། །སྲོག་ཡོངས་སུ་གཏོང་བ་དག་ཀྱང་བྱེད་དེ་དེ་ལ་ཞུམ་པར་མི་འགྱུར་ལེ་ལོ་མི་བྱེད་དོ། །རབ་འབྱོར་རྣམ་པ་དེ་དག་དང་རྟགས་དེ་དག་དང་
D12.033.0187b02.01མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གཟུང་བར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་བཞིན་གཤེགས་པ་དགྲ་
D12.033.0187b03.01བཅོམ་པ་ཡང་དག་པར་རྫོགས་པའི་སངས་རྒྱས་ཆོས་སྟོན་པ་ལ་ནེམ་ནུར་མེད་ཐེ་ཚོམ་མི་ཟའོ། །རབ་འབྱོར་གྱིས་གསོལ་པ། བཅོམ་ལྡན་འདས་ཅི་དེ་བཞིན་གཤེགས་པ་ཁོ་ན་ཆོས་སྟོན་པ་ལ་ནེམ་ནུར་མ་མཆིས་ཤིང་ཐེ་ཚོམ་མི་འཚལ་བ་ལགས་ཀྱི་ཉན་ཐོས་ལ་མ་ལགས་སམ། བཅོམ་ལྡན་འདས་
D12.033.0187b04.01ཀྱིས་བཀའ་སྩལ་པ། རབ་འབྱོར་ཉན་ཐོས་ཆོས་སྟོན་པ་ལ་ཡང་ནེམ་ནུར་མི་བྱེད་ཅིང་ཐེ་ཚོམ་མི་ཟའོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་མི་སྐྱེ་བའི་ཆོས་ལ་བཟོད་པ་ཐོབ་པས་ན་དེའི་ཕྱིར་དེ་ཆོས་ཐམས་ཅད་ཀྱི་ཆོས་ཉིད་དང་མི་འགལ་བར་ཉན་ཏེ། ཐོས་ནས་
D12.033.0187b05.01ཀྱང་ནེམ་ནུར་མི་བྱེད་ཐེ་ཚོམ་མི་ཟ་སྟེ། རབ་འབྱོར་ཡོན་ཏན་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཡིན་ནོ། །རབ་འབྱོར་འདི་དག་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་
D12.033.0187b06.01མི་ལྡོག་པའི་རྣམ་པ་དང་རྟགས་དང་མཚན་མར་རིག་པར་བྱའོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་ལས། ཕྱིར་མི་ལྡོག་པའི་རྣམ་པ་དང་རྟགས་དང་མཚན་མའི་ལེའུ་ཞེས་བྱ་བ་སྟེ་བཅུ་བདུན་པའོ།། །།
D12.033.0187b07.01