完整藏文原文 · 德格版页 当前仅加载第 33 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཕྱིན་པ་ཞེས་བྱ་བ་ནི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པའི་ཚིག་{བླ་དགས་,བླ་དྭགས་}སོ། །ཀུན་དགའ་བོ་དེ་ལྟ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་བསྒྲགས་ན་ཕ་རོལ་ཏུ་ཕྱིན་པ་དྲུག་པོ་ཐམས་ཅད་ཡོངས་སུ་བསྒྲགས་པར་འགྱུར་རོ། །ཀུན་དགའ་བོ་འདི་ལྟ་སྟེ་དཔེར་ན་ས་ཆེན་པོ་
D12.033.0046b01.01ལ་ས་བོན་བཏབ་པ་ཚོགས་པ་དང་ཕྲད་ན་སྐྱེ་བར་འགྱུར་ཏེ། ས་ཆེན་པོ་ནི་ས་བོན་དེ་དག་གི་གཞི་ཡིན་པས་ས་ཆེན་པོ་ལ་བརྟེན་ནས་ས་བོན་དེ་དག་སྐྱེ་བར་འགྱུར་རོ། །ཀུན་དགའ་བོ་དེ་བཞིན་དུ་ཕ་རོལ་ཏུ་ཕྱིན་པ་ལྔ་ནི་ཤེས་རབ་ཀྱི་ཕ་རོལ་ཏུ་ཕྱིན་པས་ཡང་དག་པར་བཟུང་བས་ཐམས་ཅད་
D12.033.0046b02.01མཁྱེན་པ་ཉིད་ལ་བརྟེན་པ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས་ཕ་རོལ་ཏུ་ཕྱིན་པ་ལྔ་སྐྱེ་བར་འགྱུར་རོ། །ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བའི་ཕྱིར་ཕ་རོལ་ཏུ་ཕྱིན་པ་ཞེས་བྱ་བའི་མིང་འཐོབ་པར་འགྱུར་རོ། །ཀུན་དགའ་བོ་དེ་ལྟ་བས་ན་ཤེས་རབ་ཀྱི་
D12.033.0046b03.01ཕ་རོལ་ཏུ་ཕྱིན་པ་འདི་ཉིད་ཕ་རོལ་ཏུ་ཕྱིན་པ་ལྔའི་སྔོན་དུ་འགྲོ་ཞིང་འདྲེན་པ་ཡོངས་སུ་འདྲེན་པའོ། །དེ་ནས་བཅོམ་ལྡན་འདས་ལ་ལྷ་རྣམས་ཀྱི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་རེ་ཤིག་ཤེས་རབ་ཀྱི་ཕ་རོལ་ཏུ་ཕྱིན་པ་བཟུང་ཞིང་བཅངས་པ་དང་ཀླགས་པ་
D12.033.0046b04.01དང་ཀུན་ཆུབ་པར་བགྱིས་པ་དང་རབ་ཏུ་བཏོན་པ་དང་བསྟན་པ་དང་ཉེ་བར་བསྟན་པ་དང་ལུང་ཕོག་པ་དང་ཁ་ཏོན་དུ་བགྱིས་པས་རིགས་ཀྱི་བུ་འམ་རིགས་ཀྱི་བུ་མོས་ཡོན་ཏན་གང་དག་ཡོངས་སུ་འཛིན་པར་འགྱུར་བ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡོན་ཏན་འདི་དག་ཐམས་ཅད་དེ་བཞིན་
D12.033.0046b05.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཡོངས་སུ་བསྒྲགས་པ་ནི་མ་ལགས་ཏེ། འོན་ཀྱང་གང་ཞིག་བདག་གིས་བཅོམ་ལྡན་འདས་ཀྱི་ཐད་ནས་ཤེས་རབ་ཀྱི་ཕ་རོལ་ཏུ་ཕྱིན་པ་འདིའི་ཕྱོགས་གཅིག་བཟུང་ཞིང་རབ་ཏུ་བཏོན་པའི་ལགས་སོ། །བཅོམ་ལྡན་
D12.033.0046b06.01འདས་ཀྱིས་བཀའ་སྩལ་པ། ཀཽ་ཤི་ཀ་ལེགས་སོ་ལེགས་སོ། །ཀཽ་ཤི་ཀ་ཡང་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་རབ་ཏུ་འདོན་པ་དང་སྟོན་པ་དང་ཉེ་བར་སྟོན་པ་དང་ལུང་འབོགས་པ་དང་ཁ་ཏོན་བྱེད་པ་དེ་དག་ཉིད་
D12.033.0046b07.01