完整藏文原文 · 德格版页 当前仅加载第 33 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་པ་དེ་དེ་བཞིན་ནོ། །ཀཽ་ཤི་ཀ་དེ་དེ་བཞིན་ཏེ། འདི་སྐད་དུ་བཤད་ཅིང་འདི་སྐད་དུ་བསྟན་པ་དེ་ནི་དེ་བཞིན་གཤེགས་པས་གསུངས་པ་བཞིན་སྨྲ་བ་ཡིན་ནོ། །ཆོས་སྨྲ་བ་ཡིན་ནོ། །ཆོས་ཀྱི་རྗེས་སུ་མཐུན་པའི་ཆོས་ལུང་བསྟན་པས་ལུང་སྟོན་པ་ཡིན་ནོ། །
D12.033.0246a01.01དེ་ཅིའི་ཕྱིར་ཞེ་ན། ཀཽ་ཤི་ཀ་གནས་བརྟན་རབ་འབྱོར་གང་དང་གང་སྤོབས་པར་འགྱུར་བ་དེ་དང་དེ་ནི་ཀཽ་ཤི་ཀ་སྟོང་པ་ཉིད་ལས་བརྩམས་ཏེ་སྤོབས་སོ། །དེ་ཅིའི་ཕྱིར་ཞེ་ན། ཀཽ་ཤི་ཀ་གནས་བརྟན་རབ་འབྱོར་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་རེ་ཞིག་ཡང་དག་པར་རྗེས་སུ་མི་མཐོང་ཞིང་
D12.033.0246a02.01མི་དམིགས་ན་གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལྟ་ག་ལ་ཡོད། བྱང་ཆུབ་ཉིད་ཀྱང་རེ་ཞིག་མི་དམིགས་ན་གང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་ལྟ་ཅི་སྨོས། ཐམས་ཅད་མཁྱེན་པ་ཉིད་ཀྱང་རེ་ཞིག་མི་དམིགས་ན་ཡང་གང་ཐམས་ཅད་མཁྱེན་པ་ཉིད་
D12.033.0246a03.01ཐོབ་པར་འགྱུར་བ་ལྟ་ག་ལ་ཡོད། དེ་བཞིན་ཉིད་ཀྱང་རེ་ཞིག་མི་དམིགས་ན་ཡང་གང་དེ་བཞིན་གཤེགས་པར་འགྱུར་བ་ལྟ་ག་ལ་ཡོད། མི་སྐྱེ་བ་ཉིད་ཀྱང་རེ་ཞིག་མི་དམིགས་ན་ཡང་གང་མི་སྐྱེ་བ་མངོན་སུམ་དུ་བྱེད་པར་འགྱུར་བ་ལྟ་ག་ལ་ཡོད། བྱང་ཆུབ་སེམས་དཔའ་ཉིད་
D12.033.0246a04.01ཀྱང་རེ་ཞིག་མི་དམིགས་ན་ཡང་གང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་ལྟ་ག་ལ་ཡོད། སྟོབས་ཉིད་ཀྱང་རེ་ཞིག་མི་དམིགས་ན་ཡང་གང་སྟོབས་དང་ལྡན་པར་འགྱུར་བ་ལྟ་ག་ལ་ཡོད། མི་འཇིགས་པ་ཉིད་ཀྱང་རེ་ཞིག་མི་དམིགས་ན་ཡང་གང་མི་འཇིགས་
D12.033.0246a05.01པར་འགྱུར་བ་ལྟ་ག་ལ་ཡོད། ཆོས་ཁོ་ན་རེ་ཞིག་མི་དམིགས་ན་ཡང་གང་ཆོས་སྟོན་པར་འགྱུར་བ་ལྟ་ག་ལ་ཡོད། ཀཽ་ཤི་ཀ་གནས་བརྟན་རབ་འབྱོར་ནི་ཆོས་ཐམས་ཅད་དབེན་པར་གནས་པ་དང་ཆོས་ཐམས་ཅད་མི་དམིགས་པར་གནས་པས་གནས་སོ། །ཀཽ་ཤི་ཀ་ཡང་གནས་བརྟན་
D12.033.0246a06.01རབ་འབྱོར་གྱི་ཆོས་ཐམས་ཅད་དབེན་པར་གནས་པ་དང་ཆོས་ཐམས་ཅད་དམིགས་སུ་མེད་པར་གནས་པའི་གནས་པ་གང་ཡིན་པ་འདིས་ནི། ཀཽ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་གནས་པའི་བརྒྱའི་ཆར་ཡང་ཉེ་བར་མི་འགྲོའོ། །སྟོང་
D12.033.0246a07.01