完整藏文原文 · 德格版页 当前仅加载第 33 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བ་ཆེན་པོ་དང་ལྡན་པར་འགྱུར་ཏེ། དེ་འདི་ལྟར་ཀྱེ་མ་བདག་ནི་ནོར་བུ་རིན་པོ་ཆེ་ཆེན་པོ་དེ་དང་བྲལ་ལོ་ཞེས་རྟག་ཏུ་རྒྱུན་མི་འཆད་པར་ནོར་བུ་རིན་པོ་ཆེ་ཆེན་པོ་དང་བྲལ་བའི་ཡིད་ལ་བྱེད་པ་འབྱུང་ཞིང་དེ་ལྟར་ནོར་བུ་རིན་པོ་ཆེ་ཆེན་པོ་དེ་འམ་དེ་མ་ཡིན་པ་གཞན་དེ་དང་ཡོན་ཏན་
D12.033.0221a01.01འདྲ་ཞིང་རིགས་མཐུན་པ་རྙེད་པར་གྱུར་གྱི་བར་དུ་སྐྱེས་བུ་དེ་ནོར་བུ་རིན་པོ་ཆེ་ཆེན་པོ་དེ་མི་བརྗེད་དོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་ནོར་བུ་རིན་པོ་ཆེ་ཆེན་པོ་ལས་ཡོངས་སུ་ཉམས་པས་ཀྱང་ནོར་བུ་རིན་པོ་ཆེ་ཆེན་པོ་ལས་ཡོངས་སུ་
D12.033.0221a02.01ཉམས་པ་ནོར་བུ་རིན་པོ་ཆེ་ཆེན་པོ་ལ་རིན་པོ་ཆེར་འདུ་ཤེས་པ་ལྟར། ཤེས་རབ་ཀྱི་ཕ་རོལ་ཏུ་ཕྱིན་པ་ཡིད་ལ་བྱེད་པ་དང་ལྡན་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་ཡིད་ལ་བྱེད་པ་དང་མ་བྲལ་བས་ཐམས་ཅད་མཁྱེན་པའི་སེམས་ཀྱིས་ཅི་སྲིད་དུ་དེ་འམ་གཞན་རྙེད་པར་གྱུར་པ་དེ་སྲིད་དུ་བཙལ་བར་བྱ་ཞིང་།
D12.033.0221a03.01དེ་སྲིད་དུ་དེས་ཤེས་རབ་ཀྱི་ཕ་རོལ་ཏུ་ཕྱིན་པའི་ནོར་བུ་རིན་པོ་ཆེ་ཆེན་པོ་རྙེད་པ་དང་ལྡན་པའི་ཡིད་ལ་བྱེད་པ་དང་ཐམས་ཅད་མཁྱེན་པ་ཉིད་ཀྱི་ནོར་བུ་རིན་པོ་ཆེ་ཆེན་པོ་རྙེད་པ་དང་ལྡན་པའི་ཡིད་ལ་བྱེད་པ་དང་མི་འབྲལ་བར་འགྱུར་བར་བྱའོ། །རབ་འབྱོར་གྱིས་གསོལ་པ། བཅོམ་ལྡན་འདས་གང་ཡང་
D12.033.0221a04.01བཅོམ་ལྡན་འདས་ཀྱིས་ཆོས་ཐམས་ཅད་དང་ཡིད་ལ་བགྱིད་པ་ཐམས་ཅད་ནི་ངོ་བོ་ཉིད་དང་བྲལ་བ་དང་སྟོང་པར་གསུངས་ལགས་ན། བཅོམ་ལྡན་འདས་ཅི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཡིད་ལ་བགྱིད་པ་དང་ཐམས་ཅད་མཁྱེན་
D12.033.0221a05.01པ་ཉིད་དང་ལྡན་པའི་ཡིད་ལ་བགྱིད་པ་དང་མ་བྲལ་བར་འགྱུར། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་ཆོས་ཐམས་ཅད་ནི་རང་བཞིན་གྱིས་
D12.033.0221a06.01དབེན་པའོ་ཆོས་ཐམས་ཅད་ནི་རང་བཞིན་གྱིས་སྟོང་པའོ་ཞེས་ཡིད་ལ་བྱེད་ན། དེ་ལྟར་ཡིད་ལ་བྱེད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་ཡིད་ལ་བྱེད་པ་དང་ཐམས་ཅད་མཁྱེན་པ་དང་ལྡན་པའི་ཡིད་ལ་བྱེད་པ་དང་མ་བྲལ་བ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར་ཤེས་རབ་ཀྱི་ཕ་
D12.033.0221a07.01