完整藏文原文 · 德格版页 当前仅加载第 33 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱས་ནས་ཡོངས་སུ་མྱ་ངན་ལས་འདའ་བར་བྱའོ་ཞེས་བརྗོད་པ་དེ་ནི་ཉན་ཐོས་དང་རང་སངས་རྒྱས་ཀྱི་ས་དང་ལྡན་པ་ཞེས་བྱ་སྟེ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སེམས་བསྐྱེད་པར་མི་བྱའོ། །དེ་ཅིའི་ཕྱིར་ཞེ་ན། རབ་འབྱོར་བྱང་ཆུབ་སེམས་དཔའ་
D12.033.0130b01.01སེམས་དཔའ་ཆེན་པོ་ནི་ཐེག་པ་ཆེན་པོ་ལ་ཡང་དག་པར་ཞུགས་ཤིང་གོ་ཆ་ཆེན་པོ་བགོས་པ་ཡིན་ཏེ་དེ་དག་གིས་ནམ་དུ་ཡང་སྤྲོ་བ་ཆུང་ངུ་ལ་སེམས་མི་བསྐྱེད་དོ། །དེ་ཅིའི་ཕྱིར་ཞེ་ན། སྐྱེས་བུ་དམ་པ་དེ་དག་ནི་འཇིག་རྟེན་ཡོངས་སུ་འདྲེན་པ་འཇིག་རྟེན་གྱི་དོན་བྱེད་པ་ཡིན་ཏེ། དེ་
D12.033.0130b02.01བས་ན་དེ་དག་གིས་དུས་རྟག་ཏུ་རྒྱུན་མི་འཆད་པར་ཕ་རོལ་ཏུ་ཕྱིན་པ་དྲུག་ལ་ལེགས་པར་བསླབ་པར་བྱའོ། །རབ་འབྱོར་ཡང་གང་ཟག་བྱང་ཆུབ་སེམས་དཔའི་ཐེག་པ་ཅན་གང་དག་དགེ་བའི་རྩ་བ་ཡོངས་སུ་མ་སྨིན་པ་བློ་ཆུང་བ་ལྷག་པའི་བསམ་པ་ཞན་པ་དེ་དག་ཕ་རོལ་ཏུ་ཕྱིན་པ་དྲུག་དང་
D12.033.0130b03.01ལྡན་པའི་མདོ་སྡེ་དག་མི་ཤེས་ཤིང་ཁོང་དུ་མ་ཆུད་པས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྤངས་ཤིང་བོར་ནས་མདོ་སྡེ་གང་དག་ཉན་ཐོས་དང་རང་སངས་རྒྱས་ཀྱི་ས་མངོན་པར་སྟོན་པ་དེ་དག་ཡོངས་སུ་བཙལ་བར་སེམས་ཏེ། རབ་འབྱོར་གང་ཟག་བྱང་ཆུབ་སེམས་དཔའི་ཐེག་པ་ཅན་འདི་ལྟ་
D12.033.0130b04.01བུའི་ཚུལ་ཅན་དེ་དག་གི་འདི་ཡང་བདུད་ཀྱི་ལས་སུ་རིག་པར་བྱའོ། །རབ་འབྱོར་འདི་ལྟ་སྟེ་དཔེར་ན། ཤིང་མཁན་ནམ། ཤིང་མཁན་གྱི་སློབ་མ་ཞིག་རྣམ་པར་རྒྱལ་བའི་ཁང་པའི་ཚད་དུ་ཁང་པ་བྱེད་པར་འདོད་པ་དང་སྒྲུབ་པར་འདོད་ནས། དེ་ཉི་མ་དང་ཟླ་བའི་གཞལ་མེད་ཁང་གི་ཚད་དང་
D12.033.0130b05.01དཀྱིལ་འཁོར་ཡོངས་སུ་ཚོལ་ཏེ། དེ་ཡོངས་སུ་ཚོལ་བས་ཉི་མ་དང་ཟླ་བའི་གཞལ་མེད་ཁང་མཐོང་བ་དང་དེ་དེ་དག་གི་ཚད་གཟུང་བར་སེམས་ན། རབ་འབྱོར་དེ་ཅི་སྙམ་དུ་སེམས། རྣམ་པར་རྒྱལ་བའི་ཁང་པའི་ཚད་ཀྱི་ཁང་བ་བྱེད་པར་འདོད་པ་དང་སྒྲུབ་པར་འདོད་པས། ཉི་མ་དང་
D12.033.0130b06.01ཟླ་བའི་གཞལ་མེད་ཁང་གི་ཚད་གཟུང་བར་བྱ་བ་ཡིན་ནམ། རབ་འབྱོར་གྱིས་གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་མ་འོངས་པའི་དུས་ན་འབྱུང་བར་འགྱུར་བའི་གང་ཟག་བྱང་ཆུབ་སེམས་དཔའི་
D12.033.0130b07.01