完整藏文原文 · 德格版页 当前仅加载第 33 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་ཟབ་པ་དག་ཡོད་པ་དེ་དག་བདུད་སྡིག་ཅན་དགེ་སློང་གི་ཆ་བྱད་དུ་འོངས་ནས་སྦྱིན་པར་བྱེད་པར་འགྱུར་ཏེ། འདི་སྐད་དུ་འདི་ལ་སློབས་ཤིག །འདི་བྲིས་ཤིག་འདི་ལུང་ཕོག་ཤིག་འདི་ཁ་ཏོན་དུ་གྱིས་ཤིག་དང་འདི་ལས་ཐམས་ཅད་མཁྱེན་པ་ཉིད་འགྲུབ་པར་
D12.033.0134a01.01འགྱུར་རོ་ཞེས་ཟེར་ན། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་མཁས་པས་དེ་དག་ལ་དགའ་བ་མི་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ཡང་མདོ་སྡེ་དེ་དག་ལས་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པ་དག་བཤད་མོད་ཀྱི།
D12.033.0134a02.01ཡང་དེ་ལས་བྱང་ཆུབ་སེམས་དཔའ་སེམས་དཔའ་ཆེན་པོའི་ཐབས་མཁས་པ་མ་བསྟན་ཏོ། །དེ་ལ་བྱང་ཆུབ་སེམས་དཔའ་གང་དག་ཐབས་མཁས་པའི་ཡེ་ཤེས་ཀྱི་བྱེ་བྲག་མངོན་པར་མི་ཤེས་པ་དེ་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་གཏང་བར་སེམས་ཏེ། ཤེས་རབ་ཀྱི་
D12.033.0134a03.01ཕ་རོལ་ཏུ་ཕྱིན་པ་ཟབ་མོ་འདི་བཏང་ནས། ཉན་ཐོས་དང་རང་སངས་རྒྱས་ཀྱི་ས་དང་ལྡན་པའི་མདོ་སྡེ་དག་ལས་ཐབས་མཁས་པ་བཙལ་བར་སེམས་པར་འགྱུར་ཏེ། རབ་འབྱོར་འདི་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ། །རབ་འབྱོར་
D12.033.0134a04.01གཞན་ཡང་ཆོས་ཉན་པ་དག་འདུན་པ་དང་ལྡན་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བར་འདོད་ལ། ཆོས་སྨྲ་བ་སྙོམ་ལས་བྱེད་པར་འགྱུར་ཏེ་ཆོས་སྟོན་པར་མི་འདོད་ན། རབ་འབྱོར་འདི་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་ཚོགས་པ་དང་བྲལ་བས་བདུད་ཀྱི་ལས་སུ་
D12.033.0134a05.01རིག་པར་བྱའོ། །རབ་འབྱོར་གཞན་ཡང་ཆོས་སྨྲ་བ་སྙོམ་ལས་མེད་པར་གྱུར་ཅིང་ཤེས་རབ་ཀྱི་ཕ་རོལ་ཏུ་ཕྱིན་པ་སྦྱིན་པར་འདོད་ལ། ཆོས་ཉན་པ་སྙོམ་ལས་དང་བྱ་བ་མང་པོ་དང་ལྡན་པར་འགྱུར་ཏེ། རབ་འབྱོར་འདི་ཡང་བྱང་ཆུབ་སེམས་དཔའི་སེམས་དཔའ་ཆེན་པོས་ཚོགས་པ་དང་བྲལ་
D12.033.0134a06.01བས་བདུད་ཀྱི་ལས་སུ་རིག་པར་བྱའོ། །རབ་འབྱོར་གཞན་ཡང་ཆོས་ཉན་པ་དག་འདུན་པ་དང་ལྡན་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བར་འདོད་བཅང་བར་འདོད་ཀླག་པར་འདོད་ཀུན་ཆུབ་པར་བྱེད་པར་འདོད་རབ་ཏུ་འདོན་པར་འདོད་ཐ་ན་ཡི་གེར་བྲི་བར་ཡང་འདོད་ཅིང་།
D12.033.0134a07.01