完整藏文原文 · 德格版页 当前仅加载第 33 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་འཁོར་བའི་སྡུག་བསྔལ་དཔག་ཏུ་མ་མཆིས་པ་ལས་ཐར་བར་བགྱི་བར་འཚལ་བས་དེ་ཆོས་འཚལ་བའི་སླད་དུ་བདག་ཉིད་བཙོངས་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མཆོད་པ་བགྱི་བར་འཚལ། འཕགས་པ་བྱང་ཆུབ་སེམས་དཔའ་
D12.033.0272a01.01སེམས་དཔའ་ཆེན་པོ་ཆོས་འཕགས་ལ་ཡང་བཀུར་སྟི་བགྱི་བར་འཚལ་ན། དེའི་ལུས་ཉོ་བ་འགའ་ཡང་མ་རྙེད་ཅིང་མ་རྙེད་པས་སྡུག་བསྔལ་ཞིང་ཡིད་མི་བདེ་ནས་མི་དགའ་བར་སེམས་ཤིང་མཆི་མ་ཕྱུང་ནས་མཆིས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་བྲམ་ཟེའི་ཁྱེའུའི་གཟུགས་སུ་
D12.033.0272a02.01བསྒྱུར་བས་སྨྲས་པ། རིགས་ཀྱི་བུ་ཁྱོད་སྡུག་བསྔལ་བ་དང་ཡིད་མི་བདེ་བས་མི་དགའ་བར་སེམས་ཤིང་མཆི་མ་ཕྱུང་ནས་གནས་པ་ཅི་ཉེས། དེས་དེ་ལ་སྨྲས་པ། བདག་ཉིད་འཚོང་བར་འདོད་ན་བདག་གི་དེ་ཉོ་བ་ཡང་མ་རྙེད་དོ། །བྲམ་ཟེའི་ཁྱེའུའི་གཟུགས་ཀྱི་བརྒྱ་བྱིན་གྱིས་སྨྲས་པ།
D12.033.0272a03.01རིགས་ཀྱི་བུ་ཁྱོད་གང་གི་ཕྱིར་ལུས་འཚོང་བར་འདོད་ཅེས་བགྱིས་པ་དང་། རྟག་ཏུ་ངུས་སྨྲས་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་མཆོད་པར་བྱ་བ་དང་། འཕགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་དེ་ལ་ཡང་བཀུར་སྟི་བྱའོ། །ངའི་སངས་རྒྱས་ཀྱི་ཆོས་
D12.033.0272a04.01རྣམས་ནི་དེ་ལ་རག་ལས་པས་འདི་ལྟ་སྟེ། ཆོས་འདོད་པའི་ཕྱིར་རོ་ཞེས་བགྱིས་པ་དང་། བྲམ་ཟེའི་ཁྱེའུའི་གཟུགས་ཀྱི་བརྒྱ་བྱིན་གྱིས་སྨྲས་པ། རིགས་ཀྱི་བུ་ཁྱོད་ནི་ང་མི་འདོད་དེ། འོན་ཀྱང་ང་མཆོད་སྦྱིན་ཞིག་བྱེད་པ་དེར་མིའི་སྙིང་དང་ཁྲག་དང་རུས་པ་དང་རྐང་དག་དགོས་སོ་ཞེས་
D12.033.0272a05.01བགྱིས་པ་དང་། རིགས་ཀྱི་བུ་དེས་ཡི་མ་བསད་པར་དེ་ལ་འདི་སྐད་དུ་སྦྱིན་ནོ་ཞེས་སྨྲས་ནས། དེ་མཚོན་རྣོན་པོ་ཐོགས་ཏེ་བདག་གི་ལག་པ་ཕུག་ནས་ཁྲག་གཟགས། བརླ་ཤ་མེད་པར་བཏོགས་ཏེ་རུས་པ་གཅོག་ཏུ་རྩིག་པའི་དྲུང་དུ་སོང་ནས་ཕྱོགས་གཅིག་ཏུ་འདུག་སྟེ། རུས་པ་དང་རྐང་
D12.033.0272a06.01སྦྱིན་ནོ་སྙམ་ནས་རིགས་ཀྱི་བུ་དེ་ཁྲག་གཟགས་པ་བདག་ཁང་པའི་ཡང་ཐོག་ན་མཆིས་པས་མཐོང་སྟེ། དེ་ལ་བདག་འདི་སྙམ་དུ་བགྱིད་དོ། །མི་འདི་ཅིའི་སླད་དུ་འདི་ལྟ་བུར་བདག་ཉིད་ལ་ན་ཚ་དག་བགྱིད་སྙམ་སྟེ། དེའི་ཐད་དུ་བདག་མཆིས་ནས་འདི་སྐད་དུ་བགྱིས་སོ། །རིགས་ཀྱི་བུ་
D12.033.0272a07.01