完整藏文原文 · 德格版页 当前仅加载第 33 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ཀུན་ཏུ་སྐྲག་ལ་ཀུན་ཏུ་སྐྲག་པ་དང་ལྡན་པར་གྱུར་ན་མི་རུང་ངོ་། །འཕགས་པ་རབ་འབྱོར་ཡང་ཅི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་
D12.033.0079a01.01བསྔོ་བར་བྱ། རྗེས་སུ་ཡི་རང་བ་དང་ལྡན་པའི་བསོད་ནམས་བྱ་བའི་དངོས་པོ་ཡོངས་སུ་འཛིན་པ་དང་རྗེས་སུ་ཡི་རང་བ་དང་ལྡན་པའི་སེམས་ཡོངས་སུ་སྔོ་བར་བྱེད་པས་ཇི་ལྟར་རྗེས་སུ་ཡི་རང་བ་དང་ལྡན་པའི་སེམས་དེ་ལེགས་པར་ཡོངས་སུ་བཟུང་ཞིང་ལེགས་པར་ཡོངས་སུ་བསྔོས་པར་འགྱུར།
D12.033.0079a02.01དེ་ནས་གནས་བརྟན་ཚེ་དང་ལྡན་པ་རབ་འབྱོར་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བརྩམས་ཤིང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་གཞིར་བྱས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སྨྲས་པ། བྱམས་པ་འདི་ལ་བྱང་ཆུབ་
D12.033.0079a03.01སེམས་དཔའ་སེམས་དཔའ་ཆེན་པོས་ཕྱོགས་བཅུའི་འཇིག་རྟེན་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གཞལ་དུ་མེད་ཅིང་གྲངས་མེད་པ་ཡོད་པའི་ཕྱོགས་རེ་རེའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རེ་རེར་ཡང་འདས་པའི་སངས་རྒྱས་བཅོམ་ལྡན་འདས་ལམ་ཆད་པ་འཇུག་པ་
D12.033.0079a04.01ཆད་པ་སྤྲོས་པ་དང་སྲིད་པར་འདྲེན་པ་ཆད་པ་མཆི་མ་ཟད་པ་ཚེར་མ་བཅོམ་པ་ཁུར་ཤིན་ཏུ་བོར་བ་བདག་གི་དོན་རྗེས་སུ་ཐོབ་པ་སྲིད་པར་སྦྱོར་བ་ཡོངས་སུ་ཟད་པ་ཡང་དག་པར་ཀུན་ཤེས་པས་སེམས་ཤིན་ཏུ་རྣམ་པར་གྲོལ་བ་སེམས་ཐམས་ཅད་ཀྱི་དབང་ངམ་པའི་ཕ་རོལ་ཏུ་སོན་པ་གཞལ་དུ་མེད་ཅིང་གྲངས་མེད་
D12.033.0079a05.01པ་ཡོངས་སུ་མྱ་ངན་ལས་འདས་པར་གྱུར་པའི་སངས་རྒྱས་བཅོམ་ལྡན་འདས་དེ་དག་གི་སེམས་དང་པོ་བསྐྱེད་པ་ནས་བཟུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་བར་དང་། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་
D12.033.0079a06.01ཡོངས་སུ་མྱ་ངན་ལས་འདས་པའི་བར་དང་། དམ་པའི་ཆོས་ནུབ་པར་མ་གྱུར་པའི་བར་ཏེ། དེ་དག་གི་བར་གྱི་སངས་རྒྱས་བཅོམ་ལྡན་འདས་དེ་དག་གི་དགེ་བའི་རྩ་བ་ཕ་རོལ་ཏུ་ཕྱིན་པ་དང་ལྡན་པ་གང་ཡིན་པ་རྣམས་དང་། སངས་རྒྱས་བཅོམ་ལྡན་འདས་དེ་དག་གི་བསོད་ནམས་
D12.033.0079a07.01