完整藏文原文 · 德格版页 当前仅加载第 33 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཐམས་ཅད་འདི་ལྟར་ཟིལ་གྱིས་གནོན་ན་གང་གི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་པས་ལྟ་ཅི་སྨོས། སེམས་ཅན་གང་དག་ཐམས་ཅད་མཁྱེན་པ་ཉིད་དུ་སེམས་འཇུག་པ་དེ་དག་ནི་རྙེད་པ་ལེགས་
D12.033.0235a01.01པར་རྙེད་པ་ཡིན་སེམས་ཅན་དེ་དག་ནི་འཚོ་བ་ཡང་ལེགས་པར་འཚོ་བ་ཡིན་ན། ཡང་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ལྟ་ཅི་སྨོས། སེམས་ཅན་དམ་པ་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་
D12.033.0235a02.01རྒྱ་བར་འགྱུར་བའི་སེམས་ཅན་དེ་དག་ནི་འདོད་པར་བྱ་བའོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་མེ་ཏོག་མན་དཱ་ར་བ་དག་མངོན་པར་སྤྲུལ་ནས་མེ་ཏོག་སྙིམ་པར་ཐོགས་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གཏོར་ནས་ཚིག་ཏུ་ཡང་
D12.033.0235a03.01འདི་སྐད་ཅེས་སྨྲས་སོ། །བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ་མངོན་པར་རྫོགས་པར་སངས་རྒྱས་ནས་འཁོར་བའི་རྒྱ་མཚོ་ཆེན་པོས་ཁྱེར་པར་གྱུར་པའི་སེམས་ཅན་ཐམས་ཅད་
D12.033.0235a04.01ཕ་རོལ་གྱི་འགྲམ་རྫོགས་པའི་སངས་རྒྱས་ཀྱི་ས་ལ་མཉམ་པར་གཞག་པར་བགྱིའོ་ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་གིས་འཚལ་བ་དང་ཡོངས་སུ་བསམས་པ་དང་ཡོངས་སུ་བཟུང་བའི་སེམས་བསྐྱེད་པ་དེ་རྣམས་འབྱོར་བར་གྱུར་ཅིག །དེ་དག་
D12.033.0235a05.01གི་སངས་རྒྱས་ཀྱི་ཆོས་དེ་དག་ཉིད་ཡོངས་སུ་རྫོགས་པར་གྱུར་ཅིག །ཐམས་ཅད་མཁྱེན་པ་ཉིད་དང་ལྡན་པའི་ཆོས་དེ་དག་ཉིད་ཡོངས་སུ་རྫོགས་པར་གྱུར་ཅིག་རང་བྱུང་གི་ཆོས་དེ་དག་ཉིད་ཡོངས་སུ་རྫོགས་པར་གྱུར་ཅིག་མི་འཕྲོགས་པའི་ཆོས་དེ་དག་ཉིད་ཡོངས་སུ་རྫོགས་པར་གྱུར་ཅིག །
D12.033.0235a06.01བཅོམ་ལྡན་འདས་བདག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་གང་ཡིན་པ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སླར་ལྡོག་པའི་སེམས་བསྐྱེད་པ་གཅིག་ཀྱང་མི་སྐྱེའོ། །བཅོམ་ལྡན་འདས་བདག་ནི་བྱང་ཆུབ་སེམས་དཔའི་ཐེག་པ་
D12.033.0235a07.01