完整藏文原文 · 德格版页 当前仅加载第 33 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་འགྱུར་རྗེས་སུ་འཇུག་པར་མི་འགྱུར་རྗེས་སུ་སྟེན་པར་མི་འགྱུར་བས་དེ་ཉན་ཐོས་ཀྱི་ས་འམ་རང་སངས་རྒྱས་ཀྱི་ས་འམ་དེ་ས་གཉིས་ལས་གང་ཡང་རུང་བའི་ས་གཅིག་ཏུ་རེ་བར་བྱའོ། །རབ་འབྱོར་འདི་ལྟ་སྟེ་དཔེར་ན་རྒྱ་མཚོ་ཆེན་པོར་ཞུགས་པའི་གྲུ་ཆག་པ་ན་
D12.033.0159a01.01གང་དག་དེར་ཤིང་ངམ་སྤང་ལེབ་ལ་མི་འཛིན་ཏམ་ཤི་བའི་རོ་ལ་མི་འཇུ་ན་རབ་འབྱོར་དེ་ནི་ཆུའི་ཕ་རོལ་གྱི་འགྲམ་དུ་མ་ཕྱིན་པར་ཆུའི་ནང་དུ་འཆི་བའི་དུས་བྱེད་པར་འགྱུར་རོ་ཞེས་རིག་པར་བྱའོ། །རབ་འབྱོར་ཡང་གང་དག་རྒྱ་མཚོ་ཆེན་པོར་ཞུགས་པའི་གྲུ་ཆག་པ་ན་དེར་ཤིང་ངམ་སྤང་ལེབ་
D12.033.0159a02.01བམ་ཤི་བའི་རོ་ལ་འཇུ་ན་རབ་འབྱོར་དེ་ནི་ཆུས་དུས་བྱེད་པར་མི་འགྱུར་ཞིང་བདེ་བར་ཕ་རོལ་གྱི་འགྲམ་དུ་ཕྱིན་པར་འགྱུར་ཏེ་མ་སྨས་མ་སྣད་པར་སྐམ་ས་ལ་གནས་པར་འགྱུར་རོ་ཞེས་རིག་པར་བྱའོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་དད་པ་ཙམ་དང་དགའ་བ་ཙམ་དང་
D12.033.0159a03.01དང་པ་ཙམ་དང་འདུན་པ་ཙམ་དང་ལྡན་ཡང་དེས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མ་བརྟེན་ན་རབ་འབྱོར་དེ་ནི་ལམ་གྱི་བར་མ་དོར་རྣམ་པར་འཇིག་པར་འགྱུར་ཏེ། ཐམས་ཅད་མཁྱེན་པ་ཉིད་མ་ཐོབ་པར་ཉན་ཐོས་ཉིད་དམ་རང་སངས་རྒྱས་ཉིད་དུ་གནས་པར་འགྱུར་རོ་ཞེས་དེ་ལྟར་རིག་པར་བྱའོ། །
D12.033.0159a04.01རབ་འབྱོར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་དད་པ་ཡོད་པ་དང་བཟོད་པ་ཡོད་པ་དང་སྲེད་པ་ཡོད་པ་དང་འདུན་པ་ཡོད་པ་དང་བརྩོན་འགྲུས་ཡོད་པ་དང་བག་བྱེད་པ་ཡོད་པ་དང་མོས་
D12.033.0159a05.01པ་ཡོད་པ་དང་ལྷག་པའི་བསམ་པ་ཡོད་པ་དང་གཏོང་བ་ཡོད་པ་དང་གུས་པར་བྱེད་པ་ཡོད་པ་དང་དགའ་བ་ཡོད་པ་དང་མགུ་བ་ཡོད་པ་དང་དང་བ་ཡོད་པ་དང་རབ་ཏུ་དགའ་བ་ཡོད་པ་དང་བརྩོན་པ་མི་གཏོང་བ་ཡོད་པ་དེ་དག་གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྟེན་པར་བྱེད་ན། དེ་ལྟར་ན་
D12.033.0159a06.01དེ་དག་གི་དད་པ་དེ་དང་བཟོད་པ་དེ་དང་སྲེད་པ་དེ་དང་འདུན་པ་དེ་དང་བརྩོན་འགྲུས་དེ་དང་བག་བྱེད་པ་དེ་དང་མོས་པ་དེ་དང་ལྷག་པའི་བསམ་པ་དེ་དང་གཏོང་བ་དེ་དང་གུས་པར་བྱེད་པ་དེ་དང་དགའ་བ་དེ་དང་མགུ་བ་དེ་དང་དང་བ་དེ་དང་རབ་ཏུ་དགའ་བ་དེ་དང་བརྩོན་པ་མི་གཏོང་བ་དེ་དག་ཀྱང་ཤེས་
D12.033.0159a07.01