完整藏文原文 · 德格版页 当前仅加载第 33 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་མི་འཕྲོགས་པ་དེ་བཞིན་དུ། རབ་འབྱོར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ཉན་ཐོས་ཀྱི་ཐེག་པ་དང་རང་སངས་རྒྱས་ཀྱི་ཐེག་པ་ཅན་གྱི་གང་ཟག་དག་གིས་མི་བརྫི་བ་ཡིན་ཏེ་ཉན་ཐོས་ཀྱི་ས་འམ་རང་སངས་རྒྱས་ཀྱི་སར་ཕྱིར་མི་
D12.033.0182a01.01ལྡོག་པའི་ཆོས་ཅན་དུ་འགྱུར་རོ། །ཐམས་ཅད་མཁྱེན་པ་ཉིད་དུ་ངེས་ཤིང་རྫོགས་པའི་བྱང་ཆུབ་ལ་གཞོལ་བར་འགྱུར་རོ། །རབ་འབྱོར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་གང་གི་ཚེ་ཕྱིར་མི་ལྡོག་པའི་ཁམས་ལ་གནས་པར་གྱུར་པ་དེའི་ཚེ་གཞན་གྱི་དྲིང་ལ་མི་འཇོག་
D12.033.0182a02.01པར་འགྱུར་བ་ཡིན་ནོ། །རབ་འབྱོར་རྣམ་པ་དེ་དག་དང་རྟགས་དེ་དག་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གཟུང་བར་བྱའོ།། །།
D12.033.0182a03.01ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ། བམ་པོ་བཅུ་དྲུག་པ། རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་གན་དུ་ལ་ལ་འོངས་ནས་འདི་སྐད་ཅེས་ཟེར་ཏེ་བྱང་ཆུབ་སེམས་དཔའི་སྤྱོད་པ་འདི་ནི་འཁོར་བའི་སྤྱོད་པ་ཡིན་ཏེ་ཁྱོད་འདི་
D12.033.0182a04.01ཉིད་དུ་སྡུག་བསྔལ་མཐར་ཕྱུང་ལ་ཕྱིར་འཁོར་བ་ན་སྤྱོད་པའི་སྡུག་བསྔལ་དང་ཡིད་མི་བདེ་བ་དག་མྱོང་བར་མ་བྱེད་ཅིག །ཀྱེ་མ་མ་ལ་རེ་ཞིག་འདི་ཉིད་དུ་ཁྱོད་ཀྱི་ཕུང་པོ་འདི་མངོན་པར་གྲུབ་པར་མི་འགྱུར་བར་ཡང་ཁྱོད་ཕུང་པོ་གཞན་ཡོངས་སུ་གཟུང་བར་སེམས་པ་ལྟ་ག་ལ་སྲིད་ཅེས་ཟེར་བ་
D12.033.0182a05.01ལ་གལ་ཏེ་དེ་མི་འཁྲུག་མི་གཡོ་ན། བདུད་སྡིག་ཅན་བདག་ཉིད་དེར་འོངས་ནས་དེ་ལ་འདི་སྐད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གིས་བསྐལ་པ་གང་གཱའི་ཀླུང་གི་བྱེ་མ་སྙེད་དུ་སངས་རྒྱས་བཅོམ་ལྡན་འདས་དག་ལ་ཆོས་གོས་དང་བསོད་སྙོམས་དང་མལ་སྟན་དང་
D12.033.0182a06.01སྙུན་ཀྱི་གསོས་སྨན་དང་ཡོ་བྱད་དག་གིས་རིམ་གྲོར་བྱས་པ་དང་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་དག་གི་དྲུང་དུ་ཚངས་པར་སྤྱོད་པ་སྤྱད་པ་དང་། སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་དག་ལ་བསྙེན་བཀུར་བྱས་ཤིང་བྱང་ཆུབ་སེམས་དཔའི་
D12.033.0182a07.01