完整藏文原文 · 德格版页 当前仅加载第 33 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཡང་མི་འཕོ་མོད་ཀྱི་འོན་ཀྱང་རྐྱེན་དེ་དག་ཡོད་ན་རིན་པོ་ཆེ་དག་རབ་ཏུ་འབྱེད་དོ། །རྐྱེན་དེ་དག་མེད་ན་རིན་པོ་ཆེ་དེ་དག་རབ་ཏུ་དབྱེ་བ་ཡང་མེད་པར་འགྱུར་རོ། །རིགས་ཀྱི་བུ་དེ་བཞིན་དུ་དེ་བཞིན་གཤེགས་པ་དེ་དག་གི་སྐུ་ཡོངས་སུ་གྲུབ་པ་ཡང་ཕྱོགས་བཅུའི་འཇིག་རྟེན་
D12.033.0278b01.01གང་ནས་ཀྱང་མ་བྱོན་ཕྱོགས་བཅུའི་འཇིག་རྟེན་གང་དུ་ཡང་མ་བཞུད་དོ། །སངས་རྒྱས་བཅོམ་ལྡན་འདས་དེ་དག་གི་སྐུ་རྒྱུ་མེད་པ་ཡང་མ་ཡིན་ཏེ་སྔོན་གྱི་སྤྱད་པས་ཡོངས་སུ་གྲུབ་པ་ཡིན་པས་རྒྱུ་ལ་རག་ལས་པ་རྐྱེན་ལ་རག་ལས་པ། སྔོན་གྱི་ཕྲིན་ལས་རྣམ་པར་སྨིན་པ་ལས་བྱུང་བ་ཡིན་ཞིང་
D12.033.0278b02.01དེ་ནི་ཕྱོགས་བཅུའི་འཇིག་རྟེན་གྱི་ཁམས་གང་ན་ཡང་ཡོད་པ་མ་ཡིན་ནོ། །འོན་ཀྱང་རྐྱེན་རྣམས་ཡོད་ན་སྐུ་མངོན་པར་འགྲུབ་པར་འགྱུར་ཏེ། རྐྱེན་དེ་དག་མེད་ན་སྐུ་མངོན་པར་གྲུབ་བ་ཡང་མི་སྣང་ངོ་། །རིགས་ཀྱི་བུ་འདི་ལྟ་སྟེ། དཔེར་ན་པི་བང་གི་སྒྲ་བྱུང་བ་ཡང་གང་
D12.033.0278b03.01ནས་ཀྱང་མ་འོངས་འགགས་པ་ཡང་གང་དུ་ཡང་མི་འགྲོ་གང་ན་ཡང་མི་འཕོ་སྟེ། རྒྱུ་དང་རྐྱེན་ཚོགས་པ་ལ་བརྟེན་ནས་བྱུང་བ་རྒྱུ་ལ་རག་ལས་པ་རྐྱེན་ལ་རག་ལས་པ། འདི་ལྟ་སྟེ། པི་བང་གི་ཁོག་པ་ལ་བརྟེན་པ་གས་པ་ལ་བརྟེན་རྒྱུད་ལ་བརྟེན་ཡུ་བ་ལ་བརྟེན་ཤིང་བུ་ལ་བརྟེན་རྒྱུད་
D12.033.0278b04.01རྟེན་ལ་བརྟེན་མི་དེ་ལས་སྐྱེས་པའི་རྩོལ་བ་ལ་བརྟེན་ནས་འདི་ལྟར་པི་བང་དེ་ལས་སྒྲ་འབྱུང་སྟེ། རྒྱུ་ལ་རག་ལས་པ་རྐྱེན་ལ་རག་ལས་པའི་སྒྲ་དེ་ཡང་པི་བང་གི་ཁོག་པ་ལས་མ་བྱུང་པགས་པ་ལས་མ་བྱུང་རྒྱུད་ལས་མ་བྱུང་ཡུ་བ་ལས་མ་བྱུང་ཤིང་བུ་ལས་མ་བྱུང་རྒྱུད་རྟེན་ལས་མ་
D12.033.0278b05.01བྱུང་མི་དེ་ལས་སྐྱེས་པའི་རྩོལ་བ་ལས་སྒྲ་མ་བྱུང་མོད་ཀྱི། འོན་ཀྱང་དེ་དག་ཐམས་ཅད་འདུས་པ་ལས་ཀྱང་སྒྲར་གདགས་སོ། །སྒྲ་དེ་འགགས་པ་ཡང་གང་དུ་ཡང་མི་འགྲོའོ། །དེ་བཞིན་དུ་རིགས་ཀྱི་བུ་སངས་རྒྱས་བཅོམ་ལྡན་འདས་རྣམས་ཀྱི་སྐུ་ཡོངས་སུ་འགྲུབ་པ་
D12.033.0278b06.01ཡང་རྒྱུ་ལ་རག་ལས་པ་རྐྱེན་ལ་རག་ལས་པ་དགེ་བའི་རྩ་བའི་སྦྱོར་བ་དུ་མས་ཡོངས་སུ་གྲུབ་པ་ཡིན་ཏེ། རྒྱུ་གཅིག་གིས་མ་ཡིན་རྐྱེན་གཅིག་གིས་མ་ཡིན་དགེ་བའི་རྩ་བ་གཅིག་གིས་སངས་རྒྱས་ཀྱི་སྐུ་རབ་ཏུ་དབྱེ་བ་མ་ཡིན་ཏེ་རྒྱུ་མེད་པ་ཡང་མ་ཡིན་ནོ། །རྒྱུ་དང་རྐྱེན་མང་པོ་
D12.033.0278b07.01