完整藏文原文 · 德格版页 当前仅加载第 33 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་གེ་དང་བཅས་པ་ཉེ་བར་སྟོན་ན། ཀཽ་ཤི་ཀ་དེ་ཅི་སྙམ་དུ་སེམས་ཅི་རིགས་ཀྱི་བུ་འམ་རིགས་ཀྱི་བུ་མོ་དེ་དེའི་གཞི་ལས་བསོད་ནམས་མང་དུ་སྐྱེད་དམ། བརྒྱ་བྱིན་གྱིས་གསོལ་པ། བཅོམ་ལྡན་འདས་མང་ངོ་བདེ་བར་གཤེགས་པ་མང་ངོ་། །བཅོམ་ལྡན་འདས་བསོད་
D12.033.0075a01.01ནམས་ཀྱི་ཕུང་པོ་དེ་གྲངས་སུ་བགྱི་བར་སླ་བ་མ་ལགས་ཏེ། བཅོམ་ལྡན་འདས་བསོད་ནམས་ཀྱི་ཕུང་པོ་དེ་བགྲང་བར་ཡང་དཔེར་ཡང་དཔེས་བསྟན་པར་བགྱི་བར་ཡང་རྟེན་དུ་ཡང་རྒྱུར་ཡང་བགྱི་བར་སླ་བ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་དེ་བས་ཀྱང་རིགས་
D12.033.0075a02.01ཀྱི་བུ་འམ་རིགས་ཀྱི་བུ་མོ་འདི་ཆེས་བསོད་ནམས་མང་དུ་སྐྱེད་དེ། གང་གིས་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པ་དེ་དག་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གླེགས་བམ་
D12.033.0075a03.01དུ་བྲི་བ་བྱས་ནས་བྱིན་ཞིང་ཉེ་བར་གཏད་དེ་དོན་དང་བཅས་ཤིང་ཡི་གེ་དང་བཅས་པ་ཉེ་བར་སྟོན་ཅིང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འདོམས་ཤིང་རྗེས་སུ་སྟོན་པ་དང་། ཀཽ་ཤི་ཀ་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་ཞིག་བྱུང་སྟེ་དེ་འདི་སྐད་དུ་བདག་ནི་འདི་དག་པས་ཆེས་མྱུར་
D12.033.0075a04.01དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་ཞེས་ཟེར་ཏེ། ཀཽ་ཤི་ཀ་རིགས་ཀྱི་བུ་འམ་རིགས་ཀྱི་བུ་མོ་གང་ཞིག་གིས་མངོན་པར་ཤེས་པ་ཤིན་ཏུ་མྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འདོམས་
D12.033.0075a05.01ཤིང་རྗེས་སུ་སྟོན་ན་རིགས་ཀྱི་བུ་འམ་རིགས་ཀྱི་བུ་མོ་སྔ་མ་དེ་བས་འདི་ཉིད་ཆེས་བསོད་ནམས་མང་དུ་སྐྱེད་དོ། །དེ་ནས་བཅོམ་ལྡན་འདས་ལ་ལྷ་རྣམས་ཀྱི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཅི་ལྟ་ཅི་ལྟར་བླ་ན་མེད་པ་
D12.033.0075a06.01ཡང་དག་པར་རྫོགས་པའི་བྱང་ཆུབ་ཏུ་ཉེ་བར་གྱུར་པ་དེ་ལྟ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གདམས་པར་བགྱི་ཞིང་རྗེས་སུ་བསྟན་པར་བགྱི་བ་ལགས་སོ། །དེ་ལྟ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གདམས་པར་བགྱི་བ་དང་རྗེས་སུ་བསྟན་པར་བགྱི་བ་ལགས་པས་དེ་བཞིན་ཉིད་ལ་ཉེ་བར་
D12.033.0075a07.01